Yeremiya 22:14 - Kifuliiru

¹⁴ iri unayidesa, ti: “Ngayiyubakira nangungubanga weꞌnyumba, inabe ihiiti izindi ízishoneriini kwo. Nganagibiika kwoꞌtwazo tuhamu, na ngilimbiise neꞌbiti biija byeꞌmyerezi ku bibambaazi. Ha nyuma, na ngibuge kwiꞌbara lidukula.”

Yeremiya 22:14 ပူးပေါင်းရင်းမြစ်များ

2 Samweri 7:2

Lusiku luguma, Dahudi anatumira umuleevi Natani, anamúbwira: «Niehe, nduuziri mu kajumiro kayubake neꞌbiti byeꞌmyerezi, kanalimbiri bweneene. Haliko, Akajumba ka Rurema, koohe kaki singwirwi mwiꞌheema.»

2 Kutondobola 3:5

Ibibambaazi byoꞌbululi, byâli komeriirwi kweꞌbiti byeꞌmiberoshi. Babuli zibugiiriza kweꞌnooro muguuhya. Ha nyuma, banabilimbiisa, mu kubihokoorora kweꞌbishushanio byeꞌkigazi, na byeꞌmigufu.

Migani 17:19

Ngiisi úkuuziri ukulongoola, ali mu ba akuuziri ibyaha. Na úli mu yikangaata, ali mu yikululira ubushereeze.

Migani 24:27

Utee yusa imikolwa yawe yeꞌmbuga. Ulingaanie neꞌndalo zaawe. Ha nyuma, ukabuli yubaka inyumba yawe.

Lwimbo Lwija 1:17

Inguliro zeꞌnyumba yitu, biri biti byeꞌmyerezi, kwo biri mu huumura bwija. Na byeꞌdaari lyayo, biri byeꞌmiberoshi.»

Hisaaya 9:9

«Inzitiro ízikayubakwa naꞌmatafaari, kundu zikayibumbulikaga haashi, si tugaki ziyubakulula naꞌmabuye mabaaje! Na kundu bakatema inguliro zeꞌbiti biniini byeꞌmizehituuni, si ahandu haazo, tugayubaka neꞌbiti bihamu byeꞌmyerezi.»

Hezekyeri 23:14

Haliko, Oholiba yehe, anabukaviiriza mwo. Ehee! Akasimiisibwa neꞌbishushanio byaꞌBababeeri ku bibambaazi, bwo bâli yambiiti imirondo miija-miija yeꞌbidukula.

Danyeri 4:30

Haaho-haaho, lirya igambo lyanayami kolekaga. Ulya mwami anayimulwa mu bandu, anakizi gendi lya ubwasi nga ngaavu. Amagala gaage ganakizi loba neꞌkimi ukulyoka mwiꞌgulu. Umushaku gwage gwanalaaha nga mashala ga nyunda. Neꞌnyunu zaage zanalaaha, nga za kanyuni.

Hamoosi 6:8

Rurema Nahamwitu ashiikiza kwokuno: «Nga kwo nyamiragi nie Rurema, yuku kuyikangaata kwaꞌBahisiraheeri, keera kwanyaagaza ngana-ngana! Inyumba zaabo, kundu ziryagagi ngomu, si keera zannenuuka. Ku yukwo, yaka kaaya keꞌSamariya, ngakabiika mu maboko gaꞌbagoma, banakashereeze kuguma na íbikali mwo byoshi.»

Hagayi 1:4

Aaho! Ka bimùkwiriiri mutuule mu nyumba ndimbiise bwija, neꞌnyumba yeꞌmwani iki shasiri?

Malaki 1:4

«Abahedoomu, ikibusi kya Hesahu bali mu deta, ti: “Kundu bakatushereegeza utwaya twitu, haliko tugashubi tuyubakulula.” «Aahabi! Si nie Nahano woꞌbushobozi bwoshi, nadetaga kwokuno: Tulya twaya, kundu bagashubi tuyubakulula, haliko ngashubi tuhongolera haashi. Balya Bahedoomu, bagamenyeekana kwo bali “Banabitalaalwe”, na “Bandu bo Nahano ayamiri arakariiri”.