Yeremiya 25:14 - Kifuliiru

¹⁴ Kiri naꞌBababeeri, ngabahaniiriza ngana-ngana, ukukulikirana na ngiisi kwo bâli kizi libuzania. Kwokwo, bagagendi ba baja mu gandi mahanga, halinde banakizi kolera abaami baago bakulu.»

Yeremiya 25:14 ပူးပေါင်းရင်းမြစ်များ

Zaburi 137:8

E maashi, bandu beꞌBabeeri, si mwenyene mukolaga mugaminikwa! Galya mabi go mwâli kizi tukolera, bahiriirwi, ngiisi ábagamùgalulira go.

Hisaaya 13:4

Yuvwagwi ngiisi kweꞌkigugu kyaꞌbandu kigweti kigagirigimba ku migazi! Nahano woꞌbushobozi bwoshi, ye gweti úgabakuumania mu maami mingi, gira balongage ukuteera i Babeeri.

Hisaaya 14:2

Yabo Bahisiraheeri, ibinyamahanga byonyene bigakizi bagalula, binabatwale imwabo. Kundu byo byâli kizi vindagaza Abahisiraheeri, haliko leero, Abahisiraheeri bo bagabitwala imbohe mu kihugo kya Nahano, binahinduke baja baabo, naꞌbaja-kazi baabo, halinde banakizi bikoleesa.

Hisaaya 66:6

Yuvwagwi na ngiisi kwaꞌkaaya kakoli yijwiri mwoꞌlunganga. Lulyosiri mu nyumba ya Nahano. Mukuba, Nahano akola mu hana mwaꞌbagoma baage, nga kwo bibakwaniini.

Yeremiya 27:7

Uyo Nebukandeneza kuguma noꞌmugala, noꞌmwijukulu, bagakizi koleesa abandu baꞌmahanga gooshi. Haliko ha nyuma, ikihugo kyeꞌBabeeri, nakyo kigateerwa, kinahimwe. Abaami bahamu beꞌbihugo bingi-bingi bagayiji múkoleesa.

Yeremiya 32:19

«“Uli mu shungika ku bwitegeereze, iri unakizi gira ibya kahebuuza. Ubwini-bwini ngiisi kwaꞌbandu bali mu gira. Unali mu bahemba, ukukulikirana neꞌmikolezi yabo.

Yeremiya 50:41

«Lolagi! Abasirikaani bakola mu lyoka imbande zeꞌmbembe. Bali mulala úguhimbiri, kiri naꞌbaami bingi, bakola mu yiji teera ukulyoka mu mbeka zeꞌkihugo.

Yeremiya 50:9

Ngola ngaleeta abandu bingi ukulyoka imbembe, bayiji teera i Babeeri, banagigwate. Balyagagi bikalage mu kufwora imiheto, batanâye galuke maboko mamaata.

Yeremiya 51:6

Ngiisi mundu ashaagage i Babeeri, gira alonge ukuyikiza. Mutasigalage yo, mbu muyitirwe kuguma naꞌbanabyaha. Mukuba, kikola kyanya kyoꞌkubahaniiriza. Ee! Nahano agabahaniiriza, nga ngiisi kwo bibakwiriiri.

Danyeri 5:28

PERESI, umugeeza gwalyo: Ubwami bwawe, keera bukagabulikana, bunahaabirwi Abameedi, naꞌBaperisiya.»

Hosheya 9:7

E Bahisiraheeri! Isiku zo mugaahanwa kwo, keera zahikaga. Kikola kyanya kyoꞌkuyihoola ibyaha biinyu. Yizo siku, mwe Bahisiraheeri mukwiriiri muzimenye bwija! Bweꞌbyaha biinyu bikoli luguusiri, munakoli shombiini bweneene, kyo kitumiri mugweti mugaadeta kwokuno: «Si abaleevi bakoli sirehiri! Abakozi ba Rurema, bakola mu deta íbitali nga byo!»