Yeremiya 25:12 - Kifuliiru

¹² «Iyo myaka makumi galinda, mango yamalaga, lyo ngaahana ulya mwami weꞌBabeeri bo naꞌbandu baage. Ikihugo kyage, ngakihindula libe ishamba, halinde imyaka neꞌmyakuula!» Kwokwo, kwo Nahano adesiri.

Yeremiya 25:12 ပူးပေါင်းရင်းမြစ်များ

2 Baami 24:1

Uyo Yoyakimu, ikyanya âli twaziri ikihugo kyeꞌBuyuda, Nebukandeneza mwami weꞌBabeeri, anayiji kiteera. Uyo Yoyakimu anatee hisa imyaka ishatu agweti agamúkolera. Halikago ha nyuma, anayishungula, anahuna.

2 Kutondobola 36:22

Ikyanya mwami Kiiro weꞌPerisiya âli kiri noꞌmwaka muguma atwaziri, lyo Nahano akakwiza igambo lyo âli mali gwanwa adeta ku njira yoꞌmuleevi Yeremiya. Kwokwo uyo Kiiro, Nahano anamúshimya kwo amenyeese mu matwali gaage gooshi yiryo igambo liyandike, ti:

Zaburi 137:8

E maashi, bandu beꞌBabeeri, si mwenyene mukolaga mugaminikwa! Galya mabi go mwâli kizi tukolera, bahiriirwi, ngiisi ábagamùgalulira go.

Hisaaya 13:19

Mu maami gooshi, ikihugo kyeꞌBabeeri kyo kilimbisiibwi bweneene. Abandu baamwo, bayiyuvwiti hiꞌgulu lyakyo bweneene. Kundu kwokwo, Rurema agabaminika, nga kwo âli mali minika i Soodoma neꞌGomora.

Hisaaya 14:23

Ngahindula akaaya keꞌBabeeri, lube lujaga, kanahande mwo banafufulu. Kalya kaaya, ngakahyagiza lwoshi noꞌmuhyagizo, halinde kanashereezibwe lwoshi-lwoshi.» Kwokwo, kwo Nahano woꞌbushobozi bwoshi adesiri.

Hisaaya 15:6

Kiri naꞌmiiji geꞌNimurimu gakoli kamiri. Bweꞌmbuto mbishi zahangaluka, ikishuka kikoli yumagusiri. Ndaakizo mbuto ízikiri mu mera.

Hisaaya 20:1

Iri hakaba lusiku luguma, Nahano anaganuuza Hisaaya mugala Hamoozi, mu kumúbwira: «Hogolaga ibyambalwa byawe, kiri neꞌbiraato.» Uyo Hisaaya, ngiisi kwo akabwirwa, kwo akanagira, anakizi genda ali bukondwe, na buzira biraato. Kwokwo kwo akanagenderera halinde mu mwaka mwami Sarigooni weꞌHasuriya akalungika umukulu waꞌbasirikaani baage, kwo agendi teera akaaya keꞌHashidoodi. Neꞌkyanya akakateera, anakagwata.

Hisaaya 33:1

Yayewe imwinyu, mwe Bahasuriya! Kundu mugweti mugaminikana, si mwenyene mutazindi minikwa. Na kundu batazindi mùtanga mu bagoma, si mwehe mugweti mugatangana mwo. Yuvwagwi! Ikyanya mugaaba keera mwashereezania, lyo na niinyu mugashereezibwa. Neꞌkyanya mugaaba keera mwayusa ukusongerana mu bagoma, lyo na niinyu mugasongerwa mwo.

Hisaaya 46:1

Imizimu Beeri na Nebo, yeꞌBabeeri, leero ikola mu goka. Iyo mizimu yo ishuba mu kizi lengezibwa naꞌbandu ku bisegengo, ikoli ba miteekerwa naaho, íri mu twalwa neꞌbitugwa. Na bwo ikola mizito, ikoli bizidohiiri bweneene.

Yeremiya 23:2

Nahano Rurema waꞌBahisiraheeri ashubi detaga kwokuno: «E bimangizi, yabo bandu baani, mukaleka ukukizi balanga. Si mukabajajaaka, halinde banashaabuka. Bwo mwagiraga ibala mwene yiryo, ngamùhaniiriza.»

Yeremiya 25:14

Kiri naꞌBababeeri, ngabahaniiriza ngana-ngana, ukukulikirana na ngiisi kwo bâli kizi libuzania. Kwokwo, bagagendi ba baja mu gandi mahanga, halinde banakizi kolera abaami baago bakulu.»

Yeremiya 27:22

“Birya byoshi nabyo, bigaki twalwa i Babeeri, binabeere yeyo munda, halinde ku lusiku nienyene ngakyula kwo bigalulwe. Haaho kandi, lyo ngabigalulira i Yerusaleemu.”» Kwokwo, kwo Nahano adesiri.

Yeremiya 27:7

Uyo Nebukandeneza kuguma noꞌmugala, noꞌmwijukulu, bagakizi koleesa abandu baꞌmahanga gooshi. Haliko ha nyuma, ikihugo kyeꞌBabeeri, nakyo kigateerwa, kinahimwe. Abaami bahamu beꞌbihugo bingi-bingi bagayiji múkoleesa.

Yeremiya 29:10

«Nahano ashubi detaga kwokuno: “Mugaahisa imyaka makumi galinda mutuuziri mu kihugo kyeꞌBabeeri. Si ha nyuma, ngayiji mùlyosa mwo, ninamùgalulire i Yerusaleemu, nga kwo nâli mali gwanwa namùlagaania.

Hezekyeri 35:9

Ikihugo kiinyu kigasigala biguuka, halinde imyaka neꞌmyakuula! Ndaanaye úgaki tuula mu twaya twinyu. Kwokwo, lyo mugaamenya ku kasiisa kwo nie Nahano.

Habakuki 1:17

E maashi! Ka ugabalekeerera, bagenderere ukugira kwokwo? Ka bagakizi minika abandu, buzira kubayuvwirwa ikimino?