Yeremiya 14:7 - Kifuliiru

⁷ Abandu bakola mu yigaya, ti: «E Nahano, íbitumiri twagooka kwokuno, biri hiꞌgulu lyeꞌbyaha biitu. Mukuba, tukoli kuhubiiri, naꞌmahube giitu galuguusiri imbere lyawe. Kundu kwokwo, ugirage ututabaale we kongwa, halinde iziina lyawe likizi lumbuuka!

Yeremiya 14:7 ပူးပေါင်းရင်းမြစ်များ

Hizira 9:15

«E Nahano Rurema waꞌBahisiraheeri, wehe we úkwaniini. Si twehe, nanga! Si tukola banamahube imbere lyawe. Tunakoli sigiiri bandu bagerwa naaho. Hiꞌgulu lyaꞌmahube giitu, ndaaye muguma witu úwangayimanga imbere lyawe.»

Zaburi 115:1

E Nahano, tutali twe tukwaniini ukulonga ulushaagwa. Si wehe we lukwaniini. Mukuba, we mwija, unali mwemeera.

Zaburi 25:11

Kwokwo, e Nahano, bwaꞌmabi gaani gali mingi, ungogage kwiꞌziina lyawe.

Zaburi 79:9

E Rurema, Lukiza witu, ututabaale, we kongwa, halinde wenyene ukizi gingikwa. Utukoge ibyaha biitu, unatuguluule, halinde iziina lyawe likizi yivugwa.

Hisaaya 48:11

Na íbitumiri nꞌgagira kwokwo, biri hiꞌgulu lyani nienyene, gira ndayiji gwanwa natukwa. Kiri noꞌbulangashane bwani, ndangabushangiira neꞌmizimu.»

Hisaaya 59:12

E Nahano, twâli kizi kola amabi imbere lyawe. Ibyaha biitu biyerekiini kwo twahuba, binagweti bigatulega. Yibyo byoshi, tubiyiji-yiji ku bweranyange.

Yeremiya 10:19

Abandu i Yerusaleemu, ti: «Ala nie! Ngoli komeresiri bweneene! Neꞌkihando kijajagusiri ngana-ngana! Ndaakwo kundi! Yago malibu, ngwiriiri ngagooyere naaho.

Yeremiya 2:19

Aahago! Keera mukabihuuka, munakoli ba banangora-mabi. Kwokwo, mukolaga mugaahanwa, gira mulonge ukuyiga. Kundu nie Rurema Nahamwinyu, si keera mukanjanda, mutanaki nzimbahiri. Kyo kitumiri mukayikululira ubuhanya, mwanayingira mu makuba. Kwokwo, kwo nie Rurema Nahamwinyu woꞌbushobozi bwoshi ndesiri.

Yeremiya 3:25

«Ku yukwo, bikwiriiri ishoni zituyizingage kwo, zinatudeedeke haashi. Mukuba, tweshi na bashokuluza biitu, twâli kizi gira ikyaha imbere lya Rurema Nahamwitu. Ukulyokera ubwanuke bwitu halinde buno, ndaaye úkamúsimbaha.»

Yeremiya 3:6

Ku kyanya mwami Yosiya âli twaziri, lyo Nahano akambwira: «Ka ubwini ngiisi kwoꞌmuhemu Hisiraheeri agweti agaagira? Si ali mu gendi yikumba imigisi ku marango, na mwiꞌdako lya ngiisi kiti íkidohiri.

Yeremiya 5:25

Kundu kwokwo, yago miija gooshi, ibyaha biinyu keera bikagahangirira. Byo binatumiri ndaabyo mugweti mugalonga.

Yeremiya 5:6

Kyo kitumiri indare mu kishuka zigakizi yiji bateera. Kiri neꞌmirunga ikolaga igakizi yiji basimbukira kwo. Ingwi zikoli bateziri ha nyuma lyaꞌkaaya. Ikyanya umundu ali mu gira mbu ahuluke, zinayami mújanganula. Na íbitumiri biryagagi kwokwo, bwaꞌBayuda bâli kizi yifunda mu byaha, banakizi huna imbere lya Nahano.

Yeremiya 8:14

Abandu ba Rurema banabuuza: «E balya, kituma kiki tuki bwatiiri hano? Leka tugendi yingira mu twaya tuzitire, mube mwo tugaafwira. Si keera tukahubira Rurema Nahamwitu! Keera anatwa uluhango, kwo atuminike. Keera atuheereza amagoloovi ágali mwo kolobwe, mbu tunywe.

Yeremiya 8:5

Aahago! Yaba bandu beꞌYerusaleemu boohe, kutagi keera bakajanda injira ítungiini? Si bakola mu vujuuka mu binyoma, iri banalahira kwo batagangalukira.

Hezekyeri 20:14

«Halikago, nanashubi shiginya ukubahaniiriza, gira iziina lyani litayiji kengeera lyagayirizibwa mu binyamahanga. Mukuba, bikayibonera ngiisi kwo nꞌgahulusa Abahisiraheeri mu kihugo kyeꞌMiisiri.

Hezekyeri 20:22

«Kundu kwokwo, nanashubi shiginya ukubahana, gira iziina lyani litayiji kengeera lyagayirizibwa mu binyamahanga. Mukuba, bikayibonera ngiisi kwo nꞌgahulusa Abahisiraheeri mu kihugo kyeꞌMiisiri.

Hezekyeri 20:9

Haliko, nanaleka ukugira kwokwo, gira iziina lyani litayiji kengeera lyagayirizibwa mu bandu beꞌgindi milala bo batuliinwi. Mukuba, yabo bandu bakayibonera ngiisi kwo nꞌgayitanga mu Bahisiraheeri, ku kyanya nꞌgabahulusa mu kihugo kyeꞌMiisiri.

Hosheya 5:5

Balya Bahisiraheeri, beene Hifurahimu, ikyanya bali mu gira ibyaha, bali mu kizi yikangaata bweneene. Binali byebyo byaha, byo bitumiri bali mu siitara. Kiri naꞌBayuda nabo, bagweti bagasiitara nga bo.

Hosheya 7:10

Bwo bagweti bagayikangaata bweneene, bakola bagaalegwa. Kundu kwokwo, batagweti bagangalukira. Batanagweti bagaagira, mbu banjakule.

Hamoosi 7:2

Zirya nzige zanayami genda zigaasivya imbuto zooshi mu kihugo. Kyanatuma ngaadeta, ti: «E Rurema Nahamwitu! Si twe beene Yakobo, tukoli sigiiri bagerwa naaho! Aahago! Nakuyinginga bweneene utukejeerere. Buzira kwokwo, tutagaki ba ho!»

Mika 7:9

Nâli gweti ngayifunda mu byaha imbere lya Nahano, kyanatuma agandakarira. Kundu kwokwo, agaki mbulanira imbere lyaꞌbatwi beꞌmaaja. Ee! Agandeetera ngiisi íbingwaniini. Hanatame, anandwale mu mulengeerwe, halinde na mbone ngiisi kwo angololera íbihengamiri.

Bahefeso 1:12

Na bwo tukashungikirwa kwo tube ba mbere mu kubiika Kirisito kwoꞌmulangaaliro, tukwaniini tukizi huuza Rurema, tunamúheereze ubulangashane!

Bahefeso 1:6

Na bwo Rurema akatubonera ulukogo lwaꞌkahebuuza mu kati ka Kirisito, Umwana wage mukundwa, kyo kitumiri tugweti tugamúhuuza.

Bukengeeze 32:27

Haliko nꞌgayoboha kwaꞌbagoma baabo baganjekeereza. Banganakengeera bayiteba, ti: ‘Nahano atali ye kabaminika, Si twe tukabahima.’

Yoshwa 7:9

Abakaanani, kuguma naꞌbatuulaga booshi ba mu kino kihugo, mango bayuvwa kwokwo, bagayami tusokanana, banatuminike tweshi. Aaho! Kutagi kwo ugaki yerekana kwiꞌziina lyawe liri noꞌbushobozi?»