Yeremiya 2:28 - Kifuliiru

²⁸ Aahago! Iyo migisi yo mukayibaajira, hayagi iri? Ngahwe! Ikyanya mugakizi goorwa, leka ibe yo igakizi mùkiza. E Bayuda, imigisi yinyu iluguusiri bweneene, nga kwoꞌtwaya twinyu tuli.

Yeremiya 2:28 ပူးပေါင်းရင်းမြစ်များ

2 Baami 3:13

Ikyanya bakahika, ulya Hirisha anabuuza mwami waꞌBahisiraheeri: «Biki byo undoziizi kwo? Ugendi buuza abaleevi ba yisho, kiri naꞌba nyoko.» Mwami waꞌBahisiraheeri, ti: «Twe baami kwo tuli bashatu, Nahano yenyene ye katukuumania. Halikago buno, tukola tugabiikwa mu maboko ga mwami weꞌMohabu.»

Hisaaya 45:20

«Mwe mukafuushukaga mu mahanga! Mukuumane kuguma, munanyijire. Bandu baguma bali mu gugumira imigisi, ikanabaajwa mu biti naaho! Haliibwi! Si balyagagi bahwija naaho! Irya migisi, kundu itashobwiri ukubakiza, si bakiri mu gitabaaza.

Hisaaya 46:2

Iyo mizimu ikola mu goka. Itanaki shobwiri ukuyikiza. Si yoshi, ikolaga mu twalwa mu mbohe!

Hisaaya 46:7

Bali mu kizi gibetula ha bitugo, banagendi gishinga ahandu halebe. Haaho, ho iri mu beera, itanashobwiri ukugira kwo ihashaage. Na kundu abandu bangagitakira, itangahasha ukubashuvya. Na kundu bangaba bagoozirwi, itashobwiri ukubatabaala.

Hisaaya 57:13

Aaho! Iyo migisi yinyu, ikyanya mugagitabaaza, ikabaagage yo igamùtabaala! Si iri mu yehuulwa neꞌmbuusi. Kiri neꞌkyanya mugagifuuhira umuuka, gugagiyehuulira hala. Si ngiisi ábali mu ba banyegamiiri, boohe, bo bagahyana ikihugo, kuguma noꞌmugazi gwani mweru.

Yeremiya 1:16

«Yabo Bahisiraheeri keera bakanjanda. Banakola mu yokera imizimu umubadu, iri banayikumba imigisi, kundu yibyo byoshi, boonyene bo bakagibaaja naꞌmaboko gaabo. Ku yukwo, ngola ngabatwira ulubaaja hiꞌgulu lya yago mabi gooshi go bali mu gira.

Yeremiya 11:12

Mango bashereezibwa, kundu bagakizi takira irya migisi yabo, iri banagiyokera umubadu, si itagahasha ukubakiza.

Yeremiya 11:13

«E Bayuda, muloleekeze bwija. Imigisi yinyu iluguusiri bweneene, nga kwoꞌtwaya twinyu tuli. Na niinyu, e batuulaga beꞌYerusaleemu! Ututanda twoꞌkuyokera kwoꞌmuzimu Baali umubadu, tuluguusiri, nga kweꞌnjira ziinyu ziri.

Yeremiya 30:7

Yulwo lusiku, lukola lugaaba lweꞌnguuke. Beene Yakobo bagagooka ngana-ngana! Yayewe! Ulusiku mwene yulwo, lutâye shubi ba ho. Kundu kwokwo, ubuzinda, bâye kizibwe.»

Yeremiya 37:19

Naꞌbaleevi baawe, hayagi bali? Si bali mu kizi lahira, mbu mwami weꞌBabeeri atangakuteera, mbu atanganateera kino kihugo!

Hosheya 10:1

Abahisiraheeri bâli riiri nga muzabibu mwija, úgwali kizi joojeka bweneene. Halikago, ikyanya bakalonga ibindu bingi, banatondeera ukukizi yubaka ututanda twa kundi-kundi. Na ngiisi kweꞌkihugo kyabo kyâli kizi genderera ukugala, banakizi limbiisa inguliro zaabo ndaluule zoꞌkuyikumbira kwo.

Habakuki 2:18

Aahago! Ikyanya umundu agweti agayibaajira imigisi, ali mu longa akamaro kaki? Si irya migisi iri mu tulwa mu byuma, inali ya kutebana naaho! Itashobwiri kiri noꞌkudeta! Uyo mundu, si ali mu biika umulangaaliro ku kindu kyo akayigirira yenyene!

Habakuki 2:19

«Yayewe imwinyu! Si mugweti mugabwira umugisi mubaaje mu mbahwa, ti: “Vyukaga!” Munabwire umugisi gwiꞌbuye, ti: “Yimukaga!” Aaho! Yugwo mugisi, ka gwangakuyigiriza? Nanga maashi! Kundu gulyagagi mubugiirize kweꞌnooro neꞌharija, haliko gutali mugumaana!

Bukengeeze 32:37

Agabuuza, ti: “Buno, bo bali mu yikumba balyagagi hayi? Si bâli kizi gendi yibisha imwabo!

Batwi beꞌmaaja 10:14

Na bwo keera mukatoola imigisi yinyu, ibe yo mugendi takira. Inabaagage ye gamùkiza mu gano malibu.»