Yeremiya 17:4 - Kifuliiru

⁴ Yikyo kihugo, kundu nâli mali gwanwa namùheereza kyo, si buno ngola ngamùnyaga kyo, munagendi ba baja i mahanga. Mukuba, uburaakari bwani, bukoli yasiri ngana nga muliro. Gutanâye zime, halinde imyaka neꞌmyakuula!»

Yeremiya 17:4 ပူးပေါင်းရင်းမြစ်များ

1 Baami 9:7

haaho, lyo ngashaaza Abahisiraheeri mu kino kihugo kyo nꞌgabaheereza. Kiri neꞌyi nyumba yo nꞌgataluula hiꞌgulu liꞌziina lyani, ngagijanda. Abahisiraheeri bagakizi neenwa, iri banahonyolezibwa neꞌbinyamahanga byoshi.

2 Baami 25:21

Yeyo munda i Ribila mu kihugo kyeꞌHamaati, mwami anayami bayita booshi. Kwokwo, abandi Bayuda banatwalwa i mahanga, bagendi ba baja.

Nehemiya 9:28

Kundu kwokwo, ikyanya bakaba bakoli tuuziri mu mutuula, banakizi shubi yifunda mu byaha imbere lyawe. Kwokwo, wanashubi bajanda, wanababiika mu maboko gaꞌbagoma baabo, gira babatwale. Neꞌkyanya bakashubi kutakira, wanabayuvwiriza yaho mwiꞌgulu. Ee! Ukabayuvwirwa indengeerwa, wanakizi bakiza ubugira kingi.

Hisaaya 14:3

E Bahisiraheeri, si mukoli ba baja. Munakola mu libuzibwa ngana-ngana, mu kukoleesibwa ku kahaati. Kundu kwokwo, Nahano agaki mùholeeza, anamùluhuule.

Hisaaya 30:33

Uyo mwami waꞌBahasuriya, Nahano âli mali gwanwa ashungika kwo agamújigiiviza i Topeti. Ee! Iyo munda, iri ikirimbi-rimbi, kinayisiri. Yikyo kirimbi-rimbi, kiri mwiꞌbengesheeshe lyoꞌmuliro, gunali mweꞌshaali nyingi. Yugwo muliro, Nahano agaguyasa, mu kugufuuha noꞌmuuka gwage, gunayami yaka nga lwiji úluli mwoꞌmuliro.

Hisaaya 5:25

Nahano akoli rakariiri abandu baage, anakoli bangwiri ukuboko kwage, gira abahane. Kiri neꞌmigazi ikoli gweti igajugumbana. Neꞌbirunda bikoli luuzirwi mu njira ngiꞌjolera. Kundu kwokwo, ubute bwa Nahano buki yasiri. Akoli bangwiri ukuboko kwage, gira ahaniirize abandu baage.

Hisaaya 50:11

Si mwehe mugweti mugatwana umuliro gwinyu naaho, mbu lyo mulonga ukubona! Ngahwe! Gendereragi na gwogwo, gubaagage gwo mugabiika kwoꞌmulangaaliro. Kundu kwokwo, lolagi ngiisi byo Nahano agamùhemba ubuzinda: ikyanya mugagwejera, mugalyanirwa bweneene!

Hisaaya 66:24

«Abandu baani bagakizi huluka, banagendi gwana ibitumba byo ábakahuna imbere lyani. Biyamiri biri mu liibwa neꞌbitwera íbitâye fwe. Binahiire noꞌmuliro úgutâye zime. Abandu booshi, ikyanya bagaabona kwokwo, bagahuumirwa bweneene!»

Yeremiya 12:7

Nahano ashubi detaga kwokuno: «Balya Bahisiraheeri, kundu bashuba beꞌmwani, si keera nꞌgabajanda. Na kundu bashuba katoni kaani, keera nꞌgababiika mu maboko gaꞌbagoma.

Yeremiya 15:14

Uburaakari bwo mbiiti hiꞌgulu liinyu, buyasiri bweneene, nga mbigi zoꞌmuliro. Kwokwo, mugagendi ba baja, munakizi kolera abagoma biinyu i mahanga, mu kihugo kyo mutayiji.»

Yeremiya 16:13

«“Ku yukwo, ngamùyimulaga mu kino kihugo, mugendi tuula mu kihugo kyeꞌmahanga, kyo mutayiji. Kiri na bashokuluza biinyu nabo, batâli kiyiji. Haaho, mugakizi kolera imizimu, ubushigi niꞌzuuba. Ndaganakizi mùhahala.”» Kwokwo, kwo Nahano adesiri.

Yeremiya 18:23

«E Nahano! Uyiji kwo keera bakagira igambi, kwo banyite. Ku yukwo, utabakoge ibyaha byabo. Si ubanyanyage haashi, iri unabahaniiriza ku buraakari bwawe.»

Yeremiya 2:14

«Balya Bahisiraheeri, ka bakabutirwa mu buja, halinde banakiri baja? Nanga, maashi! Aahago! Kituma kiki bakatwalwa imbohe?

Yeremiya 22:28

Nanadeta: «Uyo mwami Koniya ali nga kirugu íkikabereka naaho, kyanakabulirwa! Ndaanaye úki múloziizi. Aaho! Uyo mwami, kituma kiki bakamúyimula, mbu agende mu kihugo kyo atayiji, kuguma neꞌmbaga yage?

Yeremiya 5:19

E Yeremiya, abandu bagakizi kubuuza: “Kituma kiki Rurema Nahamwitu agweti agatuyogogoza mwene yuku?” Naawe, unabashuvye: “Si keera mukamújanda! Na kundu mukoli tuuziri mu kihugo kiinyu, halikago mugweti mugayikumba imigisi yeꞌmahanga. Kyo kitumiri yibyo binyamahanga, mukola mugagendi kizi bikolera mu kihugo kyabo.”»

Yeremiya 5:29

Nahano adetaga kwokuno: «Aaho! BwaꞌBayuda bagweti bagaagira amabi, ka bitangwiriiri kwo mbahane hiꞌgulu lyago? Abandu mwene yabo, ka bitangwiriiri kwo mbayihoole?

Yeremiya 7:20

Rurema Nahamwitu, adetaga kwokuno: «Yaka kaaya, ngakayonera mwoꞌburaakari bwani. Nganabuyonera ku bandu, na ku bitugwa, kiri na ku biti, na ku mimbu. Yubwo buraakari bwani, bugayaka nga muliro, ndaanaye úwangabuhoohya.»

Kimombo 1:12

Akaaya keꞌYerusaleemu, kanadeta: «Mweshi, mwe muli mu lenga hano! Kituma kiki mutatwaziizi gano malibu gaani? Keera Nahano akandakarira, maashi! Aahago! Ka keera mukabona agandi malibu ágali nga gano geꞌmwani?

Kimombo 5:2

Ngiisi byo tukahyana, ibinyamahanga keera bikatushahula byo, byanatunyaga kiri neꞌnyumba ziitu.

Hezekyeri 21:31

«Nie Rurema Nahamwinyu nadetaga kwokuno: Umulondo gwawe gwoꞌkusoosa kwiꞌtwe, noꞌlushembe lwawe lweꞌkyami, bagakuhogola byo. Mukuba byoshi bigahinduka. Ngiisi ábashuba bakulu, bakola bagabiikwa haashi. Na ábashuba bagunda, bo bakola bagakuzibwa!

Hezekyeri 7:24

Ngaleeta banakuhambwa ukulyoka mu mahanga, gira bayiji hyana inyumba zaꞌbandu baani. Na kwakundi, ahandu haabo hoꞌkuyikumbira hagayulubazibwa. Kwokwo, kwoꞌbwikangaate bwabo, bugaamala.

Bukengeeze 28:25

«Nahano agaaleka abagoma biinyu bamùhime. Ikyanya mugagendi bateera, mugagenda mu njira nguma. Halikago, ikyanya mugabatibita, mugashabukira mu njira zirinda. Abandu baꞌmaami gooshi geꞌkihugo, ikyanya bagaabona kwokwo, bagayami lenga mweꞌkinyukura.