Yeremiya 3:16 - Kifuliiru

¹⁶ Nahano ashubi detaga kwokuno: «Ku yikyo kyanya, mugaaba keera mwayushuuka, munakwire mu kihugo kyoshi. Mutagaki kengeera ibya keera, mbu mukizi shubi deta hiꞌgulu lyaꞌKajumba keꞌKihango. Kiri noꞌkukakengeera, mutagakizi ki kakengeera. Mutaganakizi katwaza, kandi iri kugira mbu mulingaanie akandi.

Yeremiya 3:16 ပူးပေါင်းရင်းမြစ်များ

Hisaaya 60:22

Mu kati kiinyu, umundu weꞌmbaga niini agakizi buta abaana kihumbi. Na kundu muki kehiirwi, haliko mugayiji hinduka mulala úguhimbiri. Yibyo byoshi, ngabigira ku kyanya kyabyo, buzira kutindirira. Niehe nie Nahano.»

Hisaaya 61:4

Utwaya útusigiiri biguuka, leero bagatuyubakulula. Na kundu twâli koli maziri imyaka mingi tusibiri, si bagatushakuulula.

Hisaaya 65:17

«Lolagi! Nâye leme igulu lihyahya, neꞌkihugo kihyahya. Abandu batâye ki kengeere amagambo ga keera, batanâye ki gayitoneese kwo.

Yeremiya 3:17

Ku yikyo kyanya, i Yerusaleemu igakizi detwa Kitumbi kya Nahano. Abandu booshi bagakuumana yo, gira bakizi ngingika. Batagaki ba mindagabika. Si amabi ágalyagagi mu mitima yabo, bagagatwikira kwo.

Yeremiya 30:19

Ngiisi ábagatuula mwo, bagashubi yimba inyimbo zoꞌbwivuge, iri banabanda akabuuli. Ngaaluza abaana baabo, halinde banaluguuke ngana-ngana! Ngabagingika bweneene, ndaanaye úgashubi banegura.

Yeremiya 31:27

Nahano adetaga kwokuno: «Ikihugo kyeꞌHisiraheeri neꞌkyaꞌBayuda, mu siku ízigayija, ngashubi biyijuza mwaꞌbandu, kiri na mweꞌbitugwa.

Yeremiya 31:8

Lolagi! Ngabalyosa mu kihugo kyeꞌmbembe, na mbakuumanie ho batuuziri ku mbeka zeꞌkihugo. Mu kati kaabo, baguma balyagagi mbumi neꞌbirema. Abakazi baguma, bakola neꞌnda, naꞌbandi bakola bu buta. Yabo booshi, kwo bakoli luguusiri bweneene, bagagaluka.

Yeremiya 7:4

Mutanahendwe naꞌmagambo gaꞌbandu bagweti bagakizi deta, mbu: Ino Nyumba ya Nahano, iri yeꞌmwage yenyene! Iri yeꞌmwage. Ee! Iryagagi ya Nahano!

Hezekyeri 15:5

Yugwo mulandira, ikyanya gutâli zaazi hiira, gutâli hiiti kamaro. Aahago! Ikyanya umuliro gugaaba keera gwagusingoolaga, ka itali yo haahe?

Hezekyeri 37:26

«Tuganywana ikihango twe nabo, halinde bakizi longa umutuula gweꞌmyaka neꞌmyakuula. Ee ma! Ngabagashaanira, banakizi luguuka. Na mbiike inyumba yani ha kati kaabo, halinde imyakuula.

Hamoosi 9:9

Ikyanya ngakyula, ibinyamahanga bigayiji yeluula-yeluula Abahisiraheeri, nga kwo bali mu yeluula ingano, na ndyose mwo ábatakwaniini. Na mu yabo ábatakwaniini, ndaaye kiri noꞌmuguma úgafuuka.

Sefaniya 3:11

«E bandu beꞌYerusaleemu, kundu mwâli kizi mbubira, haliko ku yulwo lusiku, mutâye ki teerwe neꞌshoni. Mu kati kiinyu, ngiisi ábagweti bagayiheemya, noꞌkuyidundulika, ngabashaaza mu kati kiinyu. Ndaanaye úgakizi yikangaata ku mugazi gwani mweru.

Mataayo 1:11

Yosiya naye, anabuta Yekoniya na beene wabo, ku kyanya kyaꞌBahisiraheeri bakagwatwa imbira, noꞌkutwalwa mu kihugo kyeꞌBabeeri.

Mataayo 3:9

Mutanakizi bwirana, mbu: “Twehe, shokuluza witu ye Hiburahimu.” Namùbwira, kwo Rurema ashobwiri ukulyokeza Hiburahimu abaana, kiri na mu yaga mabuye!