Yeremiya 17:14 - Kifuliiru

¹⁴ E Nahano! Ungizagye, lyo ngira lwoshi-lwoshi. Unanguluule, lyo nguluulwa ngana-ngana. Si wehe, we ngweti ngayivuga!

Yeremiya 17:14 ပူးပေါင်းရင်းမြစ်များ

Zaburi 106:47

E Rurema Nahamwitu, utukizagye, maashi! Utukuumanie, unatulyose mu binyamahanga, gira lyo tukizi huuza iziina lyawe, kwo liri lyeru. Ee! Tugakizi yiyuvwa, mu kukuyivuga.

Zaburi 109:1

Imwoꞌmwimangizi waꞌbimbi. Izaburi ya Dahudi. E Rurema, we ngweti ngahuuza. Aahago! Utanyisunge, utanambeere nga kimeme.

Zaburi 119:94

Aaho! Ungizagye, maashi! Si ndi weꞌmwawe. Na ndoziizi ukukizi simbaha imaaja zaawe.

Zaburi 12:4

Bagweti bagakizi yikangaata, iri banahenderezania. Banali mu deta: «Tugakizi beesha ngana, halinde lyo tuhima. Nyandagi úwangaki tuhangirira? Tukizi deta naaho ngiisi kwo tuloziizi.» E Nahano, balya booshi, ubagire bahulike, shee!

Zaburi 148:14

Abahisiraheeri bo bali bataluule baage, anabakuuziri. Kyo kitumiri ali mu basikamya, halinde booshi banakizi múyivuga. Tukizi huuza Nahano!

Zaburi 54:1

Imwoꞌmwimangizi waꞌbimbi. Lulasibwe neꞌnanga zeꞌmirya. Ludesiri hiꞌgulu lyeꞌkyanya Abaziifu bakagendi bwira Sahuli, ti: «Si Dahudi abishamiri ha kati kiitu.»

Zaburi 6:2

E Nahano, ikyanya uganyerekeza, kutabe ku bute. Neꞌkyanya ugambana, kutabe ku buraakari.

Zaburi 6:3

Si indege zaani, keera zatera! Aaho! Ungejeerere, unangize. Amavuha gaani gakola mu lyanirwa.

Zaburi 6:4

Noꞌmutima gwani, gugweti gugatulagula. E Nahano, ugaahisa halinde mangoki, ugweti ugandekeerera?

Zaburi 60:5

Abandu baawe, keera ukabayingiza mu makuba bweneene. Idivaayi yo watuheereza, keera yatulalusa, na buno tukola mu bambaajira.

Hisaaya 6:10

Yaba bandu, ukizi yumuusa imitima yabo! Naꞌmatwiri gaabo, ukizi gaziba. Naꞌmasu gaabo, ukizi gabwikira. Buzira kwokwo, hali ikyanya amasu gaabo gangalonga ukubona. Naꞌmatwiri gaabo ganalonge ukuyuvwa. Naꞌmenge gaabo ganalonge ukusobanukirwa. Kwokwo, lyo bangangalukira, mbu balongage ukukira.»

Yeremiya 15:20

Yabo bandu, kundu bagakizi yiji kuteera, mbu bakulwise, si batagakuhima. Mukuba, ngakizi kusikamya, nga luzitiro úlukayubakwa neꞌmiringa. Ee! Tugayamanwa, na ngizi kukiza. Kwokwo, kwo nie Nahano ndesiri.

Yeremiya 3:23

Ku kasiisa, ikyanya twâli kizi yikumba imigisi ku tugangazi na ku migazi, lyo twâli kizi tebeka bweneene. Ku kasiisa, Rurema Nahamwitu, yehe ye mwene ubukize.

Yeremiya 30:17

E bandu beꞌSayuni, keera mukajandwa, ndaaye úmùtwaziizi. Kundu kwokwo, ngola ngaakiza inguma ziinyu, halinde munashubi ba bagumaana.» Kwokwo, kwo Nahano adesiri.

Yeremiya 31:18

«Nyuvwiti ngiisi kwaꞌBahifurahimu bakola mu yidodomba, mbu: “E Nahano! Twâli riiri nga nyana ítazi hetwa ukubetula ingata. Watuhaniiriza bweneene, halinde twanagiyiga. Aaho! Utugalulage, halinde tushubi ba bandu baawe. Si wenyene naaho, we Rurema Nahamwitu!

Yeremiya 33:6

«Kundu kwokwo, kalya kaaya, nâye ki kakize. Abatuulaga baamwo, ngabalunga inguma zaabo. Kwokwo, banashubi genduukirwa, banakizi tuula mu mutuula.

Muharuuro 12:13

Kwokwo, Musa anatakira Nahano: «E Rurema, we kongwa umúkizagye.»

Mataayo 14:30

Haliko, mbu abonage ngiisi kweꞌrya mbuusi igweti igahuusa, anayoboha, anatondeera ukuholobera. Anayamiza ti: «E Nahamwitu, ungize, maashi!»

Mataayo 8:25

Balya bigirizibwa baage banayiji músisimula, banamúbwira: «E maashi Nahamwitu, utukizagye. Si tukola tugaholobera!»

Luka 4:18

«Umutima gwa Nahano, gundi mwo! Keera akandoola kwo ngizi menyeesa abakeni Imyazi Miija. Akanduma neꞌmwaꞌbashweke, mbamenyeese kwo bagashwekuulwa. Akananduma neꞌmbumi, nzimenyeese kwo zigahumuulwa. Na ábakandamiirwi kwakundi, mbaguluule.

Bukengeeze 10:21

Yehe, ye kwaniini ukukizi yimbirwa. Mukuba, ali Rurema winyu. Ye kamùgirira ibitangaaza bya kahebuuza, binali bya kujugumya, nga kwo mwenyene mukayibonera.

Bukengeeze 32:39

«“Lolaga! Si nienyene nie Rurema! Ndaaye gundi, átali niehe naaho. Nie mu yita, na ndi nie mu lamiisa. Ndi mu yita umundu, na njubi múheereza ubugumaana. Keera namùkomeeresa. Haliko buno, ngola ngamùkiza. Ndaaye úwanganyugutula umundu mu maboko gaani.