Yeremiya 3:10 - Kifuliiru

¹⁰ Kiri na beene wabo, ingulani zaꞌBayuda batakangalukira ku mitima íshenguusiri. Si bakakizi yihumeera ku bulyalya naaho, kwo bakoli jengiirwi.» Kwokwo, kwo Nahano adesiri.

Yeremiya 3:10 ပူးပေါင်းရင်းမြစ်များ

2 Kutondobola 34:33

Ha nyuma, uyo Yosiya anashaaza imigisi yoshi, bwo iyagaziizi Rurema bweneene. Ikyanya bakagishaaza mu kihugo kyoshi kyaꞌBahisiraheeri, anabiika ulubaaja mu Bahisiraheeri kwaꞌbandu booshi bakizi kolera Nahano naaho, bwo ali Rurema wabo. Ku kyanya kyoshi Yosiya âli ki riiri ho, Abahisiraheeri batakahuna imbere lya Nahano Rurema wa bashokuluza baabo.

Zaburi 18:44

Kiri neꞌkyanya abiitu bakandeera, ukangiza. Neꞌkyanya ukangira mbe mutwali waꞌmahanga, wanakizi ndanga. Hali abandi bo ndâli yiji. Nabo kwakundi, bakoli gweti bagangolera.

Zaburi 66:3

Mukizi bwira Rurema kwokuno: «Ngiisi byo uli mu gira, biri bya kitangaaza. Bwo uli kihagarusi bweneene, abagoma baawe bali mu yiji fukama imbere lyawe.

Hisaaya 10:6

Balya bandu beꞌHasuriya, nie mu batuma, kwo bagendi teera abandu baani! Mukuba, balya bandu baani, keera bambindulira ingoto. Na bwo bakandakarira bweneene, ngahanguulaga Abahasuriya kwo bagendi bateera, banabashahule ibindu. Bagabahinyata-hinyata, nga kwo bali mu hinyata ibidaka mu njira.

Hisaaya 29:13

Nahamwitu adetaga kwokuno: «Bano bandu bagweti bagaadeta kwo bali beꞌmwani. Kundu bali mu yigiraga mbu banzimbahiri, kuli ku tunwa naaho. Si imitima yabo ikoli yisuuziri hala! Ikyanya bali mu nyikumba, bali mu kulikira imihango naaho, yo bakayigirizibwa naꞌbandu.

Hisaaya 31:6

E Bahisiraheeri, si keera mukahagana na Nahano! Aaho! Mumúgalukirage.

Yeremiya 11:10

Keera banagalukira mu byebyo-byebyo bihigo bya bashokuluza baabo. Mukuba, bakolaga mu yikumba ibindi-bindi íbiri mu yikumbwa, batanaki nzimbahiri. Balya Bahisiraheeri naꞌBayuda, ikihango kyo nꞌganywana na bashokuluza baabo, keera bakakihongola.

Yeremiya 12:2

Balya banabyaha booshi, si we kababyala, keera banayisa imizi bweneene! Keera banagangaala, banakola mu tongeka kweꞌbitumbwe. Utunwa, kundu tuli mu kudeta bwija, haliko mu mitima yabo, batakutwaziizi.

Yeremiya 9:1

«Yaba bandu baani, balyagagi bahuni, banali bashule. Aahago! Nangaloziizi ukubajanda, na nyigendere, ngendi tuula haꞌbageezi bali mu shumbika mwiꞌshamba.

Hosheya 7:14

«Kundu bagweti bagandirira, halikago kuli mu ba naaho ku bulyalya. Si bagweti bagayibulaga-bulaga ku ngingo zaabo. Banali mu yikera-kera, mu kuhuuna imizimu yeꞌmahanga kwo balonge ingano neꞌdivaayi. Banaki genderiiri ukundahira.

Hamoosi 4:9

«Nꞌgamùyumagukiza idaho liinyu, halinde nanaboza kiri neꞌmimbu yinyu. Zirya ndalo, inzige zanazilya, ziba za mitiini, kandi iri za mizehituuni. Kundu kwokwo mutakangalukira. Kwokwo, kwo nie Nahano ndesiri.

Malaki 2:11

Kirya kihango, Abayuda keera bakakihongolaga, banakizi higulira i Yerusaleemu, kiri na mu Bahisiraheeri booshi. Bâli gweti bagayulubaza inyumba ya Nahano, inali yo akuuziri. Banâli gweti bagakizi yanga abakazi ábali mu yikumba imizimu.