Yeremiya 20:18 - Kifuliiru

¹⁸ Iyo nda ya maawe, kituma kiki nꞌgagilyoka mwo? Si isiku zaani zooshi, ndi mu libuuka naaho, iri na njengeerwa! Kiri na ku mbeka yoꞌburambe bwani, si ngagenderera naaho ukukizi negurwa!

Yeremiya 20:18 ပူးပေါင်းရင်းမြစ်များ

1 Baami 19:4

Si yehe, anagenderera umulege-rege gwoshi, halinde mwiꞌshamba, anagendi bwatala mwiꞌdako lyeꞌkiti kiguma kyeꞌngaja-malungu. Haaho, anahuuna Rurema kwo alonge ukufwa. Anamúbwira, ti: «E Nahano, ndaakikwo kundi! Ubulyo, ndaakibwo. Ndali nie mwija ukuhima bashokuluza baani. Kwokwo buno, unyitage.»

Hayubu 14:1

«Umundu yeshi úli mu butwa noꞌmukazi, ali wa kuramba isiku niini naaho, anali mu zilonga mwaꞌmakuba.

Hayubu 14:13

Bwangabiiri bwija utee mbisha i kuzimu, halinde uburaakari bwawe butee hooha. Ha nyuma kandi, unabiike ulusiku lwoꞌkushubi ngengeera.

Hayubu 3:20

«Ikyanya umundu ali mu makuba, kituma kiki yulwo lusiku buli mu múkyera. Ábayuvwiti ubululu mu mutima, kituma kiki bangabona umulengeerwe?

Hayubu 5:7

Halikago abandu boohe, bali mu butwa hiꞌgulu lyaꞌmalibu, nga kweꞌshashala ziri mu yilasha hiꞌgulu.

Zaburi 102:3

Buno, ngola mu libuuka bweneene. Aaho! Utakizi mbindulira ingoto, si ukizi ndega amatwiri. Ikyanya ndi mu kutabaaza, ukizi vwaruka mu kunjuvya.

Zaburi 69:19

Unyegeere, gira ungize. Unguluule mu maboko gaꞌbagoma baani booshi.

Hisaaya 1:6

Ukulyokera ku lushando halinde kwiꞌtwe, ndaaho ku magala giinyu áhakiri hagumaana. Si mukoli yijwiri inguma, neꞌbimotole! Yibyo, bitazi yokibwa, bitanazi yonerwa kwaꞌmavuta, kandi iri kushwekwa. Si bikiri mu lyoka mwaꞌmasira.

Hisaaya 51:7

«Mwe musobanukiirwi na íbikwaniini! Munyuvwirize. Mwe mukulikiiri amigirizo gaani! Kundu abandu bagweti bagamùgayiriza, mutabayobohe. Ikyanya bali mu mùhonyoleza, mutakizi batwaza.

Yeremiya 15:10

Haaho, nie Yeremiya nanadeta: «Ala nie! E maawe, kituma kiki ukambuta? Si abandu booshi bagweti bagandongooza! Si bali mu nduka, ndaanagwo mwenda gwoꞌmundu mbiiti. Na naani kwakundi, ndaaye mundu yeshi úgumbiiti.»

Yeremiya 15:18

Aahago! Kituma kiki ngi yamiri ndi mu libuuka? Na kituma kiki inguma zaani zikalahiraga ukukira? Si ubutabaazi bwawe, buli naaho nga shyoko yaꞌmiiji íkoli kamiri!»

Yeremiya 3:25

«Ku yukwo, bikwiriiri ishoni zituyizingage kwo, zinatudeedeke haashi. Mukuba, tweshi na bashokuluza biitu, twâli kizi gira ikyaha imbere lya Rurema Nahamwitu. Ukulyokera ubwanuke bwitu halinde buno, ndaaye úkamúsimbaha.»

Yeremiya 8:18

E Rurema, umutima gwani gukola mu siriira noꞌmwizingeerwe, ndaanaye woꞌkugungania.

Kimombo 1:12

Akaaya keꞌYerusaleemu, kanadeta: «Mweshi, mwe muli mu lenga hano! Kituma kiki mutatwaziizi gano malibu gaani? Keera Nahano akandakarira, maashi! Aahago! Ka keera mukabona agandi malibu ágali nga gano geꞌmwani?

Kimombo 3:1

Nahano keera andakarira, anambimbula bweneene neꞌngoni.

Habakuki 1:3

Yibyo bihigo, ka ngwaniini ngizi bibona-bona? Si abandu keera bahigula bweneene! Ikyanya ndi mu bayitegeereza, ndi mu bona naaho kwo bagweti bagahambanwa, iri banalongoola. Ee! Bali mu shereezania, iri banayitana.

Yohana 16:20

«Namùbwira ukuli, kwo mugaliruuka ku mwizingeerwe. Si abandu beꞌkihugo, boohe, bagakizi shambaala. Kundu kwokwo, yugwo mwizingeerwe gwinyu, gugaki yiji hinduka mushambaalo.

Mikolezi 5:41

Yizo ndumwa, zanahuluka mwiꞌyo naama yaꞌbakulu, zishambiiri. Mukuba, Rurema akabona kwo zikwaniini ukugayirizibwa hiꞌgulu liꞌziina lya Yesu.

2 Timoteyo 1:12

Yo na yeyo, yo itumiri ngweti ngalongaga yaga malibu. Kundu kwokwo, ndayuvwiti ishoni. Nyiji Yesu bwija, ninamúbiisiri kwoꞌbwemeere. Na ndi naꞌkasiisa kwo ngiisi byo akanzikiiriza, ashobwiri ukukizi bilanga, halinde ukuhisa ku lusiku lwo agagaluka kwo.

Baheburaniya 10:36

Mukwiriiri mukizi yihangaana, halinde lyo mushobola ukukizi gira byo Rurema aloziizi. Munayakiire ngiisi byo akamùlagaania.

Baheburaniya 11:36

Abandi baabo, banakubulwa ingoni iri banafukwa akahoogo. Abandi, banashwekwa neꞌminyororo, banalashwa mu nyumba zeꞌmbohe.

Baheburaniya 12:2

Tukizi lola ku Yesu. Mukuba, ubwemeere bwitu, buli mu múyegamira kwo, ukulyokera indondeko, halinde ukuyusa. Yenyene akagooyera, mu kuyitirwa ku kibambo. Na kundu akakilongeraga kweꞌshoni, atanazitwaza. Mukuba, âli bikiirwi ubushambaale. Na buno, akoli bwatiiri uluhande lweꞌlulyo lweꞌkitumbi kya Rurema.

Baheburaniya 13:13

Ku yukwo na nyiitu, tugwanage Yesu inyuma lyaꞌkaaya. Nga ngiisi kwo akalonga ishoni, na nyiitu tugendi zilonga.