Yeremiya 3:25 - Kifuliiru

²⁵ «Ku yukwo, bikwiriiri ishoni zituyizingage kwo, zinatudeedeke haashi. Mukuba, tweshi na bashokuluza biitu, twâli kizi gira ikyaha imbere lya Rurema Nahamwitu. Ukulyokera ubwanuke bwitu halinde buno, ndaaye úkamúsimbaha.»

Yeremiya 3:25 ပူးပေါင်းရင်းမြစ်များ

Zaburi 106:6

Nga kwo bashokuluza biitu bâli kizi yifunda mu byaha, kwo na nyiitu, tukola mu biyifunda mwo. Ee! Twâli kizi huba ngana, twanakizi gira amabi.

Zaburi 106:7

E Rurema, ikyanya bashokuluza biitu bâli ki tuuziri i Miisiri, wâli kizi gira ibitangaaza. Kundu kwokwo, batanabitwaza. Na kundu wâli kizi bayigenderera, haliko batanakukengeera. Si bakahuna ku butambi bweꞌNyaaja Ndukula.

Zaburi 109:29

Yabo bagoma baani, ubateezagye ishoni imbere lya booshi. Na yizo shoni, zikizi babwikira nga mulondo.

Migani 13:18

Ngiisi útali mu twazania, ali mu herera mu bukeni, anateezibwe ishoni. Si ngiisi úli mu yemeera ukuhanuulwa, ali mu kizi longa ulushaagwa.

Migani 5:13

Ngiisi byo abigiriza bâli kizi nyigiriza, ndakabisimbaha. Ikyanya bakagira mbu banyigirize, ndakabatwaza.

Hisaaya 48:8

Kundu kwokwo, mutazindi nyuvwa, kandi iri kusobanukirwa. Kiri na yaho keera, mutâli kizi ndega amatwiri. Nduula nimùyiji, kwo mulyagagi ngulani. Ukulyokera ho mukabutirwa, muyamiri mugweti mugaahuna naaho.

Hisaaya 50:11

Si mwehe mugweti mugatwana umuliro gwinyu naaho, mbu lyo mulonga ukubona! Ngahwe! Gendereragi na gwogwo, gubaagage gwo mugabiika kwoꞌmulangaaliro. Kundu kwokwo, lolagi ngiisi byo Nahano agamùhemba ubuzinda: ikyanya mugagwejera, mugalyanirwa bweneene!

Yeremiya 11:13

«E Bayuda, muloleekeze bwija. Imigisi yinyu iluguusiri bweneene, nga kwoꞌtwaya twinyu tuli. Na niinyu, e batuulaga beꞌYerusaleemu! Ututanda twoꞌkuyokera kwoꞌmuzimu Baali umubadu, tuluguusiri, nga kweꞌnjira ziinyu ziri.

Yeremiya 12:13

Abandu baani, kundu bakabyala ingano, si bakola bagayimbula imigenge. Na kundu bâli kizi yitubanula mu kukola, ndaako kamaro balongaga. Buno, mu kuyimbula, bakola bagateteerwa, bwo ngoli barakariiri.»

Yeremiya 14:20

E maashi Nahano! Twayemeera kwo tukoli bihuusiri. Kiri na bashokuluza biitu, nabo bâli kizi yifunda mu bitalaalwe. Ndaakwo kundi! Tweshi tukoli kuhubiiri bweneene.

Yeremiya 14:7

Abandu bakola mu yigaya, ti: «E Nahano, íbitumiri twagooka kwokuno, biri hiꞌgulu lyeꞌbyaha biitu. Mukuba, tukoli kuhubiiri, naꞌmahube giitu galuguusiri imbere lyawe. Kundu kwokwo, ugirage ututabaale we kongwa, halinde iziina lyawe likizi lumbuuka!

Yeremiya 2:17

E Bahisiraheeri, yubwo buhanya bwoshi, ka mutali mwe mukabuyikululira, mu kunjanda? Keera mukanjanda, na ndi nie Rurema Nahamwinyu. Nie wâli kizi mùrongoora mu njira íkwaniini.

Yeremiya 2:19

Aahago! Keera mukabihuuka, munakoli ba banangora-mabi. Kwokwo, mukolaga mugaahanwa, gira mulonge ukuyiga. Kundu nie Rurema Nahamwinyu, si keera mukanjanda, mutanaki nzimbahiri. Kyo kitumiri mukayikululira ubuhanya, mwanayingira mu makuba. Kwokwo, kwo nie Rurema Nahamwinyu woꞌbushobozi bwoshi ndesiri.

Yeremiya 2:2

kwo ngendi menyeesa abatuulaga beꞌYerusaleemu, ti: «Ngi kengiiri kweꞌkyanya mwâli ki riiri nga muhya-kazi wani, mwâli nvitiirwi kwo bweneene. Mwâli njagalukiiri. Neꞌkyanya nꞌgamùleeza mwiꞌshamba, mwanakizi ngulikira, kundu ndaazo mbuto ízimeziri mwo.

Yeremiya 2:26

Umuzimba, iri bangamùbirigisha, ali mu teteerwa. Kwo na kwokwo niinyu mwe Bahisiraheeri, mwâye teteerwe. Kiri naꞌbaami biinyu, bagateteerwa ngana, kuguma naꞌbatwali baabo, naꞌbagingi baabo, naꞌbaleevi baabo.

Yeremiya 20:18

Iyo nda ya maawe, kituma kiki nꞌgagilyoka mwo? Si isiku zaani zooshi, ndi mu libuuka naaho, iri na njengeerwa! Kiri na ku mbeka yoꞌburambe bwani, si ngagenderera naaho ukukizi negurwa!

Yeremiya 22:21

Ku kyanya mwâli ki riiri mu butoge, nâli mali gwanwa namùkengula, haliko mwananjuvya: “Utatusuuze, maashi!” Kwokwo, kwo mwâli kizi deta, ukulyokera ubwanuke bwinyu. Ngiisi byo ngweti ngaadeta, mutabisimbahiri.

Yeremiya 3:13

«Byo mukwaniini ukugira naaho, muyemeere ibyaha biinyu. Ee! Muyemeerage kwo mukahuna imbere lyani, nie Rurema Nahamwinyu! Mukuba, mukalahira kwo mutagakizi nzimbaha, mwanakizi gendi yikumba imizimu mwiꞌdako lya ngiisi kiti íkidohiri.» Kwokwo, kwo Nahano adesiri.

Yeremiya 31:19

E Nahano! Twâli mali habuka, twanayijamburiisa, iri tunayiteeza ishoni. Ee! Ku kyanya twâli ki riiri baanuke, tukavujuuka mu bitali nga byo. Halikago ha nyuma, twanatumburukwa, twanayemeera kwo tuli banabyaha. Na buno, tukolaga mu gerania, iri tunakugalukira.”»

Yeremiya 6:26

Nahano adetaga kwokuno: «E bandu baani, muyambale amasuuzu, munayivuruguuze mu munyota-kiiko. Mubululuke nga úwafwirwa noꞌmwana weꞌkininga. Mukuba, masaasa atabukwa, umushereeza akola agayija.

Yeremiya 7:19

Kundu kwokwo, ndali nie bagweti bagaraakaza ma! Si bali mu yihigulira boonyene.» Kwokwo, kwo Nahano adesiri.

Yeremiya 8:14

Abandu ba Rurema banabuuza: «E balya, kituma kiki tuki bwatiiri hano? Leka tugendi yingira mu twaya tuzitire, mube mwo tugaafwira. Si keera tukahubira Rurema Nahamwitu! Keera anatwa uluhango, kwo atuminike. Keera atuheereza amagoloovi ágali mwo kolobwe, mbu tunywe.

Yeremiya 9:18

Mu kaaya keꞌSayuni, abandu bakola mu bululuka, ti: «Ala twe! Si twaheraga! Keera twayagagala lwoshi. Inyumba ziitu, keera zahongolwa, tunakola mu yimulwa mu kihugo kiitu.»

Kimombo 5:16

Injembe, keera zanyugutulwa ku matwe giitu! Yayewe imwitu, bwo twâli kizi yifunda mu byaha!

Kimombo 5:7

Ala twe! Bashokuluza biitu, bo bâli kizi yifunda mu byaha. Na bwo batakiri ho, twe tukolaga mu bibetuzibwa.

Hezekyeri 2:3

«E mwana woꞌmundu, namu kutuma imunda Abahisiraheeri. Yabo bandu, kiri na bashokuluza baabo, bayamiri bali mu mbubira halinde zeene. Batandwaziizi, si balyagagi bahuni.

Hezekyeri 36:32

E Bahisiraheeri! Mumenye bwija kwo ngiisi byo ngamùtabaala, kutali hiꞌgulu liinyu. Si ngamùtabaala naaho, gira lyeꞌshoni zimùgwate, munayiji kengeera mwateteerwa. Kwokwo, kwo Rurema Nahamwitu adesiri.

Hezekyeri 44:13

Ku yukwo, batâye ki shubi nyegeera, mbu bangolere umukolwa gwoꞌbugingi. Batanâye ki shubi huma ku birugu byani byeruusibwa, kiri noꞌkuyingira ahandu haani heeru. Kwokwo, yibyo bitalaalwe bakagira, bikolaga bigabateeza ishoni, banateteerwe ngana.

Hezekyeri 7:18

banayambale amasuuzu. Kiri naꞌmatwe gaabo, kwo bali booshi, ganakunguulwe, mu kuyerekana ngiisi kwo bakoli jengiirwi. Amalanga gaabo gagazizibala hiꞌgulu lyeꞌshoni, banakizi teteerwa lwoshi-lwoshi.

Danyeri 12:2

«“Mu bandu keera ábakafwa, banakoli ziisirwi, abingi baabo bagazuuka. Baguma, banalonge ukulama imyaka neꞌmyakuula! Halikago, abandi banateezibwe ishoni, iri banateteerwa imyaka neꞌmyakuula.

Hosheya 9:10

Nahano adetaga kwokuno: «Ikyanya nꞌgatee bona Abahisiraheeri, nanayiyuvwa nga mundu úwagwana imizabibu mwiꞌshamba. Bashokuluza biinyu, bâli riiri nga bitumbwe bya mbere byoꞌmutiini. Halikago, ikyanya bakahika i Baali-Pehoori, banayami tondeera ukuyikumba umuzimu Baali, kundu guli mu teezania ishoni. Buzira kutinda, banabihuuka, banaba babi, nga gulya mugisi gwo bâli kizi yikumba.

Sefaniya 1:17

Abandu keera bakahubira Nahano, kyo kitumiri bali mu kizi mamaata nga mbumi. Umuko gwabo, gugayonwa nga luvu. Neꞌbirunda byabo, bigakizi shemwa nga myanda.

Barumi 6:21

Aahago! Bunguke buki bwo mwâli kizi longa mu kuyifunda mu byaha? Si ndaabwo! Biri mu ba naaho bya kuleetera abandu ulufu! Na buno, birya byaha byo mwâli kizi gira, bikola mu mùteeza ishoni!

Batwi beꞌmaaja 2:2

Aaho! Mutagirage mbu mushubi gendi nywana ikihango mwe naꞌbatuulaga beꞌyo munda. Si ututanda twabo tweꞌmigisi, mutuhongole.” Kundu nꞌgamùkengula kwokwo, haliko mutanandwaza. Aaho! Kutagi mwangayiyumya imitima kwokuno?