Yeremiya 2:36 - Kifuliiru

³⁶ «Kutagi muli mu hindula-hindula imitono? Aahago! Kiri naꞌBamiisiri bagamùteeza ishoni, nga kwaꞌBahasuriya keera bakamùteeza zo.

Yeremiya 2:36 ပူးပေါင်းရင်းမြစ်များ

2 Kutondobola 28:16

Ku yikyo kyanya, Abahedoomu bâli mali yija kandi mu kihugo kyeꞌBuyuda, banakiteera, banakihima, banatwala abandu baguma imbohe. Kyanatuma mwami Ahaazi agaatuma indumwa imwa mwami weꞌHasuriya, kwo ayiji mútabaala mwiꞌzibo.

Hisaaya 20:5

«Haaho, lyo yabo Bafirisiti bagashenguka. Mukuba, bâli langaliiri Abahendyopiya, kuguma naꞌBamiisiri, kwo bo bakola bagabatabaala mwiꞌzibo.

Yeremiya 2:18

Si keera mukagendi nywana naꞌBamiisiri! Aahago! Ikyanya mukagendi nywa ku magoloovi goꞌlwiji Niire, ka hali byo mukayunguka? Na kwakundi, ikyanya mukagendi nywana naꞌBahasuriya, mbu mugendi nywa ku magoloovi goꞌlwiji Hefuraati, biki byo mukayunguka?

Yeremiya 2:23

«Kutagi mwangadeta, mbu: “Twehe tutali mu yikumba Baali. Ku yukwo, ndaakyo ikyaha tuhiiti.” Mutee genda mu ndekeera, lyo mubona ibyaha byo mwâli kizi girira mwo. Mulyagagi ngiꞌbuguma lyeꞌngamiya, írigweti ligahura-hura.

Yeremiya 2:33

«Emwe! Muli beeshu bweneene mu kuyerura. Neꞌkyanya muli mu giraga amabi mwene yago, kiri naꞌbabulambe baꞌbakazi, muli mu baheta.

Yeremiya 22:20

«E beene Yuda, muzamuukire ku migazi yeꞌLebanooni, iri munaliruuka. Muyidehereze ku nduulu, halinde ihike i Bashaani. Munagendi berangira uluhande lweꞌmigazi yeꞌHabariimu. Si abiira biinyu booshi, keera bakaminikwa!

Yeremiya 22:22

Abimangizi biinyu booshi, imbuusi igabahuusa kwo, inabashaaze. Kiri naꞌbiira biinyu, bagatwalwa imbohe. Galya mabi gooshi go mwâli kizi kola, gagamùteeza ishoni.

Yeremiya 31:22

E bahuni, mugagenderera ukuhabuka, halinde mangoki? Si mu kihugo, Nahamwitu agakoleesa igambo lihyahya. E ma! Abahisiraheeri bakolaga bagashubi hoobera Rurema wabo.»

Yeremiya 46:12

Ibinyamahanga, keera bikayuvwa ngiisi kwo mukayagagala bweneene neꞌshoni! Si indwani ziinyu, zikayipukulana kwo, zanayami yibumbulika haashi.»

Kimombo 4:17

Twâli kizi langiiza, tulole iri abandu beꞌkindi kihugo bangayiji tutabaala, kundu tukalangiiza bweneene, ndaabo ábakaboneka.

Kimombo 5:6

Keera tukayibiikaga mu maboko gaꞌBamiisiri naꞌBahasuriya, lyo tulonga byo tugaalya.

Hezekyeri 16:28

«Yukwo kulungumirwa, iri ukabonaga kwo kwakavya, wanayilala mu kusambana Abahasuriya, utanasirwa,

Hezekyeri 29:7

Iri bakagira mbu bamùgwate noꞌkuboko, mwanayami vunika, mwanabakomeeresa ku bitugo. Neꞌri bakamùshendamira mwanabajajagula imigongo.

Hosheya 10:6

Yugwo mugisi gukola gugatwalwa mu kihugo kyeꞌHasuriya, gunahaabwe mwami mukulu weꞌyo munda, libe ituulo lyage. Yugwo mugisi, beene Hifurahimu bâli kizi gubiika kwoꞌmulangaaliro, kyo kitumiri bagateezibwa ishoni.

Hosheya 12:1

Beene Hifurahimu keera bambetuza ikinyoma. Abahisiraheeri, si bagweti bagandyalyania. Abayuda nabo, batatwaziizi Rurema, kundu alyagagi Mutaluule, anali mwemeera.

Hosheya 14:3

Neꞌkyanya mugamúgalukira, mumúhuune ulukogo, mu kumúbwira: «Utukogage amabi giitu gooshi, unatuyakiire ku lukogo lwawe. Kwokwo, lyo tugakuyivuga ku mitima yitu yoshi.

Hosheya 5:13

«Beene Hifurahimu naꞌBayuda, ikyanya bakabona ngiisi kwo balwaziri, banagendi tabaaza mwami mukulu weꞌHasuriya. Halikago, uyo Mwami atanahasha ukubabuka, atanabakiza.

Hosheya 7:11

«Beene Hifurahimu balyagagi nga ngunde íri mu hendwa duba-duba. Bali mu tee tabaaza abandu beꞌMiisiri. Ha nyuma, banabuli gendi tabaaza abeꞌHasuriya.