Yeremiya 22:18 - Kifuliiru

¹⁸ Nahano anashubi detaga kwokuno hiꞌgulu lyoꞌlya Yoyakimu, mugala Yosiya weꞌBuyuda: «Uyo mwami, ku kyanya agaafwa, ndaaye úgamúlirira, ti: “Yayewe, e mwene witu! Yayewe, e mwali wani!” Bataganamúlirira, ti: “Yayewe, e nahamwitu, we munalushaagwa! Si ulwawe keera lwahikaga!”

Yeremiya 22:18 ပူးပေါင်းရင်းမြစ်များ

2 Samweri 1:26

E mwene witu wa Yonataani, ngweti ngakulirira ku mwizingeerwe. Mukuba, wâli kizi nzimiisa isiku zooshi. Ngiisi kwo wâli nguuziri, kwâli riiri kwaꞌkahebuuza. Urukundo lwawe, lwâli himiri kiri lwoꞌmukazi.

1 Baami 13:30

Anamúziika mu shinda yage ya yenyene, banamúlirira, ti: «Buhanya yubu! Mwene witu afwagaga.»

2 Baami 23:36

Uyo Yoyakimu, ikyanya akayima, âli kola neꞌmyaka makumi gabiri niꞌtaanu, anahisa imyaka ikumi na muguma atwaziri i Yerusaleemu. Nyina, ye wâli Zebuda munyere Pedaya wa mu kaaya keꞌRuma.

2 Baami 23:6

Mwami Yosiya anashaaza neꞌnguliro yoꞌmuzimu Hasheera mu nyumba ya Nahano, anagitwala mu musima gweꞌKidorooni, inyuma lyeꞌYerusaleemu, anagisingoolera mwo, anagivungula, halinde yanaba munyota-kiiko, anagushabulira ku maherero gaꞌbagunda.

2 Baami 24:6

Iri hakazinda, Yoyakimu anashaaja. Mugala wage Yoyakini, anayima ahandu haage.

1 Kutondobola 3:15

Yosiya naye, ifula yage ye wâli Yohanani. Na úgamúshukirwa i mugongo, ye wâli Yoyakimu. Noꞌwa kashatu, ye Zedekiya. Noꞌwa kana ye Salumu.

2 Kutondobola 35:25

Uyo Yosiya, umuleevi Yeremiya anateera ulwimbo lweꞌkimombo hiꞌgulu lyage. Abahisiraheeri bali mu ba noꞌmugeeza gwoꞌkuyimba hiꞌgulu lya Yosiya mu kimombo kyabo, halinde zeene. Yizo nyimbo zeꞌkimombo, ziri nyandike mu bitaabo byabo.

2 Kutondobola 36:5

Uyo Yoyakimu, ikyanya akayima, âli kola neꞌmyaka makumi gabiri niꞌtaanu, anahisa imyaka ikumi na muguma atwaziri i Yerusaleemu. Âli kizi gira amabi imbere lya Nahano Rurema wage.

Yeremiya 16:4

Baguma, ikiija kigabaminika. Ndaanaye úgabalirira, kandi iri kubaziika. Abandi bagayitwa mwiꞌzibo, kandi iri kwiꞌshali. Ibirunda byabo, bigaaba mijande-mijande nga nagiira. Bigayiji liibwa noꞌtunyuni, neꞌnyamiishwa.»

Yeremiya 16:6

«Mu kyekyo kihugo kyeꞌBuyuda, mwaꞌbanabushobozi bagaherera, kuguma naꞌbagunda. Ndaanaye úgaagira mbu abaziike, kandi iri kubalirira. Ndaanaye úgayibejanga, kandi iri kubegwa, mu kuyerekana umwizingeerwe.

Yeremiya 21:11

«Ugendi bwira imbaga ya mwami weꞌBuyuda kwokuno: Emwe bandu ba mwiꞌkondo lya mwami Dahudi! Muyuvwirize ngiisi kwo nadeta, nie Nahano: Ngiisi shesheezi, mukizi twa imaaja zaꞌbandu ku njira íkwaniini. Iri umundu angaba anyagwa ibindu byage, mumúfuuse mu maboko gaꞌbanyazi. Neꞌri mwangalahira, ngaraakara ngana-ngana! Si keera mukayifunda mu bitalaalwe! Buno, uburaakari bwani bugakizi yaka nga muliro, ndaanaye úgabuhoohya.

Yeremiya 22:10

E Bayuda! Mwami Yosiya keera akafwa. Aaho! Mutaki múlirire mutanakizi múgandaara. Ho mwangamúlirira, munalirire ulya mwami úkola mu twalwa i mahanga zeene. Mukuba yehe, atâye ki shubi galukira mu kihugo kyabo, mbu akibone.

Yeremiya 22:12

Si imunda agatwalwa imbohe, yo na munda agagendi fwira, atanâye ki bone kino kihugo kandi.»

Yeremiya 34:5

Si wâye fwe mu kati koꞌmutuula. Neꞌkyanya ugaziikwa, bagakugingika, mu kukutwanira ikombe, nga kwo bâli kizi girira abahisi baami ábakatanga imbere lyawe. Ku yikyo kyanya, bagakulirira, ti: “Ala twe! Uwitu mwami ashaajaga!” Kwokwo, kwo Nahano adesiri.»

Yeremiya 36:30

«“Ku yukwo, Nahano adetaga kwokuno: Mwiꞌkondo lya mwami Yoyakimu, mutâye ki lyoke umundu, mbu anayime ku kitumbi kya Dahudi. Kiri neꞌkirunda kyage, kigakabulirwa bwalaafwe. Mu bukiiri, izuuba ligakitwira kwo. Na mu bushigi, kigaaba kwaꞌkajambi.