Yeremiya 29:11 - Kifuliiru

¹¹ Ee ma! Ngiisi byo nimùshungikiiri, mbiyiji bwija. Yizo shungi zaani, zitali za kumùlibuza, si ziri hiꞌgulu lyoꞌkumùgenduusa. Nie gaatuma mugaaba noꞌmulangaaliro, halinde munagenduukirwe mu siku ízigayija.

Yeremiya 29:11 ပူးပေါင်းရင်းမြစ်များ

Hayubu 23:13

«Kundu kwokwo, ikyanya ali mu ba keera ashungika, nyandi úwangaki múhangirira? Ngiisi kwo aloziizagi, kwo anali mu gira.

Zaburi 33:11

Si Nahano yehe, ikyanya ali mu tegeka igambo, liri mu yama lisikamiri halinde imyaka neꞌmyakuula! Ngiisi byo ali mu shungika mu mutima gwage, biyamiri ho, halinde ku bibusi byoshi.

Zaburi 40:5

Ahiriirwi ngiisi úbiisiri Nahano kwoꞌmulangaaliro. Uyo mundu atagweti agaalola ku banabwikangaate, balya ábali mu yifunda mu byeꞌmizimu.

Zaburi 85:9

Nahano Rurema ali mu lagaania abandu baage kwo bagalonga umutuula. Kwokwo, ngakizi múyuvwiriza. Aaho! Batakolwe mbu bashubi galukira mu buhwija.

Hisaaya 27:4

Iyo ndalo, ndakiri mu girakarira. Kundu kwokwo, iri nangagigwana mweꞌmigenge neꞌmihanda-njovu, yoki, ngayiji gilwisa, halinde na ngisingoole.

Yeremiya 23:5

«Mu siku ízigayija, mu kibusi kya Dahudi, ngameza mweꞌshibwe liija. Uyo, ye gayima, anabe mwami mwija, anabe ali mwitegeereza. Yeki, agatwala ikihugo ku njira íkwaniini, na mu kati koꞌkuli. Kwokwo kwo nie Nahano nadeta.

Yeremiya 23:6

Mu butwali bwage, lyeꞌkihugo kyeꞌBuyuda kigakizibwa, halinde umunyerere gunatoole mwo. Uyo mwami agakizi buuzibwa Nahano ye Lukiza Witu.

Yeremiya 24:5

«Nahano Rurema waꞌBahisiraheeri adetaga kwokuno: “Iyi mitiini ísimisiizi, guli mugani gwaꞌBayuda. Keera nꞌgabalungika, bagendi ba imbohe mu kihugo kyeꞌBabeeri.

Yeremiya 30:10

«E beene Yakobo, muli bakozi baani! Ku yukwo, mutayobohe. E Bahisiraheeri! Mutavunike indege.» Kwokwo, kwo Nahano adesiri. «Ngamùlyosagya mu buja i mahanga. Kiri naꞌbaana biinyu, bagalyoka yo. Beene Yakobo bagashubi tuula ku butoge, mu kati koꞌmutuula. Ndaanaye mugoma úgashubi bateera ikyoba.

Yeremiya 30:9

Bwo nie Rurema Nahamwabo, bakola bagakizi ngolera, banakizi kolera noꞌmwami ye ngayimika, ulya wa mwiꞌkondo lya mwami Dahudi.

Yeremiya 33:6

«Kundu kwokwo, kalya kaaya, nâye ki kakize. Abatuulaga baamwo, ngabalunga inguma zaabo. Kwokwo, banashubi genduukirwa, banakizi tuula mu mutuula.

Kimombo 3:26

Kwokwo, buli bwija kwo tukizi tuuza, mu kulindirira kwo agatukiza.

Hezekyeri 11:16

«Kwokwo, balya ábakatwalwa hala i mahanga, ugendi babwira kwokuno: “Nienyene, nie kamùshabulira mu mahanga. Kundu kwokwo, iyo munda muli, tugaaba tuyamiinwi, na mbe nga nyumba ya Nahano mu kati kiinyu.”

Hosheya 3:5

Si ha nyuma, Abahisiraheeri bagagalukira Rurema Nahamwabo, banashubi kizi múkulikira. Bagayiji yibiika na ku mwami, wa mwiꞌkondo lya Dahudi. Ee! Mu siku ízigayija, bagagalukira Nahano, iri banakizi juguma imbere lyage. Nahano anakizi bagashaanira.

Mika 4:12

Kundu kwokwo, yabo bandu batayiji ngiisi byo Nahano atoniri, batanasobanukiirwi neꞌshungi zaage. Si Nahano agweti agabakuumania nga mihuli yeꞌmbuto ízigagendi komwa.

Zakariya 1:6

«Ikyanya nꞌgagwanwa nakengula yabo bashokuluza biinyu ku bigaki yiji ba, byoshi byanakoleka, nga ngiisi kwo nꞌgababwira. Kyanatuma bagatwikira ku ngesho zaabo mbi, banadeta: “Ala twe! Ngiisi kwo Nahano akagwanwa atukengula, kwo byanakoleka. Keera akatuhana, ukukulikirana neꞌngesho ziitu mbi.”»

Zakariya 13:9

Yabo ábagaaba bakoli sigiiri, ngabaleeza mu muliro, halinde banayeruuke. Ikyanya ngabayeruusa mu muliro, kugaaba nga kuyeruusa inooro neꞌharija. Ikyanya bagaaba bakola beeru, bagandabaaza, naani na mbashuvye. Ngaadeta, ti: “Bandu baani, yaba!” Nabo, ti: “Nahano, ye Rurema witu!”»