Yeremiya 25:32 - Kifuliiru

³² Nahano woꞌbushobozi bwoshi, anashubi detaga kwokuno: «Inguuke zigakizi libuza abandu mu ngiisi mulala. Ziganayija nga kihuhuuta ukulyokera heꞌkihugo kihekiiri.»

Yeremiya 25:32 ပူးပေါင်းရင်းမြစ်များ

2 Kutondobola 15:6

Kihugo kiguma, kyâli kizi gendi teera ikindi. Naꞌkaaya kaguma, kanagendi teera akandi. Kwokwo, kwo Rurema âli kizi bayogogoza, banaba mu makuba.

Hisaaya 30:30

Nahano agategeesa abandu amatwiri, balonge ukuyuvwa izu lyage lya kahebuuza. Banabone ngiisi kwoꞌbushobozi bwage bugaakola ku buraakari. Agashonooka mu muliro gwoꞌkujigiivya byoshi. Anayije neꞌkihuhuuta kikayu íkiri mu vuduka mweꞌnvula nyingi yoꞌlugungu.

Hisaaya 34:2

Nahano akoli mùrakariiri mweshi, kuguma naꞌbasirikaani biinyu booshi. Keera anahiga kwo agamùminika mweshi, halinde munashaazibwe mu kihugo.

Hisaaya 5:28

Imyambi yabo ishongosiri bweneene, keera banagifwora mu miheto yabo. Ibinogosho byeꞌfwarasi zaabo, biri bikomu nga mabuye. Naꞌmapine gaꞌmagaare gaabo giꞌzibo, gali mu kizi suula umulindi nga munyaga.

Hisaaya 66:18

«Byoshi byaꞌbandu bagweti bagaakola, mbiyiji-yiji. Nyiji kiri neꞌnzaliro zaabo. Buno, ngola mu kuumania abandu beꞌmilala yoshi, naꞌbeꞌndeto zooshi, gira babone ubulangashane bwani.

Yeremiya 23:19

Lolagi! Nahano agaaba nga kihuhuuta kikayu, mu kuyiji mùhana. Uburaakari bwage, bugamùteera nga mbuusi yaꞌkasuululu, inayihwike ku matwe ga banangora-mabi.

Yeremiya 30:23

Lolagi! Nahano agweti agahaniiriza abandu ku buraakari bwage, bunakoli kayusiri nga kihuhuuta. Buli mu yihwika ku banangora-mabi.

Yeremiya 6:22

Nahano adetaga kwokuno: «Langiizi! Abasirikaani bakola mu lyoka imbande zeꞌmbembe. Bali mulala úguhimbiri, banalyosiri mu mbeka zeꞌkihugo.

Yeremiya 6:23

Yabo basirikaani bahagasiri imiheto naꞌmatumu. Balyagagi balangi, batanali mu yuvwirana indengeerwa. Ikyanya bali ku fwarasi zaabo, bali mu yamuuka nga midunda mu nyaaja. E bandu beꞌSayuni! Yabo bagoma bakola ibiringiini, kwo bayiji mùteera.»

Sefaniya 3:8

Nahano adetaga kwokuno: «Mundindirire! Ngoli shavwiri ngana! Kyo kitumiri ngayiji yimanga, gira ndange ubumasi bwaꞌmabi gaabo. Keera nashungika ukukuumania ibinyamahanga byoshi, gira mbayonere kwoꞌburaakari bwani, na njigiivye ikihugo kyoshi noꞌmuliro! Ehee! Si ndi munaluugi!

Luka 21:10

«Ikihugo kiguma kigagendi teera ikindi. Noꞌbwami buguma, bugagendi teera ubundi.

Luka 21:25

«Hagaaba ibyereso bya kundi-kundi kwiꞌzuuba, na ku mwezi, kiri na ku ndonde. Hano mu kihugo, inyaaja zigakundula bweneene, iri zinakungula. Kinatume abandu bagakizi gangaanwa, banaluluukire.