Yeremiya 25:20 - Kifuliiru

²⁰ kiri neꞌbinyamahanga íbyâli koli tuuziri yo. Nanalunywesa naꞌbaami booshi ba mu kihugo kyeꞌHuuzi, naꞌbandu ba mu twaya twaꞌBafirisiti, naꞌbeꞌHashikelooni, naꞌbeꞌGaza, naꞌbeꞌHekurooni na ábakasigala mu Hashidoodi,

Yeremiya 25:20 ပူးပေါင်းရင်းမြစ်များ

Ndondeko 10:23

Bagala Haraamu nabo, bâli Huuzi, na Huuli, na Geteeri, na Mashi.

Ndondeko 22:21

Ifula, ye Huuzi. Na úgamúlonda, ye Buuzi. Hanakulikire Kemweri, yishe wa Haraamu,

1 Kutondobola 1:17

Bagala Sheemu, bâli Helamu, na Hashuuri, na Haripakisadi, na Luudi, na Haraamu. Uyo Haraamu akabuta Huuzi, na Huuli, na Geteeri, na Mesheki.

Hayubu 1:1

Mu kihugo kyeꞌHuuzi, mwâli tuuziri mundu muguma, iziina lyage ye Hayubu. Uyo Hayubu, âli mundu woꞌkuli, úwâli tungiini imbere lya Rurema. Âli kizi múgingika, iri anayiyeka neꞌbyaha.

Kulyoka 12:38

Bâli riiri kuguma naꞌbandi bandu bingi ábakagenda babakulikiiri. Bâli sholiiri inguuli zeꞌbitugwa, ibibuzi neꞌngaavu.

Hisaaya 20:1

Iri hakaba lusiku luguma, Nahano anaganuuza Hisaaya mugala Hamoozi, mu kumúbwira: «Hogolaga ibyambalwa byawe, kiri neꞌbiraato.» Uyo Hisaaya, ngiisi kwo akabwirwa, kwo akanagira, anakizi genda ali bukondwe, na buzira biraato. Kwokwo kwo akanagenderera halinde mu mwaka mwami Sarigooni weꞌHasuriya akalungika umukulu waꞌbasirikaani baage, kwo agendi teera akaaya keꞌHashidoodi. Neꞌkyanya akakateera, anakagwata.

Yeremiya 25:24

naꞌbaami booshi beꞌBuharaabu, naꞌbaami booshi beꞌmilala ítuuziri mwiꞌshamba,

Yeremiya 27:3

Haaho, unatume indumwa imwa mwami weꞌHedoomu, na weꞌMohabu, na weꞌHamooni, na weꞌTiiro, na weꞌSidooni. Iyo ndumwa, ubalungikire yo ku njira yaꞌbandu baabo, ábakayija i Yerusaleemu hiꞌgulu lyoꞌkubonaana na mwami Zedekiya.

Yeremiya 50:37

Yizo ngooti, zikizi yita neꞌfwarasi zaabo, bashereeze naꞌmagaare gaabo giꞌzibo, kiri naꞌbasirikaani baabo beꞌmahanga, ábali mu hembwa. Babe booba nga bakazi! Zeezo ngooti, zikizi teera ibihinda byabo byoshi, halinde ibindu íbiri mwo bishahulwe, binatwalwe i mahanga.

Kimombo 4:21

E bandu beꞌHedoomu, mwe mutuuziri mu kihugo kyeꞌHuuzi! Kituma kiki mugweti mugashambaala? Si kiri na niinyu, mugaki nywa ku rusoozo lwoꞌburaakari bwa Nahano! Neꞌkyanya mugalunywera kwo, mugalaluka, halinde banamùhogole imirondo, munasigale bukondwe.

Hezekyeri 30:5

Abahendyopiya, naꞌbandu beꞌPuuti, naꞌbeꞌLuudi, naꞌbeꞌBuharaabu, naꞌbeꞌLibiya, kundu bakayibiika ku Bamiisiri, booshi bagayitirwa kuguma.”

Batwi beꞌmaaja 1:18

Yabo Bayuda, banagwata naꞌkaaya keꞌGaza, kuguma noꞌtundi twaya twako twoshi, banagwata naꞌkeꞌHashikelooni, noꞌtwaya twako twoshi, naꞌkeꞌHekurooni, noꞌtwaya twako twoshi.

1 Samweri 6:17

Kwokwo, kwo yabo Bafirisiti bakatuma yibyo birole íbikatulwa mu nooro, gira libe ituulo lyoꞌkuhyula imwa Nahano hiꞌgulu lyaꞌmahube gaabo. Mugisi muguma gukatangwa hiꞌgulu lyaꞌkaaya keꞌHashidoodi, noꞌgundi hiꞌgulu lya keꞌGaza, noꞌgundi hiꞌgulu lya keꞌHashikelooni, noꞌgundi hiꞌgulu lya keꞌGaati, noꞌgundi hiꞌgulu lya keꞌHekurooni.