Yeremiya 21:13 - Kifuliiru

¹³ E bandu beꞌYerusaleemu, nie Nahano kwokwo kwo nadeta: Mutuuziri ku marango, ku lwala úluli hiꞌgulu lyeꞌndekeera, munali mu yihaya, mbu: “Ndaaye úwangayiji tuteera, mbu anayihandalike mu kaaya kiitu kazitire!” Kundu muli mu deta kwokwo, nienyene ngakizi mùlwisa.

Yeremiya 21:13 ပူးပေါင်းရင်းမြစ်များ

Zaburi 125:2

Nga kweꞌmigazi isokaniini akaaya keꞌYerusaleemu, kwo na kwokwo Nahano asokaniini abandu baage, ukulyokera buno, halinde imyaka neꞌmyakuula.

Kulyoka 13:20

Kwokwo, iri Abahisiraheeri bakalyoka i Sukooti, banashumbika i Hetamu, ha butambi liꞌshamba.

Kulyoka 13:8

«Ku lwolwo lusiku, mugakizi ganuulira abaana biinyu ngiisi kwo Nahano akamùgirira mu kumùlyosa mu kihugo kyeꞌMiisiri.

Hisaaya 22:1

Ino ndumwa idesiri hiꞌgulu lyeꞌndekeera yaꞌmabone. E Yerusaleemu, maki gano? Si mweshi mukoli shoniiri ku nyumba!

Yeremiya 17:3

«E Bayuda, bwo mugweti mugaagira kwokwo, ngaheereza abagoma biinyu umugazi gwani. Ngabaheereza noꞌbugale bwinyu bwoshi. Na íbitumiri ngaagira kwokwo, bwo mukoli bihuusiri hooshi mu kihugo kiinyu.

Yeremiya 21:5

Kiri na nienyene, nie Nahano, keera mwandaakaza bweneene. Kwokwo, naani ngamùlwisa, na ndi woꞌbushobozi bweneene.

Yeremiya 49:16

We bwatiiri mu nyaala za mu migazi, we na twaziri amarango! Kundu wangayubaka inyumba hiꞌgulu bweneene, nga ngisha yoꞌtushuuta, ngaki kumanula ho. Keera mukayingiza abandu beꞌbindi bihugo mweꞌkinyukura. Kundu kwokwo, ubwikangaate keera bwakuteba.» Kwokwo, kwo Nahano adesiri.

Yeremiya 50:31

«E bandu boꞌbwikangaate! Niehe, nie Nahano woꞌbushobozi bwoshi. Na buno, ngola ngamùlwisa. Ee! Kikola kyanya kyoꞌkumùhaniiriza.

Yeremiya 51:25

Nahano adetaga kwokuno: «E Babeeri, uli mugazi gwoꞌbushereeze. Mukuba, ugweti ugashereeza amahanga gooshi. Kundu kwokwo, ndyagagi mugoma wawe. Ngakuhaga, na ngunyanyage haashi. Hanatame, unasigale ugasingoolwa noꞌmuliro.

Yeremiya 7:4

Mutanahendwe naꞌmagambo gaꞌbandu bagweti bagakizi deta, mbu: Ino Nyumba ya Nahano, iri yeꞌmwage yenyene! Iri yeꞌmwage. Ee! Iryagagi ya Nahano!

Kimombo 4:12

Mu kihugo, ndaaye mwami úwangayemiiri kwaꞌbagoma bangayingira mu Yerusaleemu mu kulenga kwiꞌrembo.

Hezekyeri 13:8

«Ku yukwo, nie Rurema Nahamwinyu nadetaga kwokuno: “Bwaꞌmabone giinyu gali ga bibeesha kuguma naꞌgandi magambo giinyu, ngolaga ngamùlwisa.” Kwokwo, kwo nie Rurema Nahamwinyu ndesiri!

Hezekyeri 21:3

Ugendi babwira: “Muyuvwirize ngiisi kwo Rurema Nahamwitu agweti agaadeta, ti: Ngola ngayasa umuliro, gira nzingoole ibiti biinyu byoshi, ibyumu, kiri neꞌbibishi. Yibyo biti byoshi, ikyanya bigagulumira kwoꞌmuliro, ndaaye úgaahasha ukuguzimya. Si abandu booshi, ukulyokera ikisaka halinde imbembe, bagahiira.

Hezekyeri 34:10

Kundu nie Rurema Nahamwinyu, haliko buno, ngolaga mugoma winyu. Umukolwa gwoꞌkulanga ibibuzi byani, ngola ngamùnyaga gwo. Ndanâye ki yemeere, kwo mushubi bilanga. Kwokwo, mutagaki longa ubulyo bwoꞌkushubi biyungukira kwo. Yibyo bibuzi byani, ngabifuushula mu tunywa twinyu, gira mutaki shubi birya.”»

Hezekyeri 5:8

Kwokwo, nadetaga kwokuno: Ngola mugoma winyu, nganamùhana mu masu geꞌbinyamahanga.

Mika 3:11

E batwi beꞌmaaja! Si mu kukizi twa imaaja, mugweti mugalooza ibitulire. Na niinyu, mwe bagingi! Si muli mu yigiriza naaho, mu kulooza imbembo. Na niinyu, mwe baleevi! Si mutali mu tanga ubuleevi, buzira kuhembwa. Kundu kwokwo, mweshi mudesiragi mbu: «Si tuyegamiiri Nahano. Ali hano kuguma na nyiitu, ndaanayo nguuke yo tugalonga.»

Nahumu 2:13

Ishuba mu genda, inayite inyamiishwa, inazibaagire ibuguma lyayo, naꞌbaana baayo. Ee! Ikyanya yayita inyamiishwa, inyama zaazo ziri mu yijula ibundo lyayo.