Yeremiya 22:20 - Kifuliiru

²⁰ «E beene Yuda, muzamuukire ku migazi yeꞌLebanooni, iri munaliruuka. Muyidehereze ku nduulu, halinde ihike i Bashaani. Munagendi berangira uluhande lweꞌmigazi yeꞌHabariimu. Si abiira biinyu booshi, keera bakaminikwa!

Yeremiya 22:20 ပူးပေါင်းရင်းမြစ်များ

2 Baami 24:7

Mwami weꞌMiisiri atanaki lyoka mu kihugo kyage. Mukuba, mwami weꞌBabeeri akamúnyaga ibihugo íbyâli riiri byeꞌmwage yaho kare, ukulyokera ku kyambu kyeꞌMiisiri, halinde ku lwiji Hefuraati.

Hisaaya 57:13

Aaho! Iyo migisi yinyu, ikyanya mugagitabaaza, ikabaagage yo igamùtabaala! Si iri mu yehuulwa neꞌmbuusi. Kiri neꞌkyanya mugagifuuhira umuuka, gugagiyehuulira hala. Si ngiisi ábali mu ba banyegamiiri, boohe, bo bagahyana ikihugo, kuguma noꞌmugazi gwani mweru.

Yeremiya 2:25

E Bahisiraheeri, muyitondage. Si mu kulooza byo mugayikumba, mugweti mugatibita buzira biraato! Kiri neꞌmimiro yinyu, ikola mu hangalala. Yoho wee! Si muli mu naaka, mbu: “Ndaakwo kundi! Iyo migisi, tugisimiiri, tunakwaniini tukizi giyikumba.”

Yeremiya 2:36

«Kutagi muli mu hindula-hindula imitono? Aahago! Kiri naꞌBamiisiri bagamùteeza ishoni, nga kwaꞌBahasuriya keera bakamùteeza zo.

Yeremiya 2:37

Mugayiji lyoka mu kihugo kiinyu, mukoli jojobiiri nga mbohe. Abandu beꞌMiisiri, kundu mukola mu babiika kwoꞌmulangaaliro, haliko nie Nahano keera nꞌgabajanda. Mutanâye longe ubutabaazi imwabo.»

Yeremiya 22:22

Abimangizi biinyu booshi, imbuusi igabahuusa kwo, inabashaaze. Kiri naꞌbiira biinyu, bagatwalwa imbohe. Galya mabi gooshi go mwâli kizi kola, gagamùteeza ishoni.

Yeremiya 25:9

ngahamagala ibinyamahanga íbiri imbembe, kiri noꞌmukozi wani Nebukandeneza, mwami weꞌBabeeri. Yabo booshi, ngabaleeta bayiji teera kino kihugo kyeꞌBuyuda, kuguma naꞌbatuulaga baamwo, kiri na ábatuuziri ha butambi liinyu. Mweshi kuguma, ngamùzimiiza. Neꞌbihugo biinyu, binasigale mushaka, halinde imyaka neꞌmyakuula. Kwokwo, abandu bagashenguka hiꞌgulu liinyu, banakizi mùnegura.

Yeremiya 3:1

Nahano adetaga kwokuno: «Tudete ngoꞌmushosi angayimula mukaage, noꞌyo mukaage anagendi yangwa noꞌgundi. Aaho! Koꞌyo yiba angaki shubi múgalula? Nanga, maashi! Iri angamúgalula, iri anayulubaza ikihugo kyoshi. E Bahisiraheeri! Kwokwo, kwo niinyu mukoli kuuziri imigisi mingi-mingi. Aaho! Kutagi buno, kwo mukoli loziizi ukungalukira? Kwokwo kwo nie Nahano ndesiri.

Yeremiya 4:30

E bandu beꞌYerusaleemu, kutagi leero mugaagira? Si keera mwashereezibwa lwoshi-lwoshi! E bandu beꞌBuyuda, kituma kikagi muki gweti mugayambala ibyambalwa byoꞌmulimbo? Munakiri mu yilimbiisa noꞌbungeni-ngeni úbukatulwa mu nooro! Na kituma kikagi mukiri mu yilaba ishalo nyiiru-nyiiru ku masu? Yukwo kuyilimbiisa kwinyu, si kulyagagi kwa busha! Si buno, biira biinyu keera bamùnenuuka, banakoli mùhigiiri, kwo bamùyite!

Kimombo 1:19

Nꞌgatabaaza biira baani ba mu bindi bihugo, haliko, iri bakanyuvwa, bananyihindulira. Abagingi baani, kiri naꞌbahanuuzi, bâli kizi jeba-jeba mu kulooza byo bagaalya. Kwo bali booshi, banaholera mwomwo mu kaaya, banafwa.

Kimombo 1:2

Emwe! Yerusaleemu ali mu laala ubushigi bwoshi, agweti agabululuka, halinde amatama gaage gakola mu hinga kweꞌmigenge. Mu bakundwa baage, ndaaye úwangamúholeeza. Kiri naꞌbiira baage booshi, bakoli múheziizi ingoto, banakoli ba bagoma baage.

Hezekyeri 23:22

«Ku yukwo, nie Rurema Nahamwinyu nadetaga kwokuno: Balya bashosi baawe bakundwa, ukoli banenuusiri. Kwokwo buno, ngolaga ngabaraakaza, banayiji kuteera imbande zooshi.

Hezekyeri 23:9

«Ku yukwo, bwo âli kizi lungumirwa naꞌbakundwa baage beꞌHasuriya, naani nanayami bahebera ye.

Hezekyeri 27:6

Banagatwira ibiti byeꞌmyalooni ukulyoka i Bashaani, bakizi gashooja mwo. Banabereesa neꞌmbahwa mu biti byeꞌshindano za mu kalira keꞌKipuro, banazilingaania mweꞌbitumbi byoꞌkubwatala kwo, banabilimbiisa naꞌmahembe geꞌnjovu.

Muharuuro 27:12

Lusiku luguma, Nahano anabwira Musa kwokuno: «Uzamuukage ku guno mugazi gweꞌHabariimu, gira ulangiize ikihugo kyo ngaheereza Abahisiraheeri.

Bukengeeze 32:49

«Ugendi shona ku mugazi Habariimu, mu kihugo kyeꞌMohabu. Guli i kajabo kaꞌkaaya keꞌYeriko. Ushone kwiꞌrango lyoꞌmugazi Nebo, unalangiize ikihugo kyeꞌKaanani. Mukuba, yikyo kihugo, kyo ngaheereza Abahisiraheeri, bukizi ba ubuhyane bwabo.