Yeremiya 25:10 - Kifuliiru

¹⁰ «Mutagakizi ki gira ibisegengo, mbu mushambaalire amageni. Yulwo lujongo lugaamala, kiri neꞌnyimbo zoꞌkulaaliza. Ndaaye úgashubi lasa ulushyo. Ndaanaye úgaki shubi yasa itara.

Yeremiya 25:10 ပူးပေါင်းရင်းမြစ်များ

Hesiteeri 3:13

Ngiisi kihugo kya mu yubwo bwami, kyanatumirwa amaruba. Mu yago maruba, mwâli yandisirwi kwokuno: «Ulusiku lwiꞌkumi na zishatu, lwoꞌmwezi gwiꞌkumi na kabiri, úguli mu detwa Hadaari, mu lwolwo lusiku, Abayahudi booshi baminikwe, imisore naꞌbashaaja, kiri naꞌbakazi naꞌbaana. Neꞌbindu byabo byoshi, binashahulwe.»

Hesiteeri 7:4

Mukuba, twe na beene witu, keera twaguliisibwa kwo tuminikwe. Ee! Tugayitwa, halinde tunahere lwoshi-lwoshi. E mwami! Túkiguliisibwe kwo tugendi ba baja, kandi iri baja-kazi, ndaabyo nangadesiri mbu ngusuuze. Ukugirwa kwokwo, biri nga ndaabyo.”»

Hesiteeri 8:11

Mu yago maruba, mwami âli hangwiri kwaꞌBayahudi ba mu ngiisi kaaya bayibiike kuguma, hiꞌgulu lyoꞌkuyilanga. Banahanguulwa kwo bayite balya bagoma baabo buzira bushishi. Emwe! Basivye abagoma booshi, kiri na ngiisi kaaya ákangayiji bateera. Baminike kiri naꞌbakazi naꞌbaana. Neꞌbindu byabo, banabishahule.

Hisaaya 47:2

Leero naawe, uyabiirage ulushyo, ugendi shya umushyano! Uhogolage ikihunika kyawe, kiri niꞌkanju lyawe liija! Ikyanya ugajabukaga inyiiji, uboneese ibibero.

Yeremiya 16:9

Mukuba, nie Nahano woꞌbushobozi bwoshi, Rurema waꞌBahisiraheeri, na ndi mu kyula kwokuno: “Mu kino kihugo, abandu batagaki shambaala, kandi iri kusheka. Mutanaki yuvwe amazu gaꞌbahya, kandi iri ga ku kyanya kyaꞌmaganya. Yibyo byoshi byo nadeta, bigakoleka mu masu giinyu.”

Yeremiya 48:33

Mwe Bamohabu, mwâli neꞌndalo zeꞌnagiira. Kundu kwokwo, ibikandiro biinyu bitakiri mu lyosa idivaayi. Mutanakiri noꞌbushambaale, kandi iri malega. Ndaanaye úkiri mu kizi kanda imizabibu, iri anabanda akabuuli. Kundu mukola mu yamiza, kutakiri ku bushambaale.

Yeremiya 7:34

Mu mitalimbwa yeꞌYerusaleemu, kiri na hooshi mu tundi twaya tweꞌBuyuda, hagasigala munyerere, shee! Ikisegengo kyeꞌsiku ngulu kigaamala, kiri neꞌkyaꞌmageni. Ikihugo, kinasigale mushaka.»

Kimombo 5:15

Imitima yitu itaki shambiiri. Naꞌmakina giitu, gakoli hindusiri kimombo.

Hezekyeri 26:13

Ehee! Ukuyimba kugaamala, kiri noꞌkulasa ibinanda.

Hosheya 2:11

Kyo kitumiri byoshi, ngayiji múnyaga byo, ngeꞌngano keera ízayera, neꞌdivaayi mbyahya. Ngamúnyaga kiri neꞌmirondo yo nꞌgamúheereza, mbu akizi bisha mwoꞌbukondwe bwage.