Yeremiya 17:8 - Kifuliiru

⁸ Umundu mwene uyo, agaaba nga kiti íkikabyalwa hoofi naꞌmiiji, halinde imizi yakyo iri mu yikira áhali amiiji. Kiri neꞌkyanya izuuba liri mu daruula, yikyo kiti kitangayoboha. Ibyasi byakyo, biyamiri bidoohiri. Kiri neꞌkyanya invula iri mu ba yahangama, kitali mu gerania. Si kiyamiri kiri mu tongeka kweꞌbitumbwe.

Yeremiya 17:8 ပူးပေါင်းရင်းမြစ်များ

Hayubu 29:19

Ngaaba ngeꞌkiti kyeꞌmizi íkalandira mu miiji. Ubushigi bwoshi, ikimi kigabeera ku matavi gaakyo.

Hayubu 8:16

«Abandu, ikyanya batali mu twaza Rurema, bali mu ba ngoꞌmulandira úguli mu mera bwija kwiꞌzuuba. Guli mu landa, gunayaje, halinde amatavi gaagwo ganakwire mu ndalo yoshi.

Zaburi 1:3

Uyo mundu ali mu ba nga kiti kibyale ha butambi lyoꞌlwiji, kinali mu kizi tongeka ku kyanya kyakyo. Ibyasi byakyo, bitâye bogame. Na ngiisi byo ali mu gira, biri mu múgenduukira.

Migani 11:28

Ikyanya abandu bali mu yegamira ibindu byabo, bali mu tindibuka. Si umundu mwija yehe, agaadeha nga kyasi kibishi.

Hisaaya 58:11

Nie Nahano ngakizi mùrongoora. Kundu mwangaba mutuuziri ku luumagu, ngakizi mùkania indege. Mugaaba nga ndalo yo bali mu vwomerera, munabe nga shyoko yaꞌmiiji ágatâye kame.

Hisaaya 61:3

I Sayuni, kundu abandu bakola mu yibwandalika mu munyota-kiiko, haliko agabaheereza ulushembe úlunonosiri. Na kundu bajengiirwi, agabashiiga amavuta, halinde balangashane. Na ngiisi ábagaaba bavunisiri imitima, agabashambaaza. Yabo bandu, Nahano agababyala mu ndalo yage, gira abayerekane mwoꞌbulangashane bwage, Bagakizi gira íbikwaniini, bagaanaba bakaniri ngeꞌbiti bila byeꞌmyalooni.

Yeremiya 39:18

Ku kasiisa, ngakukiza. Bwo ukambiika kwoꞌbwemeere, utagayitwa mwiꞌzibo.”» Kwokwo, kwo Nahano adesiri.

Hezekyeri 31:3

Ee ma! Uli nga kiti kiija kyoꞌmwerezi gweꞌLebanooni. Amatavi gaawe gabuyahiri bweneene, ganali mu kizi leeta ikimbehwa mu kishuka. Unashuumiri halinde mu bibungu.

Hezekyeri 47:12

Ku ngiisi ngombe yalwo, kugaamera imilala yeꞌbiti bya kwingi-kwingi, binali mu tongeka kweꞌbitumbwe byoꞌkuliibwa. Ibyasi byabyo, bitagakizi bogama, kiri neꞌbitumbwe byabyo bitâye humbuluke. Bwo bigakizi nywesibwa noꞌlwiji ukulyoka mu nyumba ya Rurema, ngiisi mwezi bigakizi tongeka buhyahya. Ibitumbwe byabyo bigaaba byokulya, neꞌbibabi byabyo bigakizi ba muti.»