Yeremiya 20:11 - Kifuliiru

¹¹ Kundu kwokwo, Nahano ayimaaziri ha butambi lyani, ali kikalage kyeꞌndwani. Ku yukwo, balya booshi ábakola mu ndibuza, bagasiitara, banayideedeke haashi. Ee ma! Bwo batashobwiri ukumbima, bagalonga ishoni, banakizi teteerwa imyakuula, halinde ishoni zaabo zitâye yibagirwe.

Yeremiya 20:11 ပူးပေါင်းရင်းမြစ်များ

Zaburi 129:2

«Ukulyokera mu busore bwani, bâli kizi ndibuza bweneene.» Kundu kwokwo, batakambima.

Zaburi 35:26

Ngiisi ábali mu shambaalira amakuba gaani, ubabonie ishoni, halinde bateteerwe. Na ábagweti baganyikangaatira, nabo balonge ishoni, kibe nga kyambalwa, halinde banatibaalirwe.

Zaburi 40:14

E Nahano, ungizagye we kongwa! Uyiji ndabaala duba.

Zaburi 47:2

Mwe bandu baꞌmahanga gooshi, mukomere Rurema amagasha. Mumúbandire akabuuli, iri munashambaala ngana.

Zaburi 6:10

Ee ma! Keera anyuvwa, anakola aganjuvya.

Zaburi 65:5

Bahiriirwi ngiisi bo ukatoola, kwo bayiji tuula mu nyumba yawe ndaluule. Mwomwo, mwo tugakizi gashaanirwa.

Zaburi 66:5

Muyiji bona ngiisi byo Rurema akagirira abandu baage. Byoshi, biri bya kahebuuza.

Hisaaya 41:10

Aaho! Bwo nyamiri tutuliinwi, mutakizi yoboha. Ndi Rurema winyu! Ku yukwo, mutashenguke. Ngakizi mùkania, iri ninamùtabaala. Ninamùsikamye, mu kukoleesa ubushobozi bwani.

Hisaaya 41:14

«E Bahisiraheeri, mwe bandu ba mwiꞌkondo lya Yakobo! Kundu mulyagagi nga bizimu naaho, mutakizi yoboha! Ndi Lukiza winyu, na ndi Mutaluule waꞌBahisiraheeri. Nienyene, ngakizi mùtabaala. Kwokwo, kwo Nahano adesiri.

Hisaaya 45:16

Ikyanya abandu bali mu baaja imigisi, bagateezibwa ishoni. Balya booshi, bagateteerwa.

Yeremiya 1:18

«Si ukulyokera zeene, ngweti ngakusikamya, ube ngaꞌkaaya kazitire. Unabe nga lwingo lweꞌkyuma, na nga nzitiro zeꞌmiringa. Ugakizi hagana naꞌbandu beꞌkihugo kyoshi, kiri naꞌbaami beꞌBuyuda, naꞌbatwali baabo, naꞌbagingi, naꞌbandi bandu booshi.

Yeremiya 1:19

Na kundu bagakizi kuteera, ndaaye úgakuhima. Si nienyene tugakizi yamanwa, na ngizi kukiza.» Kwokwo, kwo Nahano adesiri.

Yeremiya 1:8

Hatanagire umundu yeshi ye ugakizi yoboha. Si tuyamiinwi, nganakizi kulanga.» Kwokwo, kwo Nahano adesiri.

Yeremiya 15:15

Nanashuvya: «E maashi Nahano, unyiji bwija. Unayijagi ngiisi kwo ngweti ngateezibwa ishoni hiꞌgulu lyawe. Aaho! Ungengeerage, unakizi mbahala. Balya bagoma baani, ubahaniirize. Si iri wangabayigenderera, hali ikyanya bangakengeera banyita.

Yeremiya 15:20

Yabo bandu, kundu bagakizi yiji kuteera, mbu bakulwise, si batagakuhima. Mukuba, ngakizi kusikamya, nga luzitiro úlukayubakwa neꞌmiringa. Ee! Tugayamanwa, na ngizi kukiza. Kwokwo, kwo nie Nahano ndesiri.

Yeremiya 17:18

Balya bandu, bagweti baganvindagaza. Aaho! Ubateezagye ishoni. Si ndabe nie ugaziteeza. Boohe, babe bo ugaleeza mweꞌkinyukura. Si ndabe nie gakilenga mwo! Balya bandu, ukizi bahaniiriza, unabazimiize lwoshi.

Yeremiya 22:22

Abimangizi biinyu booshi, imbuusi igabahuusa kwo, inabashaaze. Kiri naꞌbiira biinyu, bagatwalwa imbohe. Galya mabi gooshi go mwâli kizi kola, gagamùteeza ishoni.

Yeremiya 23:40

Abandu bagakizi mùhonyoleza, iri banamùteeza ishoni. Yizo ishoni zigaaba zoꞌkuyama ho, zitaganayibagirwa halinde imyaka neꞌmyakuula!»

Yeremiya 32:18

Uli mu ba ukuuziri abandu bweneene, halinde ku bibusi bihumbi. Si ikyanya bali mu ba bakuhubiiri, uli mu haniiriza kiri naꞌbaana baabo. Ee! Uli Rurema mukulu, unali kikalage. Niꞌziina lyawe, we Nahano woꞌbushobozi bwoshi!

Danyeri 12:2

«“Mu bandu keera ábakafwa, banakoli ziisirwi, abingi baabo bagazuuka. Baguma, banalonge ukulama imyaka neꞌmyakuula! Halikago, abandi banateezibwe ishoni, iri banateteerwa imyaka neꞌmyakuula.

Barumi 8:31

Aahago! Biki byo twangashubi deta? Bwo Rurema alyagagi uluhande lwitu, nyandi úwangaki tuhangirira? Si ndaaye!

2 Timoteyo 4:17

Kundu kwokwo, Nahano âli kizi ba kuguma na naani, anambiika mweꞌmisi. Kwokwo, nanamenyeesa Imyazi Miija mu batali Bayahudi, halinde booshi banagiyuvwa. Na kandi, akangizagya na mu kanwa keꞌndare.