Yeremiya 16:21 - Kifuliiru

²¹ Nahano anadetaga: «Yabo bandu, bwo bali mu yigirira imigisi, buno, ngola ngabayereka ubushobozi bwani, noꞌbukalage bwani. Haaho, lyo bagaamenya kwo nie Nahano.»

Yeremiya 16:21 ပူးပေါင်းရင်းမြစ်များ

Zaburi 83:18

Balya bagoma bakizi teteerwa, banakizi yama bashengusiri. Ee! Bagendi fwira ku mbinga.

Zaburi 9:16

Ibinyamahanga, kundu bikahumba ubuhya, haliko keera bikabuyihongoleka mwo byonyene. Neꞌkyanya bakatega amakira, kiziga amagulu gaabo, go gakagwatwa mwo.

Kulyoka 14:4

Ngashubi yumuusa umutima gwa Faraho, halinde anamùbingirize. Kundu kwokwo, ngamúshereeza, kuguma naꞌbasirikaani baage, halinde lyo ndonga ubulangashane. Kwokwo, lyaꞌBamiisiri bagaamenya kwo nie Nahano.» Rurema, mbu ayuse ukudeta kwokwo, Abahisiraheeri banagakulikira inyuma.

Kulyoka 15:3

Nahano ye ndwani. Ee! Iziina lyage, ye Nahano.

Kulyoka 6:3

Nie wâli kizi hulukira ku Hiburahimu, na ku Hisake, na ku Yakobo, mu kuyiyerekana kwo ndi Rurema woꞌbushobozi bwoshi. Kundu kwokwo, yiryo iziina lyani lya Nahano, ndakabamenyeesa lyo.

Hisaaya 43:3

Niehe, nie Nahano Rurema winyu! Ndi Mutaluule waꞌBahisiraheeri, na ndi nie Lukiza winyu. «Mu kumùguluula, nꞌgatanga ikihugo kyeꞌMiisiri, kiri na kyeꞌKuushi na kyeꞌSheeba.

Yeremiya 33:2

«Niehe, iziina lyani nie Nahano. Nie kalema ikihugo. Ee! Nie kakibumba, nanakisikamya. Kwokwo, namùbwiraga:

Hezekyeri 24:24

Hezekyeri agaaba mugani gwo mugayigira kwo. Ngiisi kwo agaagira, kube kwo na niinyu mugaagira. Yago gooshi, mango gakolekaga, lyo mugaamenya ku kasiisa kwo nie Rurema Nahamwinyu.”»

Hezekyeri 24:27

«Ku lwolwo lusiku, utagaki ba kimeme. Haliko, ugatondeera ukuganuula. Kwokwo, kwo ugaaba kalangikizo imwabo, halinde nabo banamenye ku kasiisa kwo nie Nahano.»

Hezekyeri 25:14

Yabo Bahedoomu, ikyanya ngabayihoola, ngakoleesa abandu baani Abahisiraheeri, banakizi balibuza bweneene ku bute bwani. Kwokwo, kwo nie Rurema Nahamwinyu ndesiri.»

Hezekyeri 6:7

Abandu biinyu bagayitwa, banagwe haashi imbere liinyu. Kwokwo, lyo mugaamenya ku kasiisa kwo nie Nahano.

Hamoosi 5:8

Nahano ye kalema ikiso kyeꞌndonde íkiri mu buuzibwa Kirimya, neꞌHoryoni. Anagweti agalyosa ikihulu, mu kutanguula izuuba. Izuuba nalyo, mu kabigingwe ali mu lihindula kihulu. Kiri naꞌmiiji ga mu nyaaja mbamu, ali mu gakuumania, anashubi gayonera mu kihugo nga nvula. Iziina lyage, ye Nahano!