Yeremiya 25:23 - Kifuliiru

²³ naꞌbatuulaga beꞌDedaani, naꞌbeꞌTema, naꞌbeꞌBuuzi, naꞌbandu booshi ábali mu kunguula imishaku mu mbengere,

Yeremiya 25:23 ပူးပေါင်းရင်းမြစ်များ

Ndondeko 10:7

Na bagala Kuushi, bâli Seeba, na Havila, na Sabuta, na Rama, na Sabuteka. Rama naye, anabuta Sheeba, na Dedaani.

Ndondeko 22:21

Ifula, ye Huuzi. Na úgamúlonda, ye Buuzi. Hanakulikire Kemweri, yishe wa Haraamu,

Ndondeko 25:15

na Hadaadi, na Tema, na Yeturi, na Nafisi, na Kedema.

1 Kutondobola 1:30

na Mishima, na Duma, na Masa, na Hadaadi, na Tema,

Hayubu 6:19

Yago miiji, ababalama beꞌTema bali mu galooza-looza, Ababalama beꞌSheeba balindiriiri ukugabona.

Yeremiya 49:28

Mwami Nebukandeneza weꞌBabeeri akahima beene Kedaari. Kiri neꞌbihugo byeꞌHazoori âli bitwaziri. Yibyo bihugo, Nahano adetaga hiꞌgulu lyabyo kwokuno: «Yabo bandu beꞌKedaari, batuuziri uluhande lweꞌsheere. Aaho! Mugendi bateera, munabazimiize.

Yeremiya 49:32

Aahago! Mugendi shahula ingamiya zaabo, kiri na ngiisi bindi bitugwa byo bagweti. Balya bandu, ábali mu kunguula imishaku yabo, ngabashabulira hooshi mu kihugo. Ngiisi ho bagakizi genda, ngabaleetera ubuhanya.» Kwokwo, kwo Nahano adesiri.

Yeremiya 49:7

Nahano woꞌbushobozi bwoshi, adetaga hiꞌgulu lyaꞌBahedoomu kwokuno: «Mu kaaya keꞌTemaani, ka ndaaye mwitegeereza úli mwo? Abitegeereza baamwo, ka batakiri mu hanuulana? Koꞌbwitegeereze bwabo bukamala lwoshi-lwoshi?

Yeremiya 49:8

E kibusi kya Hesahu, mwe naꞌbatuulaga beꞌDedaani! Mutibitage, mugendi yibisha mu nyaala. Kikolaga kyanya kyoꞌkumùhaniiriza.

Yeremiya 9:25

Abamiisiri, naꞌBayuda, naꞌBahedoomu, naꞌBahamooni, naꞌBamohabu, kiri naꞌbatuulaga booshi ba mwiꞌshamba, balya ábali mu kunguula imishaku mu mbengere. Balya booshi, batâli kizi tenguulwa nga kwo bibakwiriiri. Kiri naꞌBahisiraheeri booshi, nabo batazindi tenguulwa ku biri mu mitima yabo.»

Hezekyeri 25:13

Ku yukwo, nie Rurema Nahamwinyu ngweti ngaadeta kwokuno: Ngola ngakoleesa ubushobozi bwani hiꞌgulu lyeꞌkihugo kyeꞌHedoomu, mu kuyita abandu baamwo booshi ku ngooti, kiri neꞌbitugwa byoshi. Yikyo kihugo, ngakisiga kimaata, ukulyokera mu kaaya keꞌTemaani halinde mu keꞌDedaani.

Hezekyeri 27:15

Abadandaza beꞌDedaani, nabo bâli kizi yiji dandaza. Kiri naꞌbandi bandu bingi ukulyoka mu tundi tulira, bâli kizi yiji dandaza, banakuleetere amahembe geꞌnjovu, neꞌbiti biija-biija íbiri mu detwa: hebeene.

Hezekyeri 27:20

Abandu beꞌDedaani nabo, mwâli kizi dandalizanwa ibyajo byeꞌfwarasi.