Yeremiya 19:9 - Kifuliiru

⁹ «Abagoma ba kano kaaya, bagaaba bakasokaniini, gira bayite mwaꞌbandu. Ibyokulya byamwo, bigaamala. Kwokwo, abatuulaga baamwo bagatondeera ukukizi lya bagala baabo na banyere baabo, kiri naꞌbiira baabo.»

Yeremiya 19:9 ပူးပေါင်းရင်းမြစ်များ

2 Baami 25:3

Mu lusiku lwoꞌmwenda lwoꞌmwezi gwa kana, umwena gwanagunuuza bweneene mu kaaya, halinde hatanaki boneka íhiyimbwa hyokulya.

Hisaaya 9:20

Manaasi agweti agateera Hifurahimu. Hifurahimu naye, ali mu teera Manaasi. Yabo bombi, banabuli teera Abayuda. Kundu kwokwo, ubute bwa Nahano butazi hooha. Aki bangwiri ukuboko kwage, mu kulooza ukuhana abandu baage.

Yeremiya 13:14

Ha nyuma, ngakizi bateerania bongwa ku bongwa, kiri naꞌbabusi naꞌbaana baabo. Ndaanaye kiri noꞌmuguma ye ngakejeerera. Ndanâye bayuvwirwe indengeerwa, mbu ndeke ukubaminika.”» Kwokwo kwo Nahano adesiri.

Yeremiya 38:9

«E nahamwitu, balya bandu bagira ibikoleere. Keera balasha umuleevi Yeremiya mu kirimbi-rimbi. Na mu kano kaaya, ndaabyo byokulya íbikiri mwo. Angakengeera afwira mwo niꞌshali.»

Kimombo 2:20

E Nahano! Lolaga ngiisi kwo ugweti ugalibuza abandu baawe. Si abakazi bakola mu lya abaana baabo, kundu bo bakabayibutira, banabakuuziri bweneene! Emwe! Kiri naꞌbagingi naꞌbaleevi, ka byangaziziragi kwo bayitirwe mu nyumba yawe?

Kimombo 4:10

Bamaawe, kundu bayijwiri urukundo, halikago, mu kulooza byo bagaalya, bâli kizi deeka abaana baabo. Ku kyanya abandu bâli hanyagiiri hiꞌgulu liꞌzibo, yabo banyina banakizi balya, gira balonge ukuba ho.

Hezekyeri 5:10

«Abaviire bagakizi lya abaana baabo. Abaana nabo, bagakizi lya ababusi baabo. Ngiisi ábagafuushuka ulufu, ngabashabulira mu mahanga gooshi.

Balaawi 26:29

Mugahikiira ukulya abaana bo muyibutira.