Yeremiya 2:9 - Kifuliiru

⁹ Nahano adetaga kwokuno: «Ngola ngamùlega. Kiri naꞌbandu beꞌbibusi biinyu, nabo ngabalega.

Yeremiya 2:9 ပူးပေါင်းရင်းမြစ်များ

Zaburi 50:4

Rurema, ikyanya agaatwa imaaja zaꞌbandu baage, agahamagala igulu neꞌkihugo, biyiji ba tumasi.

Kulyoka 20:5

Iyo migisi, utakizi kolwa mbu ugifukamire, kandi iri ugiyikumbe. Mukuba, niehe nie Nahano Rurema wawe, na ndi munaluugi. Iri abandu banganjomba, banakizi gira ibyaha, ndi mu haniiriza abaana baabo, halinde ku kibusi kya kashatu, kiri na ku kya kana.

Hisaaya 3:13

Nahano akola ibiringiini ukutwa imaaja. Akoli yimaaziri, gira ahane abandu baage.

Hisaaya 43:26

«Mungengeeze ngiisi byo muli mu njumuza kwo, gira tubibuulane. Ee! Mundereke, gira tulole iri muganzinda.

Yeremiya 2:29

«Aaho! Bikagi kandi muki gweti mugakizi ndakira kwo, keera mukanahuna?» Kwokwo, kwo Nahano adesiri.

Yeremiya 2:35

mugweti mugayihaya, ti: “Twehe, ndaabwo buhube tuhiiti! Nahano atangaki turakarira.” Si mwabeeshaga mu kudeta, mbu: “Twehe, ndaakyo kyaha tuhiiti!” Kwokwo, ngamùhaniiriza ngana-ngana!

Hosheya 12:3

Nahano agweti agalega Abayuda, beene Yakobo. Anakola agabahana hiꞌgulu lyoꞌbulyalya bwabo. Ee! Agabahaniiriza, ukukulikirana na ngiisi kwo âli kizi gira.

Hosheya 2:2

Ee! Abandu boꞌbwami bweꞌBuyuda naꞌboꞌbwami bweꞌHisiraheeri bagashubi nywana, banayitoolere umutwali wabo muguma. Kwokwo, bagaaba bakoli jeberiiri mu kihugo kyabo. Emwe! Yulwo lusiku, lugaaba lwaꞌkahebuuza imwa Yezereheri.

Hosheya 4:1

E Bahisiraheeri! Muyuvwirizagye ngiisi kwo Nahano agweti agaadeta. Si agweti agamùlega kwokuno: «Emwe! Mutali bemeera, mutanali mu kundana, ndaanaye úki kengiiri kwo nie Rurema ndi ho.

Balaawi 20:5

Haaho, lyo nienyene, ngabahindukira, kuguma neꞌmbaga zaabo, na mbatwe mu Bahisiraheeri. Mukuba, ikyanya bali mu ba bagweti bagayikumba umuzimu Moleki, iri batakiri bemeera imwani.

Mika 6:2

E malambo! Muyuvwagwe ngiisi kwo Nahano agalegana. Na niinyu mweꞌndaliro zeꞌkihugo, muyuvwirize kwakundi. Nahano agweti ulubaaja naꞌbandu baage. Agweti agabuulania Abahisiraheeri.