Yeremiya 2:32 - Kifuliiru

³² Umunyere, si atangayibagira ukuyilimbiisa noꞌbungeni-ngeni bwage! Noꞌmuhya-kazi atangayibagira ukuyambala ikanju lyage lyoꞌbuhya! Halikago abandu baani boohe, bakoli hisiizi isiku kandaharuurwa banyibagiiri.

Yeremiya 2:32 ပူးပေါင်းရင်းမြစ်များ

Ndondeko 24:22

Iri ingamiya zaage zikaba keera zayusa ukushoola, anayami fumbadika umunyere imbete yeꞌnooro. Yâli hiiti ubuzito nga bwa garama ndatu. Anashubi múfumbadika neꞌbikomo bibiri byeꞌnooro. Na ngiisi kiguma, kyâli hiiti ubuzito ingingwe ye garama igana.

Ndondeko 24:30

Mukuba, âli mali bona imbete neꞌbikomo ku maboko ga mwali wage, akanayuvwa amagambo gaage, nga kwo Rebeka âli mali baganuulira. Lyeryo, Labaani anakwabadukira imunda uyo mushosi, anamúgwanana aki yimaaziri yaho ha kirigo, kuguma neꞌngamiya zaage.

Ndondeko 24:53

Anahambuula ibindu íbikatulwa mu harija, na mu nooro, kuguma neꞌbyambalwa. Yibyo byoshi, anabifumbadika Rebeka. Mushija wa Rebeka, bo na nyina, nabo anabaheereza ibindi bindu byeꞌkishingo.

2 Samweri 1:24

E Bahisiraheeri-kazi, mulirire Sahuli. Mukuba, âli kizi mùyambika imirondo yeꞌkituku-tuku, anâli kizi mùlimbiisa neꞌnooro.

Zaburi 106:21

Rurema ye kabalyosa mu kihugo kyeꞌMiisiri, ku njira yeꞌbitangaaza bingi, anabagirira neꞌkindi kitangaaza ku Nyaaja Ndukula. Kundu kwokwo, banayami múyibagira.

Zaburi 9:17

Nahano amenyekiini kwo ali woꞌkuli. Si yabo banangora-mabi, boohe, bali mu yigwasa mu mitego yabo boonyene.

Hisaaya 17:10

E Bahisiraheeri, keera mukahinduliraga Rurema ingoto, anali ye gweti úgamùkiza. Mutaki kengiiri kwo Rurema yiꞌbuye lyo mwâli bishamiri mwo. Si muli mu gendi leeta imbuto nyiija mu binyamahanga, munayiji zibyala.

Hisaaya 57:11

Aahago! Mukoli yobohiri nyandi, halinde mukizi mbwira ikinyoma? Kituma kiki mutakiri mu ndwaza, kandi iri ukungengeera? Ngeeka mutakiri mu nzimbaha, bwo ngola kyanya ndi munyerere!

Hisaaya 61:10

Ngweti ngashambaalira Nahano. Ee! Umutima gwani guyamiri gumúshambaliiri. Ye mu nyambika ubukize, nga mirondo, anali mu ndimbiisa na íbikwaniini. Ngoli limbisiibwi, ngoꞌmuhya mushosi. Na ndi nga muhya mukazi, úkoli limbisiibwi noꞌbungeni-ngeni.

Yeremiya 13:10

banakoli bihuusiri, batanandwaziizi! Balyagagi mindagabika, iri banagira nga kwo baloziizi. Bakola mu yikumba imizimu, iri banagikolera. Kwokwo, bagayiji ba nga gulya mukaba, bazira kamaro kooshi-kooshi.

Yeremiya 13:25

Nahano adetaga kwokuno: «Mwe batuulaga beꞌYerusaleemu, si keera mukanyibagira lwoshi, mwanabiika ubwemeere ku mizimu. Kwokwo, Nahano anashungisiri kweꞌkihano kimùlindiriiri.

Yeremiya 18:15

Halikago abandu baani, boohe, keera bakanyibagira. Bagweti bagayokera imizimu umubadu. Injira nyiija yo bâli tuuziri mwo, keera bakagijanda, banakola mu vujuuka mu mishodoko.

Yeremiya 2:11

Aahago! Ka hali abandu ábakagomboola imigisi yabo, mbu bayabiirage igindi? Aahabi! Iyo migisi, abandu batangagigomboola kundu yoshi iri ya busha-busha! Halikago abandu baani boohe, keera bakanjanda, na ndi nie mwene ubulangashane. Bagweti bagakizi yikumba imigisi, kundu ndaako kamaro ihiiti.

Yeremiya 2:33

«Emwe! Muli beeshu bweneene mu kuyerura. Neꞌkyanya muli mu giraga amabi mwene yago, kiri naꞌbabulambe baꞌbakazi, muli mu baheta.

Yeremiya 23:27

Bali mu koleesa ibibeesha, mu kulooza kwaꞌbandu baani banyibagire, nga kwo bashokuluza baabo bakanyibagira, banakizi gendi yikumba umuzimu Baali.»

Yeremiya 3:21

«Abandu bagweti bagayamuluka ku marango. Yayewe! Bahisiraheeri, yabo. Bakanyibagira, nie Rurema Nahamwabo, banakizi vujuuka mu bitali nga byo. Kyo kitumiri bakola mu bululuka, iri banahuuna kwo mbakejeerere.

Hezekyeri 22:12

«Baguma biinyu bagweti bagakizi yitana, lyo bahaabwe imbuli. Banali mu kizi haana umwenda, mu kulooza ubunguke bwingi! Banagweti bagakizi nyaga ibya beene mu kugungana. Balya bandu, keera banyibagira lwoshi! Kwokwo, kwo nie Rurema Nahamwinyu ndesiri.

Hosheya 8:14

«Abahisiraheeri, keera bakayibagira Umulemi wabo, banayiyubakira inyumba nyiija-nyiija za kahebuuza. Abayuda nabo, keera bakayiyubakira inzitiro ngomu mu twaya twabo. Kundu kwokwo, tulya twaya, ngatujigiivya twoshi, kuguma noꞌbutibitiro bwabo.»

Bukengeeze 32:15

«Kwokwo, kundu Abahisiraheeri bakajega, haliko banahuna imbere lyage. Emwe! Bakalya, banajega, banafiika. Ha nyuma, banajanda Rurema wabo, kundu ye kababumba. Bakagayiriza lukiza wabo, kundu ali lwala lukomu.

Bwigule 21:2

Nanabona i Yerusaleemu mbyahya, akaaya keeru, kagweti kagajooka ukulyoka mwiꞌgulu imwa Rurema. Kâli limbisiibwi nga muhya keera úwayinyanyaaza mu kugenda imwa yiba.

Batwi beꞌmaaja 8:34

Na kundu Nahano Rurema ye kabakiza mu bagoma baabo beꞌmbande zooshi, haliko banamúyibagira.