Yeremiya 19:11 - Kifuliiru

¹¹ Ukabuli babwira kwo Nahano woꞌbushobozi bwoshi adetaga kwokuno: Abandu ba mu kino kihugo, ngabavungula-vungula, na nvungule kiri naꞌkaaya kaabo. Ee! Ngabavungula, nga kwoꞌmundu ali mu vungula ikirugu kyoꞌmubuuvi, halinde kitanaki shubi shubaana. Ibirunda, hiꞌgulu lyoꞌkubula ahandi ho byangaziikwa, bigaziikwa haahano i Tofeeti.

Yeremiya 19:11 ပူးပေါင်းရင်းမြစ်များ

Zaburi 2:9

Birya binyamahanga, ugakizi birongoora neꞌngoni yeꞌkyuma, unakizi binyanyaga haashi, halinde binajajaguke nga nyungu ziꞌbumba.»

Migani 6:15

Kundu kwokwo, mu siku ízigayija agayami longa amakuba. Ee! Buzira kutindirira, agashereezibwa, atanâye kire!

Hisaaya 30:14

Ee! Mugapwamuuka, nga nyungu íyarasaanuka lwoshi-lwoshi. Ingyo ízigasigala, ziri niniini bweneene, halinde zitanaki shobole ukulahulirwa kwoꞌmuliro, kandi iri kuvwomerwa kwaꞌmiiji.»

Yeremiya 13:14

Ha nyuma, ngakizi bateerania bongwa ku bongwa, kiri naꞌbabusi naꞌbaana baabo. Ndaanaye kiri noꞌmuguma ye ngakejeerera. Ndanâye bayuvwirwe indengeerwa, mbu ndeke ukubaminika.”» Kwokwo kwo Nahano adesiri.

Yeremiya 19:12

Kwokwo, kwo ngaagira hano handu, kuguma naꞌbatuulaga baaho. Ngahagira nga kano kaaya keꞌTofeeti.» Kwokwo, kwo Nahano adesiri.

Yeremiya 19:6

Kwokwo, mu siku ízigayija, yaho handu, batagaki shubi hadeta “Tofeeti”, kandi iri “ndekeera ya mugala Hinoomu”. Si bakola bagakizi hadeta “ndekeera yoꞌBwitani”. Kwokwo kwo Nahano adesiri.

Yeremiya 25:34

Mwe bangere! Mubandage akashiba ku kimombo! E bimangizi baꞌbandu! Muyibulage mu munyota-kiiko. Bwobuno, bakolaga bagamùtongeera ku ngooti. Mukola mugakizi yideedeka haashi, nga kirugu kiꞌbumba, neꞌbigyo binashaabuke.

Yeremiya 48:38

«Balya Bamohabu, keera nabavungula, nga kirugu kizira kamaro. Kwokwo, mu ngiisi nyumba, na mu ngiisi njira yabo, abandu bakola mu liruuka ku kimombo.» Kwokwo, kwo Nahano adesiri.

Yeremiya 51:63

«Kino kitaabo, mango wayusagya ukubasomera kyo, ugakishwekera kwiꞌbuye, unakitibulire mu lwiji Hefuraati,

Kimombo 4:2

Abaana beꞌSayuni bashuba mu huuzibwa, mbu bo bali neꞌkishingo ukuhima inooro muguuhya. Halikago, buno bakola mu gayirizibwa nga birugu biꞌbumba bizira kishingo.

Mikolezi 21:11

Uyo Hagabo, anatuyijira. Anayabiira umukaba gwa Pahulu, anaguyizongeza ku magulu na ku maboko. Anadeta: «Alagi! Umutima Mweru, gwadeta, ti: “Mwene yugu mukaba, kwoku kwaꞌBayahudi beꞌYerusaleemu bagamúkona. Noꞌbuzinda, banamútange mu maboko gaꞌbandu beꞌgindi milala.”»