Yeremiya 22:24 - Kifuliiru

²⁴ Nahano adetaga kwokuno: «E Koniya, mugala mwami Yoyakimu weꞌBuyuda! Ngola ngakujanda! Nga kwo nyamiri ho, nahiga kwo kundu wangabiiri naꞌkamaro imwani nga mbete yaꞌkamangu ku kuboko kwani kweꞌlulyo, haliko, nangaki kuyihogola.

Yeremiya 22:24 ပူးပေါင်းရင်းမြစ်များ

2 Baami 24:12

Haaho, mwami Yoyakini weꞌBuyuda anayabirwa, anayitanga imwa yabo bagoma, kuguma na nyina, naꞌbahanuuzi baage, naꞌbagangambale baage, naꞌbatwali baage. Ulya mwami Nebukandeneza weꞌBabeeri, iri akahisa imyaka munaana atwaziri, anatwala Abayuda booshi imbohe.

2 Baami 24:15

Ulya Nebukandeneza akalyosa Yoyakini i Yerusaleemu, anamútwala imbohe, halinde mu kihugo kyeꞌBabeeri, anatwala na nyina, na bakaage, naꞌbakulu baꞌbasirikaani baage, naꞌbandi bakulu ba mu kihugo.

1 Kutondobola 3:16

Ulya Yoyakimu, ábakayima inyuma lyage, bali bagala baage Yekoniya na Zedekiya.

2 Kutondobola 36:9

Uyo Yoyakini, ikyanya akayima, âli kola neꞌmyaka munaana. Anahisa imyezi ishatu, neꞌsiku ikumi, atwaziri i Yerusaleemu. Naye, anakizi gira amabi imbere lya Nahano.

Lwimbo Lwija 8:6

Umbiike mu mutima gwawe nga kamangu. Ee! Mbe nga kamangu ku maboko gaawe. Mukuba, urukundo luli noꞌbushobozi ngoꞌbwa Narufu. Uluugi lwalwo, luyamiri ho nga shinda. Ewe! Lugweti lugayami yaka nga muliro. Lunali mu singoola nga mbigi zaagwo.

Hisaaya 49:16

Lolagi! Mukoli yandisirwi mu bigasha byani. Neꞌnzitiro ziinyu ziyamiri ziri imbere lyani.

Yeremiya 13:18

«Mubwire mwami noꞌmugoli nyina kwokuno: “Zirya njembe ziinyu, kundu zishubi limbiri, halikago keera zikatibuka. Ku yukwo, mulyokage ku bitumbi biinyu.

Yeremiya 22:28

Nanadeta: «Uyo mwami Koniya ali nga kirugu íkikabereka naaho, kyanakabulirwa! Ndaanaye úki múloziizi. Aaho! Uyo mwami, kituma kiki bakamúyimula, mbu agende mu kihugo kyo atayiji, kuguma neꞌmbaga yage?

Yeremiya 22:6

«Na ku biloziri akajumiro kaꞌBayuda, Nahano adetaga kwokuno: “Ino nyumba ibuyahiri bweneene ukuhima ikihugo kyeꞌGiryadi, kiri noꞌlubako lweꞌmigazi yeꞌLebanooni. Kundu kwokwo, ngagihindula libe ishamba, ndaanaye úgashubi gituula mwo.

Yeremiya 24:1

Nahano akanyereka amabone, ku kyanya mwami Nebukandeneza weꞌBabeeri âli mali twala mwami Yekoniya weꞌBuyuda imbohe i Babeeri. Akatwala neꞌbirongoozi byage, naꞌbatuzi beꞌbyuma, kiri naꞌbandi banaluganda. Mu yago mabone, nanabonaga ibitiri bibiri, biri mweꞌbitumbwe byeꞌmitiini, biteresirwi imbere lyeꞌnyumba ya Nahano.

Yeremiya 28:4

Na kwakundi, ulya Yekoniya mugala mwami Yoyakimu weꞌBuyuda, naye ngamúlyosa mu buja i Babeeri kuguma naꞌBayuda booshi ábakatwalwa. Neꞌkyanya ngamùlyosa mu bushobozi bwoꞌlya mwami weꞌBabeeri, atagaki mùkandamira.» Kwokwo, kwo Nahano adesiri.

Yeremiya 29:2

(Ku yikyo kyanya, mwami Yekoniya âli mali shaazibwa i Yerusaleemu, bo na nyina, naꞌbatwali baage, naꞌbakulu beꞌYerusaleemu, naꞌbatuzi beꞌbyuma, kuguma na banaluganda.)

Yeremiya 37:1

Ulya Zedekiya, mugala Yosiya, mwami Nebukandeneza weꞌBabeeri anamúyimika kwo abe mwami weꞌBuyuda, ahandu ha Koniya mugala Yoyakimu.

Hagayi 2:23

«“E Zurubaberi, mugala Shalityeri! Keera nꞌgakutoola, gira ungolere. Unakola mukozi wani! Kwokwo, ku lwolwo lusiku, ngakutuma, na ngugire nga kamangu kaani ka nienyene. Kwokwo, kwo ndesiri, nie Nahano woꞌbushobozi bwoshi!”»