Yeremiya 17:18 - Kifuliiru

¹⁸ Balya bandu, bagweti baganvindagaza. Aaho! Ubateezagye ishoni. Si ndabe nie ugaziteeza. Boohe, babe bo ugaleeza mweꞌkinyukura. Si ndabe nie gakilenga mwo! Balya bandu, ukizi bahaniiriza, unabazimiize lwoshi.

Yeremiya 17:18 ပူးပေါင်းရင်းမြစ်များ

Hayubu 16:14

Agweti agandeera-ndeera. Anagweti agandwisa nga musirikaani.

Zaburi 35:4

Ikyanya bali mu looza ukunyita, ubateezagye ishoni, unabatetereze. Ikyanya bagweti bagashungika igambi libi hiꞌgulu lyani, ubagalule kifudeete, halinde banashenguke.

Zaburi 35:8

Kwokwo, bayami shereezibwa. Yugwo mubashu gwo bakabisha, gubahukane boonyene. Ubuhya bwo bakambumbira, boonyene babutibukire mwo, banashereere.

Zaburi 40:14

E Nahano, ungizagye we kongwa! Uyiji ndabaala duba.

Zaburi 70:2

E Rurema Nahamwitu, ungize duba, we kongwa! Uvwarukage uyiji ndabaala.

Zaburi 71:1

E Nahano, keera nakutibitira. Aaho! Utandekage mbu ndeezibwe ishoni.

Yeremiya 1:17

«E Yeremiya, uyibiikage ibiringiini, uyimuke! Na ngiisi magambo gooshi go ngakutekerera, ukizi babwira go. Utagire mbu ukizi bayoboha! Mukuba iri wangabayoboha, naani ngayami kuhemula imbere lyabo.

Yeremiya 11:20

Kwokwo, nanahuuna Rurema: «E Nahano woꞌbushobozi bwoshi! Si uyamiri uli mu twa imaaja mu kati koꞌkuli, unali mu geza byaꞌbandu bafundereziizi mu mitima yabo, na mu nzaliro zaabo! Ku yukwo, ndoziizi mbonage ngiisi kwo ugabayihoola. Keera nayibiika mu maboko gaawe.»

Yeremiya 12:3

E Nahano, uyiji-yiji ngiisi byo ndi mu tona mu mutima gwani, unali mu kizi bigeza. Aahago! Yabo banangora-mabi, ubayobore, nga bibuzi íbigagendi tongeerwa. Ee! Ubahandule, unabalindirize ku kyanya bagayitirwa kwo.

Yeremiya 14:17

E Yeremiya, ugendi bwira Abayuda kwokuno: “Ku kasiisa, muli bandu baani, ninamùkuuziri. Kundu kwokwo, keera mukanyanyagwa haashi, munakola bu fwa. Ala nie! Ngakizi mùlirira ubwakya-ubwayira. Ee! Imigenge yani, itagakama.

Yeremiya 16:18

Yibyo byaha byabo, ngabiyihoola ubugira kabiri. Mukuba, keera bayulubaza ikihugo kyani, mu kukiyijuza mweꞌmigisi. Iyo migisi, si iryagagi nga birunda, bwo itali mwoꞌbugumaana! Inali mu yagazania bweneene!»

Yeremiya 17:13

E Nahano! We Abahisiraheeri babiisiri kwoꞌmulangaaliro. Halikago, ngiisi ábagakujajaaka, bagateezibwa ishoni. Ee! Ngiisi ábagakuyihandula kwo, boohe, baganyerera ngiꞌziina íriyandisirwi mu luvu. Yabo banakuhambwa, bagaaba bajaziiri Nahano, anali ye shyoko íri mu leeta ubulamu.

Yeremiya 17:16

E Nahano! Si we kambiika mbe mungere, ndanali mu kutibita. Lulya lusiku lweꞌkihano, ndaluyifwijiri mbu luhike. Aahago! Byoshi byo nâli kizi deta, wenyene ubiyiji-yiji.

Yeremiya 17:19

Nahano anambwira kwo ngendi yimanga kwiꞌrembo lyaꞌkaaya keꞌYerusaleemu, na nyimangire ku mulyango gwo mwami ali mu lenga mwo, na ngenderere halinde ku gindi yoshi,

Yeremiya 20:11

Kundu kwokwo, Nahano ayimaaziri ha butambi lyani, ali kikalage kyeꞌndwani. Ku yukwo, balya booshi ábakola mu ndibuza, bagasiitara, banayideedeke haashi. Ee ma! Bwo batashobwiri ukumbima, bagalonga ishoni, banakizi teteerwa imyakuula, halinde ishoni zaabo zitâye yibagirwe.

Bukengeeze 33:11

E Nahano, ugashaanire imisi yabo, uyemeere imikolwa yo bali mu kola. Abagoma baabo, ubatwise indege. Ábali mu bagayiriza, utaleke kwo bayinamuke.»

Bwigule 18:6

Ngiisi kwo kakagirira abandi, kube kwo niinyu mugakagirira, kiri noꞌbugira kabiri kaakwo.