Yeremiya 17:12 - Kifuliiru

¹² Ukulyokera ku ndondeko, inyumba ya Rurema iri mu gingikwa, nga kitumbi kyeꞌkyami. Iyo nyumba, iri mwoꞌbulangashane, hanali handu hiitu heeru.

Yeremiya 17:12 ပူးပေါင်းရင်းမြစ်များ

Zaburi 103:19

Nahano ateresiri ikitumbi kyage mwiꞌgulu, anakoli twaziri hiꞌgulu lya byoshi.

Zaburi 96:6

anayamiri ali mwoꞌlushaagwa noꞌbulangashane. Mu nyumba yage, abuyahiri bweneene mu kati koꞌbushobozi.

Hisaaya 6:1

Mu mwaka gwo mwami Huziya akafwa kwo, lyo nâli riiri mu mabone. Nanalangiiza Nahano abwatiiri ku kitumbi kyeꞌkyami, kyanâli shuumiri bweneene! Ikanju lyage lyâli kizi lembeera mu nyumba yage yoshi.

Hisaaya 66:1

Nahano adetaga kwokuno: «Igulu, kyo kitumbi kyani kyoꞌbwami. Neꞌkihugo, kyo ndi mu laaviza kwo. Aaho! Hayagi ho mugaki nyubakira inyumba? Ka hali ahandu ho nangaluhuukira?

Yeremiya 14:21

Kundu kwokwo, utakolwe mbu utujandage. Tutaloziizi kwiꞌziina lyawe lidukwe. Si we gweti úgagingikwa ku kitumbi kyawe kyeꞌkyami! Kwokwo kirya kitumbi, utaki kijamburiise, kinali noꞌbulangashane. Kirya kihango kyo tukanywana, ukikengeerage maashi, utanaki shubi kihongola.

Yeremiya 3:17

Ku yikyo kyanya, i Yerusaleemu igakizi detwa Kitumbi kya Nahano. Abandu booshi bagakuumana yo, gira bakizi ngingika. Batagaki ba mindagabika. Si amabi ágalyagagi mu mitima yabo, bagagatwikira kwo.

Hezekyeri 1:26

Mwomwo, nanabona íkiri nga kitumbi kyeꞌkyami, kigizirwi niꞌbuye liija lyeꞌsafiiri. Na ku yikyo kitumbi, kwâli bwatiiri úli nga mundu.

Hezekyeri 43:7

ti: «E mwana woꞌmundu, hano ho handu ikiti kyani kyoꞌbwami kiri, hanali ho ndi mu laaviza amagulu gaani. Abahisiraheeri, tugatuulanwa imyakuula. Kwokwo, iziina lyani, batâye ki lidwakaze. Kiri naꞌbaami baabo batagaki liyulubaza, mbu bakizi hayikumbira imigisi, kandi bahaziikira abaami baabo.

Mataayo 25:31

«Ikyanya Umwana woꞌMundu agayijaga mu bulangashane bwage, kuguma naꞌbaganda baage booshi, haaho lyo agabwatala ku kitumbi kyage kyeꞌkyami, mu kati koꞌbulangashane bwa mwiꞌgulu.

Baheburaniya 12:2

Tukizi lola ku Yesu. Mukuba, ubwemeere bwitu, buli mu múyegamira kwo, ukulyokera indondeko, halinde ukuyusa. Yenyene akagooyera, mu kuyitirwa ku kibambo. Na kundu akakilongeraga kweꞌshoni, atanazitwaza. Mukuba, âli bikiirwi ubushambaale. Na buno, akoli bwatiiri uluhande lweꞌlulyo lweꞌkitumbi kya Rurema.

Baheburaniya 4:16

Ku yukwo, tukizi yegeera ikitumbi kya Rurema buzira kyoba! Mukuba, haaho ho tuli mu gashaanirwa. Ho tunali mu bonerwa ulukogo. Neꞌkyanya tuli mu ba tugoozirwi, anatutabaale, mu kutugashaanira.

Bwigule 3:21

«Umundu, iri angahima, ngamúhanguula kwo tubwatalanwe ku kitumbi kyani kyoꞌbwami, nga kwo naani keera nꞌgahima, twanabwatalanwa na Daata ku kitumbi kyage kyoꞌbwami.