Yeremiya 24:2 - Kifuliiru2 Mu kitiri kya mbere, mwâli riiri imitiini miija ngana-ngana. Si mu kyabo, mwâli riiri imitiini íkoli boziri, halinde abandu batangaki gilya. အခန်းကိုကြည့်ပါ။ |
Iyo ndalo yeꞌmizabibu, gulyagagi mulala gwaꞌBahisiraheeri. Neꞌmizabibu miija, bali bandu beꞌBuyuda. Nahano woꞌbushobozi bwoshi ye mwene yo, anâli gikuuziri bweneene. Yabo bandu, Nahano âli loziizi kwo bakulikirage imaaja zaage, banatuule ku njira íkwaniini. Si bâli kizi yamiza-yamiza naaho, mu kukomeresania, iri banakizi yitana.
Nahano adetaga kwokuno: «Ikyanya nꞌgatee bona Abahisiraheeri, nanayiyuvwa nga mundu úwagwana imizabibu mwiꞌshamba. Bashokuluza biinyu, bâli riiri nga bitumbwe bya mbere byoꞌmutiini. Halikago, ikyanya bakahika i Baali-Pehoori, banayami tondeera ukuyikumba umuzimu Baali, kundu guli mu teezania ishoni. Buzira kutinda, banabihuuka, banaba babi, nga gulya mugisi gwo bâli kizi yikumba.