Yeremiya 3:6 - Kifuliiru

⁶ Ku kyanya mwami Yosiya âli twaziri, lyo Nahano akambwira: «Ka ubwini ngiisi kwoꞌmuhemu Hisiraheeri agweti agaagira? Si ali mu gendi yikumba imigisi ku marango, na mwiꞌdako lya ngiisi kiti íkidohiri.

Yeremiya 3:6 ပူးပေါင်းရင်းမြစ်များ

1 Baami 14:23

Banayiyubakira ahandu hoꞌkuyikumbira ku ngiisi irango, iri banahashinga amabuye mataluule. Na mwiꞌdako lya ngiisi kiti kyeꞌbihunda bingi, banayimangika heꞌmigisi yoꞌmuzimu Hasheera.

2 Kutondobola 34:1

Mwami Yosiya, ikyanya akayima, âli kola neꞌmyaka munaana, anahisa imyaka makumi gashatu na muguma atwaziri i Yerusaleemu.

Zaburi 106:39

Bâli kizi yiyulubaza mu kukizi gira ibihigo. Neꞌkyanya bâli kizi kunda imigisi, kwanaba nga kukizi gira ubushule imbere lya Rurema.

Hisaaya 57:3

Si mwehe mulyagagi baana baꞌbalozi! Mukanabutwa naꞌbashule! Aahago! Muyegeere hano.

Hisaaya 57:7

Si muli mu kizi gira ubushule ku marango, iri munatanga amatuulo imweꞌmigisi!

Yeremiya 1:2

Yaga magambo, ikyanya Nahano akatangi múyereka go, mwami Yosiya mugala Hamooni âli mali hisa imyaka ikumi niꞌshatu, atwaziri ikihugo kyeꞌBuyuda.

Yeremiya 11:10

Keera banagalukira mu byebyo-byebyo bihigo bya bashokuluza baabo. Mukuba, bakolaga mu yikumba ibindi-bindi íbiri mu yikumbwa, batanaki nzimbahiri. Balya Bahisiraheeri naꞌBayuda, ikihango kyo nꞌganywana na bashokuluza baabo, keera bakakihongola.

Yeremiya 17:2

Kiri naꞌbaana baabo, bali mu genda ha yutwo tutanda, banakizi yikumba hoꞌmuzimu Hasheera. Yutwo tutanda, tukoli biisirwi mwiꞌdako lya ngiisi kiti, na ku ngiisi irango.

Yeremiya 3:8

«Uyo muhemu Hisiraheeri, ikyanya âli kizi gira ubushule, nꞌgamúyandikira amaruba goꞌkubonesa kwo keera nꞌgamúyimula. Kundu kwokwo, mulumuna wage wa Yuda atananyoboha. Si naye anakizi yifunda mu bwobwo bushule.

Yeremiya 31:22

E bahuni, mugagenderera ukuhabuka, halinde mangoki? Si mu kihugo, Nahamwitu agakoleesa igambo lihyahya. E ma! Abahisiraheeri bakolaga bagashubi hoobera Rurema wabo.»

Yeremiya 7:24

«Haliko, yago magambo go nꞌgababwira, batanagatwaza. Si bâli riiri mindagabika, banakizi gira naaho gaagalya mabi go bâli siimiri mu mitima yabo. Ahandu bangagenderiiri imbere, banagalukira inyuma.

Hezekyeri 16:31

«Wâli kizi yiyubakira imbeero ku ngiisi mashangaaniza, na mu ngiisi lubuga lwaꞌkaaya. Halikago, utâli riiri nga bulambe woꞌmukazi, bwo wâli kizi lahira ukuhongwa.

Hezekyeri 16:35

«E Musambani, yuvwiriza ngiisi kwo nie Rurema Nahamwinyu nadetaga:

Hezekyeri 20:28

Mukuba, ikyanya nꞌgabatwala mu kihugo kyo nꞌgabalagaania, banabona amarango, na ngiisi kweꞌbiti biri neꞌbihunda bingi. Haaho-haaho, banakizi siriigiza imigisi amatuulo, iri banagitangira agandi matuulo, kiri na geꞌdivaayi. Umuhongolo gwago gwanakizi nyaagaza.”

Hezekyeri 23:11

«Yibyo byoshi, ikyanya bikakoleka, mulumuna wage wa Oholiba akabibona. Kundu kwokwo, anaba ye gakizi lungumirwa ingingwe ukuhima mukulu wage wa Ohola. Yubwo bushule, anabuyilalaga lwoshi.

Hezekyeri 23:4

Umukulu ye wâli Ohola. Noꞌmuto, ye wâli Oholiba. Yabo banyere kwo bali bombi, nanabayanga, banaba bakola bakaanie. Banambutira abaana boꞌbutabana na boꞌbunyere. Uyo Ohola, ko kaaya keꞌSamariya. Noꞌyo Oholiba, ko kaaya keꞌYerusaleemu.

Hosheya 11:7

Abandu baani keera bakahiga kwo banjande. Kundu bali mu kizi deta kwo nie riiri hiꞌgulu lya byoshi, haliko ndaaye úli mu mbeereza ulushaagwa mu kati koꞌkuli.

Hosheya 4:13

Bagweti bagazamuukira ku marango, na ku tugangazi, banagendi tangira yeꞌmizimu yabo amatuulo, banagiyokere noꞌmubadu. Bali mu holeza mwiꞌdako lyeꞌkiti kyoꞌmwalooni, na kyoꞌmulubuna, na kyoꞌmushishi, kwo biri neꞌkimbehwa kiija. Kyo kitumiri banyere biinyu, na bali-kazi biinyu, bagakizi yifunda mu bushule.

Batwi beꞌmaaja 2:17

Kundu kwokwo, balya Bahisiraheeri batâli kizi batwaza, banaba nga bashule, mu kukizi yikumba imigisi yeꞌmahanga. Kundu bashokuluza baabo bâli kizi simbaha Nahano, si abaana baabo boohe, bâli kizi mútenguha.