Yeremiya 23:32 - Kifuliiru

³² Ee! Ngabahana ngana-ngana, bwo bagweti bagatanga ubuleevi bweꞌbibeesha. Neꞌkyanya bali mu buyigiriza, bali mu habura abandu baani. Ndanali nie kabatuma, mbu babudete. Ku yukwo, ndaabwo butabaazi bwo bangatanga imwaꞌBayuda.» Kwokwo, kwo Nahano adesiri.

Yeremiya 23:32 ပူးပေါင်းရင်းမြစ်များ

Hayubu 13:4

Kundu kwokwo, mugweti mugabeesha hiꞌgulu lyani. Si mweshi muli mifoolwa yaꞌbafumu.

Hisaaya 3:12

Ibirongoozi byanuke, bo bakola mu ndibugiza abandu baani. Si abakazi bo bakoli batwaziri! E bandu baani, si abimangizi biinyu keera bakamùhabura, mutanakiri mu gira íbikwaniini.

Hisaaya 9:15

Yabo bimangizi baabo, bakabahushiisa ikirari. Kyo kitumiri keera bavujuuka.

Yeremiya 23:13

«Abaleevi ba mu kihugo kyeꞌSamariya, nꞌgabona kwo bakoli bihuusiri bweneene. Ikyanya bâli kizi tanga ubuleevi, bâli kizi butanga kwiꞌziina lyoꞌmuzimu Baali. Banahubiisa abandu baani, halinde nabo banakizi yifunda mu byaha.

Yeremiya 23:16

Nahano woꞌbushobozi bwoshi ashubi detaga kwokuno: «Yabo baleevi beꞌbibeesha, mutakizi batwaza. Si bagweti bagaagira mbu bamùtebe! Aahabi! Amabone gaabo, bali mu gayihalangira boonyene, batanali mu galyosa imwani.

Yeremiya 23:25

«Yabo baleevi, keera nayiyuvwirwa kwo bali mu deta kwokuno: “Yuvwagwi, nimùbwire ibirooto byo nalonga imwa Rurema bigingo bushigi!” Kundu bagweti bagaadeta mbu kuli kwiꞌziina lyani, si biri bya kinyoma!

Yeremiya 23:31

Nahano ashubi detaga kwokuno: «Yabo baleevi beꞌbibeesha, bali mu yihalangira amagambo boonyene, mbu: “Kwokwo, kwo Nahano adesiri”. Ku yukwo, ngabahana.

Yeremiya 29:31

«Balya booshi ábatwazirwi mu buja i Babeeri, ubalungikire iyi ndumwa: “Nahano adetaga kwokuno hiꞌgulu lya Shemaya Umunehelamu: Uyo Shemaya, kundu akamùtangira ubuleevi, halikago ndali nie kamútuma. Si akamùyemeeza ikinyoma.

Yeremiya 7:8

«Lolagi! Muki biisiri umulangaaliro ku byeꞌbinyoma, binalyagagi bya busha ngana.

Kimombo 2:14

Abaleevi biinyu, ikyanya bâli kizi bona amabone, si gâli kizi ba ga bibeesha naaho, noꞌkuhendana! Batâli kizi mùyereka ibyaha biinyu, mbu lyo mukizibwa. Kyanatuma mugagendi twalwa i mahanga. Bâli kizi mùhabura, mu kumùbikiisa umulangaaliro gwoꞌbusha.

Kimombo 3:37

Ndaaye úwangadeta mbwiꞌgambo liguma likoleke, Nahano yenyene átazi kyula kwo libe ho!

Sefaniya 3:4

Kiri naꞌbaleevi baawe, bagweti bagayikangaata, iri banakizi lyalyania. Abagingi nabo, bakoli gweti bagayulubaza inyumba ya Rurema, iri banahongola imaaja zaage.

Zakariya 10:2

Kundu mugweti mugahanuusa imizimu, halikago igweti igakizi mùteba naaho. Na kundu mugweti mugahanuusa abalaguza, si bagweti bagaadeta ibibeesha. Kiri na ábali mu deta mbu bangasobaanura ibirooto, nabo bagweti bagaadeta ibibeesha naaho, buzira kuholeezania. Abandu baani, bali mu genda bagayangaara. Bali mu teerwa nga bibuzi bizira mungere.

Mataayo 15:14

Ku yukwo, yabo Bafarisaayo, mutakizi batwaza! Si biri birongoozi íbihumiri! Imbumi, iri yangarongoora iyabo, si zombi zigatibukira mu kishimo!»

2 Bakorindo 1:17

Aaho! Ka mutoniri kwo kushungika kwani, kwâli riiri kwa lujandi-jandi? Ka ngweti ngashungika nga bandu beꞌkihugo, mu kutee yemeera igambo, mbu na njubi lityogoola kwo?

Bukengeeze 18:20

«“Haliko uyo muleevi, ngeeka angagira mbu adete kwiꞌziina lyani, na nienyene ndamútumiri. Kandi iri ageregeza ukudeta kwiꞌziina lyeꞌbindi íbiri mu yikumbwa. Kwokwo, uyo umuleevi, akwiriiri ayitwe.”

Bwigule 19:20

Haliko, yikyo kirara, ikyanya kikalwa, kyanagwatwa imbira, kuguma noꞌlya muleevi weꞌbibeesha. Uyo muleevi, ye wâli kizi gira ibyereso byeꞌkitangaaza hiꞌgulu lyakyo, mu kukizi teba balya bandu ábakabiikwa kwo yako kamangu kaakyo, noꞌkukizi yikumba yugwo mugisi gwakyo. Kwokwo, kirya kirara, noꞌyo muleevi weꞌbibeesha, ku kyanya byâli ki bwinagi, byanalashwa mu nyenga yoꞌmuliro. Gunali mu yaka bweneene ngeꞌkibiriiti!