Yeremiya 22:17 - Kifuliiru

¹⁷ «Halikago wehe, ugweti ugayihahalira wenyene, mu kukizi gungana. Unali mu yita abandu bazira buhube, mbu lyo ugala. Si ubutwali bwawe, buli bwa kukandamirana naaho ku kahaati!»

Yeremiya 22:17 ပူးပေါင်းရင်းမြစ်များ

1 Baami 21:19

«Umúbwirage, kwo Nahano adeta kwokuno: “Si keera wayita umundu, wanayiji yabiira ibindu byage! Aaho! Haahalya utubwa tugweti tugalambira umuko gwa Nabooti, ho na haaho, tugalambira noꞌgweꞌmwawe.”»

2 Baami 23:37

Yoyakimu anakizi gira amabi imbere lya Nahano, nga kwo bashokuluza baage bâli kizi gira.

2 Baami 24:4

Uyo Manaasi akayita abandu bingi bazira buhube, halinde akaaya keꞌYerusaleemu kanayijula umuko gwabo. Ikyanya akagira kwokwo, Nahano atanalooza ukumúkoga.

2 Kutondobola 36:8

Uyo Yoyakimu, agandi magambo gaage, na ngiisi kwo âli kizi yifunda mu bikoleere, na byoshi byo akalegwa kwo, biyandisirwi mu Kitaabo kyaꞌmagambo gaꞌBaami beꞌHisiraheeri, naꞌbeꞌBuyuda. Ahandu haage, banayimika mugala wage wa Yoyakini.

Hayubu 31:7

Hali ikyanya indambo zaani, zangakengeera zahusha injira íkwaniini, kandi iri amasu gaani gahemukire ikindu, ninayami kiyifwija, kandi iri amaboko gaani ganabe gakoli yulubiiri neꞌbyaha.

Zaburi 10:3

Umundu mubi agweti agayifwija amabi gaage, anali mu yihaya hiꞌgulu lyago. Ngahwe! Agweti agahuuza abagugu, iri anadaaka Nahano.

Kulyoka 18:21

«Haliko ku gindi mikolwa, mu yaba bandu booshi, utoolage mwo ábakwaniini, banabe basimbahiri Rurema, batanabe boꞌkutulirwa. Yabo bandu, uheereze baguma ubutwali bwoꞌkuyimangira abandu kihumbi-kihumbi, naꞌbandi abandu igana-igana, kandi iri bandu makumi gataanu-gataanu, kandi iri bandu ikumi-kumi.

Migani 24:2

Si mu mitima yabo, bali mu shungika ubwitani naaho! Neꞌkyanya bali mu deta, kuli mu ba naaho ku milongwe.

Hisaaya 56:11

Balyagagi nga tubwa útutali mu yiguta. Kundu bali bangere, si bali bahwija. Ngiisi muguma ali mu yilala mu byage-byage, iri anayikundirira.

Yeremiya 17:11

Abandu, iri bangagala ku njira yoꞌkugungana, bali mu ba nga kanyuni ákali mu laalira amagi go katakateera. Ikyanya bali mu ba baki ryagagi misore, ibindu byabo biri mu yami bamalira. Na mu kuheza, banaboneke ku bweranyange kwo bali bahwija.»

Yeremiya 19:4

«Si yaba bandu, keera bakanjanda. Banahindula yaha handu, habe ho bagakizi tangira amatuulo imweꞌmigisi. Neꞌyo migisi, kiziga batagiyiji. Kiri na bashokuluza baabo, naꞌbaami beꞌBuyuda, nabo batagiyiji. Neꞌngingwe, bagweti bagayitira haꞌbandu bazira mahube.

Yeremiya 22:3

«Nahano adetaga kwokuno: “Mukizi gira íbikwaniini, mu kati koꞌkuli. Umundu, iri angaba anyagwa ibindu byage, mumúlyose mu maboko gaꞌbanyazi. Mutanakizi vindagaza ibinyamahanga, kandi iri ifuuvi, kandi iri banamufwiri, mutanakizi balyalyania. Mutanakolwe mbu mukizi yita abandu bazira buhube.

Yeremiya 6:13

«Yabo bandu booshi bali bazizi beꞌbindu, ukushaagira ku bagunda, halinde ku bakulu. Kiri naꞌbaleevi naꞌbagingi, booshi ziri ngunge naaho.

Yeremiya 6:6

Nahano woꞌbushobozi bwoshi, adetaga kwokuno: «Muteme ibiti, munalunde noꞌluvu, bibe kishonero, halinde muteere akaaya keꞌYerusaleemu. Ee! Yako kaaya kakwaniini kahanwe. Mukuba, abandu baamwo bagweti bagavindagazania bweneene.

Yeremiya 7:6

Hatanagire úgakizi libuza ibinyamahanga, kandi iri ifuuvi, kandi iri banamufwiri. Mutanakizi yitana. Neꞌngingwe, mutakizi yita abandu bazira buhube. Mutanakizi yikumba imizimu. Si iri mu mùleetera gobwe-gobwe naaho!

Yeremiya 8:10

«Balya bandu, booshi bagweti bagakubirira ibindu, baba bato, kandi iri bakulu. Ngiisi muguma wabo agweti agayihahalira yenyene. Kiri naꞌbaleevi, naꞌbagingi, ubulyalya bubayisiri. Ku yukwo, bakaabo, ngabaheereza abandi bashosi. Kiri neꞌndalo zaabo, ngaziheereza abandi.

Hezekyeri 18:12

Anabe agweti agalibuza abakeni na ábatashobwiri. Anabe ali mu zimba. Anabe atali mu galula ingwati. Anabe ali mu tabaaza imigisi. Anabe agweti agaagira ibitalaalwe, kundu biri kyagaza imwani.

Hezekyeri 19:6

Iyo ndare, nayo kwakundi yanakula, yanayiheta ku zaabo, nayo yanatondeera ukukizi hiiva, iri inajanganula-janganula izindi nyamiishwa, kiri naꞌbandu.

Hezekyeri 19:7

Ngiisi nzitiro zaꞌbandu bâli kizi yibisha mwo, iyo ndare yanakizi gendi ziteera, inashereeze kuguma noꞌtwaya twamwo. Ikyanya yâli kizi lunduma, ikihugo kinahuumirwe bweneene, kuguma na ábakituuziri mwo.

Hezekyeri 19:9

Byanagibiika mu kitiri, ishwesirwi niꞌgera, byanagitwala imunda mwami weꞌBabeeri. Neꞌyo munda, byanagilasha mu nyumba yeꞌmbohe, gira ikilundumo kyayo kitaki shubi yuvwikana mu migazi yeꞌHisiraheeri.»

Hezekyeri 22:6

«E Yerusaleemu, abatwali booshi baꞌBahisiraheeri, bagweti bagakizi yitana.

Hezekyeri 33:31

«Ehee! Bali mu yiji kubwataza bali kigugu, banayigirage nga bandu baani. Kiziga bali yuvwiriza naaho byo ugaadeta, bataganabisimbaha. Bali mu kizi deta naaho ku tunwa kwo banguuziri, kiziga mu mitima yabo, bagenderiiri noꞌkukizi gungana.

Mika 2:2

Ikyanya muli mu ba muyifwijiri indalo, muli mu yami zinyaga. Neꞌri mwangaloozagya inyumba za beene, muli mu gungana mu kuzinyaga. Muli mu gungana, mu kunyaga ibya beene, kiri noꞌbuhyane bwa beene.

Mika 3:10

Si mugweti mugayubaka i Yerusaleemu mu kuyitana! Munali mu kizi yifunda mu bitalaalwe.

Sefaniya 3:3

Abatwali baawe, ziri ndare ízigweti zigalunduma. Abatwi baawe beꞌmaaja, bali nga mirunga ku kyanya ikoli shalisiri. Bushigi bali mu gendi hiiva inyamiishwa, neꞌkyanya bali mu ba keera bazijanganula-janganula, ndaahyo bali mu siga, kwo hya shesheezi.

Barumi 1:29

Bakoli yijwiri mwo ngiisi bihigo, na ngiisi mabi. Balyagagi bazizi beꞌbindu, na banabitalaalwe. Banayijwiri mwo ngiisi luugi, noꞌbwitani, neꞌmilongwe, noꞌbulyalya, noꞌmujina. Bagweti bagakizi gambana,

1 Bakorindo 6:10

Ndaanabo bazimba ábagabufina mwo, kandi iri bazizi beꞌbindu, kandi iri balalwe, kandi iri bagambani, kandi iri ingunge.

Bakolosaayi 3:5

Ku yukwo, mukizi yitaga amabi go muli mu yifwija. Mutakizi ki shulehana, kandi iri kuyeruzania, kandi iri kukizi gira ibikoleere, kandi iri kulungumirwa. Mutanakizi ziga ibindu. Si umuzizi weꞌbindu, ye muguma noꞌmwikumbi weꞌmigisi.

Yoshwa 7:21

Mu byo tukanyaga, nꞌgabona ikanju lyoꞌmulimbo bweneene, ukulyoka mu kihugo kyeꞌShinaari. Nꞌgabona neꞌbingorongoro magana gabiri byeꞌharija, neꞌkijege kyeꞌnooro nga ya bingorongoro makumi gataanu. Yibyo bindu, nâli biyifwijiri, nanayami biyabiira. Mbibishiri i kuzimu mwiꞌheema lyani. Neꞌyo harija, ngisingwiri mwiꞌdako lyabyo.»

2 Peturu 2:14

Amasu gaabo, gayamiri galyagagi ku bakazi bashule. Bali mu yama bagenderiiri ukukizi yifunda mu byaha. Neꞌkyanya bali mu gwana abandu ábatazi kana, bali mu balyeryega. Banali mu ba beeshu bweneene, mu kukubirania ku bindu. Yabo banakuhambwa, si badaasirwi!

2 Peturu 2:3

Na bwo bali bazizi beꞌbindu, bagakizi yibangira ibibeesha, mbu lyo bakizi mùlyalyania mwo. Ukulyokera keera, Rurema âli kizi balindiriza ikihano. Na buno, akolaga ibiringiini ukubaminika.

1 Samweri 8:3

Kundu kwokwo, batâli tuuziri bwija nga yishe. Si boohe, bâli kizi yihahalira boonyene, banakizi yakiira ikitulire. Na kwakundi, banakizi shobania íbikwaniini.