Yeremiya 15:15 - Kifuliiru

¹⁵ Nanashuvya: «E maashi Nahano, unyiji bwija. Unayijagi ngiisi kwo ngweti ngateezibwa ishoni hiꞌgulu lyawe. Aaho! Ungengeerage, unakizi mbahala. Balya bagoma baani, ubahaniirize. Si iri wangabayigenderera, hali ikyanya bangakengeera banyita.

Yeremiya 15:15 ပူးပေါင်းရင်းမြစ်များ

Nehemiya 13:22

Haaho, nanabwira Abalaawi kwo batee yiyeruusa, babuli gendi langa imiryango yaꞌkaaya, gira ulusiku lweꞌSabaato lukizi simbahwa. «E Rurema wani, bwo nâli kizi gira kwokwo, ungengeere, maashi! Ungejeerere, ukukulikirana noꞌrukundo lwawe.»

Nehemiya 13:31

Nanababwira ngiisi kwo baganakizi leeta ishaali iwa katanda ku kyanya íkishungisirwi. Bakizi kuumania niꞌtomola lyeꞌmimbu. E Rurema wani, ungengeere maashi! Ndonge ukukizi gashaanirwa.

Nehemiya 5:19

«E Rurema wani, ubwini ngiisi kwo nâli kizi tabaala yaba bandu. Ungengeere, maashi!»

Nehemiya 6:14

«E Rurema wani, ukizi kengeera ngiisi kwo Tobiya na Sanibalati bakagira. Ukengeere noꞌmuleevi-kazi Nowadiya, kuguma naꞌbandi baleevi. Yabo booshi, si bâli loziizi naaho ukunyobohya.»

Hayubu 10:7

Uyiji-yiji kwo ndagweti buhube. Kundu kwokwo, ndaanaye úwangangiza mu maboko gaawe.

Zaburi 102:24

Ala nie! Kundu ngiri musore, haliko Rurema keera akanvuna indege. Isiku zaani, keera akaziniihya kwo.

Zaburi 106:4

E Nahano! Ikyanya ugakizi tabaala abandu baawe, na naani, ukangengeere, unandabaale.

Zaburi 119:84

Si nie mukozi wawe. Aahago! Ngagooyera halinde mangoki? Balya ábagweti bagandibuza, ugabahana kihe kiki?

Zaburi 17:3

Ngiisi íbiryagagi mu mutima gwani, ubiyiji bwija. Keera wandanduula bushigi, wanangera, wanabona kwo ndaabwo buligo úbundi mwo. Keera nꞌgahiga kwo ndagaahuba mu kudeta.

Zaburi 39:13

E Nahano, uyuvwagwe ngiisi kwo ngweti ngakuhuuna. Ee! Uyuvwirize ngiisi kwo ndi mu kulirira. Ikyanya wayuvwa amalira gaani, utayigire nga bitwitwi. Si ngoli tuuziri nga muhinjuka. Nduuziri nga kinyamahanga, nga kwo bashokuluza biitu nabo bâli tuuziri.

Zaburi 44:22

nga keera ukamenya. Mukuba, we mu menya íbiyifundereziizi mu mitima yitu.

Hisaaya 38:3

«E Nahano, nakuyinginga ukengeerage ngiisi kwo nâli kizi kukolera mu kati koꞌbwemeera, na ku mutima gwani gwoshi. Ee! Ukengeere ngiisi kwo nâli kizi gira íbikwaniini imbere lyawe.» Haaho, Hezekiya anagwatwa neꞌkifufu, analira.

Yeremiya 12:3

E Nahano, uyiji-yiji ngiisi byo ndi mu tona mu mutima gwani, unali mu kizi bigeza. Aahago! Yabo banangora-mabi, ubayobore, nga bibuzi íbigagendi tongeerwa. Ee! Ubahandule, unabalindirize ku kyanya bagayitirwa kwo.

Yeremiya 15:10

Haaho, nie Yeremiya nanadeta: «Ala nie! E maawe, kituma kiki ukambuta? Si abandu booshi bagweti bagandongooza! Si bali mu nduka, ndaanagwo mwenda gwoꞌmundu mbiiti. Na naani kwakundi, ndaaye mundu yeshi úgumbiiti.»

Yeremiya 15:20

Yabo bandu, kundu bagakizi yiji kuteera, mbu bakulwise, si batagakuhima. Mukuba, ngakizi kusikamya, nga luzitiro úlukayubakwa neꞌmiringa. Ee! Tugayamanwa, na ngizi kukiza. Kwokwo, kwo nie Nahano ndesiri.

Yeremiya 17:16

E Nahano! Si we kambiika mbe mungere, ndanali mu kutibita. Lulya lusiku lweꞌkihano, ndaluyifwijiri mbu luhike. Aahago! Byoshi byo nâli kizi deta, wenyene ubiyiji-yiji.

Yeremiya 18:23

«E Nahano! Uyiji kwo keera bakagira igambi, kwo banyite. Ku yukwo, utabakoge ibyaha byabo. Si ubanyanyage haashi, iri unabahaniiriza ku buraakari bwawe.»

Yeremiya 20:11

Kundu kwokwo, Nahano ayimaaziri ha butambi lyani, ali kikalage kyeꞌndwani. Ku yukwo, balya booshi ábakola mu ndibuza, bagasiitara, banayideedeke haashi. Ee ma! Bwo batashobwiri ukumbima, bagalonga ishoni, banakizi teteerwa imyakuula, halinde ishoni zaabo zitâye yibagirwe.

Yeremiya 20:12

E Nahano woꞌbushobozi bwoshi! We mu geza ábakwaniini. Uli mu loleekeza íbiyifundereziizi mu mitima yabo, kiri na mu menge gaabo. Kwokwo, ngoli yibiisiri imwawe, gira umbulanire. Yabo bagoma, lekaga mbone ngiisi kwo ugabayihoola.

Yeremiya 20:8

Ngiisi kyanya ndi mu deta, na nyami yitulikania ku nduulu, mbu: «Emwe! Kiteero neꞌmishaabo!» Yizo ndumwa za Nahano, ikyanya ndi mu zimenyeesa abandu, bali mu nduka, iri banajambura.

Kimombo 3:64

E Nahano! Ubanyihoolerage, ukukulikirana naꞌmabi gooshi go bakangolera.

Kimombo 3:66

Ikyanya ugaaba ukoli barakariiri, ubalandirize, unayami bazimiiza, bataki boneke mu kihugo.

Mataayo 10:22

Abandu booshi, banakizi mùshomba hiꞌgulu liꞌziina lyani. Kundu kwokwo, iri umundu angahebera halinde ukuheza, agakizibwa.

Mataayo 19:29

«Umundu, iri angaba asiga inyumba hiꞌgulu lyani, kandi iri asiga beene wabo, kandi iri baali baage, kandi iri yishe, kandi iri nyina, kandi iri baana baage, kandi iri ndalo, uyo, ku ngiisi byo akasiga, agayakiira ubugira kali igana. Na ha nyuma, analonge ukulama imyaka neꞌmyakuula!

Luka 21:17

Na ábagasigala, abandu booshi bagakizi bashomba hiꞌgulu lyani.

Barumi 12:19

E bakundwa baani! Mutakizi yihoola! Si muleke Rurema akabe ye gamùyihoolera ku buraakari bwage. Mukuba, biyandisirwi kwo Nahano adesiri kwokuno: «Niehe, nie mwene ukuyihoola, nganaki yihoola.»

Barumi 8:35

Aahago! Biki íbyangaki tuhandula noꞌrukundo lwa Kirisito? Ka kuhahazibwa? Ka makuba? Ka kulibuzibwa? Ka mwena? Ka kubula ibyambalwa? Ka kuzeera ho twangasiga itwe? Ka kuyitwa?

2 Bakorindo 5:11

Bwo tuyijagi kwo Nahano akwiriiri ukuyobohwa, tugweti tugayinginga abandu bweneene kwo bamúyemeere. Rurema atuyiji bwija nga ngiisi kwo tuli. Na ndangaliiri kwo na niinyu mukoli tuyiji bwija mu mitima yinyu.

2 Timoteyo 4:14

Halegizandere, ulya mutuzi weꞌmiringa, akangirira buligo bweneene! Nahano agaki múhaniiriza ngana.

Bwigule 18:20

We igulu, ushambaalage! Mukuba, keera kashereera! Na niinyu mwe ndumwa, kuguma naꞌbaleevi, naꞌbandi bandu ba Rurema booshi, niinyu mushambaale kwakundi! Mukuba, kundu yako kaaya kâli kizi mùgirira amabi, haliko, keera Rurema akatwira ulubaaja hiꞌgulu lyago.

Bwigule 6:10

Iyo mitima yabo, yanateerera umulaga kwokuno: «E Nahano woꞌbushobozi bwoshi! Ulyagagi mweru, unali woꞌkuli. Aaho! Ugalindirira halinde mangoki ukatuyihoolere, mu kutwa imaaja zaꞌbandu beꞌkihugo? Si bo bakatuyita!»

Batwi beꞌmaaja 16:28

Uyo Samusooni, anahuuna Nahano kwokuno: «E Nahano woꞌbushobozi bwoshi, yaba Bafirisiti, bo bakanjobola amasu. Aaho! Ungengeere, maashi Rurema. Nakuyinginga umbiike mweꞌmisi lyerino liguma naaho, gira ndonge ukubayihoola kinaliguma.»