Yeremiya 14:19 - Kifuliiru

¹⁹ Yeremiya anashubi deta: «E Nahano, yabo Bayuda, ka wayami bajanda lwoshi-lwoshi? Ewe! Ka ukoli shombiri abatuulaga beꞌSayuni? Kituma kiki ukayami tubeza inguma, halinde tutanakire? Kundu twâli langaaliri kwo tugaramba mu butoge, si ndaabwo twalonga. Twâli langaliiri kwo tugaakira, kiziga lyo twamu lengaga mweꞌkinyukura.

Yeremiya 14:19 ပူးပေါင်းရင်းမြစ်များ

2 Kutondobola 36:16

Kundu kwokwo, iri balya bahanuuzi bakabakengula, balya bandu banakizi bashekeereza, ti honyo! Kiri naꞌbaleevi baage, banakizi batuka. Iri hakatama, Nahano anabarakarira. Na bulya buraakari bwage, ndaaye mundu úwangahasha ukubuhoohya.

Hayubu 30:26

Aahago! Ikyanya naani nâli langaliiri kwo ngagirirwa amiija, si bakangalulira ubuligo naaho! Kundu nâli lindiriiri umulengeerwe, ikihulu kyanaba kyo kigangwata.

Zaburi 78:59

Rurema, iri akayuvwa ngiisi kwaꞌBahisiraheeri bagweti bagaadeta, anaraakara bweneene, anabajanda lwoshi-lwoshi.

Zaburi 89:38

Kiri noꞌmwezi, nga kwo kali kamasi kemeera mwiꞌgulu, kwo na kwokwo ubwami bwage bugagenduuka.»

Migani 29:1

Umundu, iri angayerekezibwa ubugira kingi, atanatwaze, masaasa atabukwa, agayami vunika, ataganaki shubi lunga.

Yeremiya 12:7

Nahano ashubi detaga kwokuno: «Balya Bahisiraheeri, kundu bashuba beꞌmwani, si keera nꞌgabajanda. Na kundu bashuba katoni kaani, keera nꞌgababiika mu maboko gaꞌbagoma.

Yeremiya 12:8

Na kundu nâli mali batoola, haliko bakoli gweti bagandundumira, nga ndare za mu lubako. Kwokwo, ngoli bashombiri ngana-ngana!

Yeremiya 15:1

Ha nyuma, Nahano anambwira: «Yabo Bayuda, ndangaki bakejeerera, kundu Musa na Samweri bangayijiri, banabahuunire imwani. Aahago! Bayami na njaaga mu masu! Ubabwire kwo bagendage.

Yeremiya 15:18

Aahago! Kituma kiki ngi yamiri ndi mu libuuka? Na kituma kiki inguma zaani zikalahiraga ukukira? Si ubutabaazi bwawe, buli naaho nga shyoko yaꞌmiiji íkoli kamiri!»

Yeremiya 30:12

Nahano adetaga kwokuno: «Inguma ziinyu zikayiri bweneene, halinde zitangabukwa mbu zikire.

Yeremiya 30:13

Ndaanaye úgamùbulanira, ndaanagwo muti gwoꞌkumùbuka mwo inguma ziinyu. Ku yukwo, ndaagwo mulangaaliro muhiiti kwo mugaakira.

Yeremiya 51:5

Nie Nahano woꞌbushobozi bwoshi, na ndi nie Rurema waꞌBahisiraheeri naꞌBayuda. Yabo bandu baani, ndakabajanda, kundu bâli kizi mbubira, na ndi nie Mutaluule waꞌBahisiraheeri.»

Yeremiya 6:30

Kyo kitumiri bagakizi detwa kwo iri iharija íyajajaakwa. Mukuba, Nahano keera akabajajaaka.»

Yeremiya 7:29

Nahano adetaga kwokuno: «E batuulaga beꞌYerusaleemu! Mukunguule imishaku yinyu, munagikabulire, munazamuukire ku marango, gira mugendi bululukira yo. Mukuba yaba bandu, keera bakandaakaza. Kwokwo naani, keera nꞌgabajanda.»

Yeremiya 8:15

Twâli langaliiri kwo tugalonga umutuula, halinde tulonge ukukira, tunagenduukirwe. Kundu kwokwo, ndaabyo twalonga. Si byo tukalongaga naaho, kiri kihuumula.

Yeremiya 8:22

E balya! Kituma kiki inguma zaꞌbandu baani zitazi kira? Mu kihugo kyeꞌGiryadi, ka mutalyagagi umuti gwoꞌkuzilunga? Ka ndaaye mufumu úki ba mwo?

Kimombo 2:13

E Yerusaleemu! Kuti kwo nangaki deta hiꞌgulu lyawe? Si ndaakyo nangakushushaania! E kaaya keꞌSayuni! Kutagi kwo ngalonga ukukuholeeza? Nga kweꞌnyaaja iyisiri bweneene, kwo na kwokwo naawe ukoli sherebiiri ngana-ngana, ndaanaye úwangaki kukiza.

Kimombo 2:22

Maama wee! Ku lusiku lwo wâli rakiiri, ukalaalika banakuhambwa ukulyoka imbande zooshi, banayiji tujengeeza. Wâli nga wabalaalika ku lusiku lukulu, bayiji tulya. Mu bandu baawe, ndaaye úkafuuka. Balya baana booshi, keera bakayitwa, kundu nꞌgabalera, nanâli bakuuziri.

Kimombo 4:17

Twâli kizi langiiza, tulole iri abandu beꞌkindi kihugo bangayiji tutabaala, kundu tukalangiiza bweneene, ndaabo ábakaboneka.

Kimombo 5:22

Aaho! Ka keera wayami tulahira lwoshi-lwoshi? Ka uki turakariiri halinde ku kino kyanya?

Mika 1:12

Abandu beꞌMarooti, kundu bagweti bagalindirira kwo batabaalwe, si bagalonga ubululu naaho. Ikihano kya Nahano, kigahikira halinde ku nyiivi zeꞌYerusaleemu.

1 Batesaloniki 5:3

Neꞌkyanya abandu bagaaba bakiri mu deta: «Tuli noꞌmutuula, tuli noꞌbutoge», lyeryo lyo bagayami shereezibwa. Bigaaba nga kwoꞌmukazi weꞌnda ali mu yami hikirwa noꞌmukero. Yabo bandu batagafuushuka, kiri neꞌhiniini!