Yeremiya 14:12 - Kifuliiru

¹² Na kundu boonyene bangayishalisa, ndagaki yuvwa amahuuno gaabo. Kundu bangandangira amatuulo goꞌkusiriiza, kiri naꞌgandi matuulo, ndagaki gayakiira. Si ngabaminika ku ngooti, na kwiꞌshali, na ku kiija.»

Yeremiya 14:12 ပူးပေါင်းရင်းမြစ်များ

Hayubu 27:9

Ikyanya bagayiji gwatwa naꞌmakuba, Rurema atagayuvwiriza ikimboloogo kyabo.

Migani 1:28

Ku yikyo kyanya, mugakizi mbamagala, ndaganamùyitaba. Na kundu mugakizi ndooza, haliko mutagambona.

Migani 15:8

Amatuulo ga banangora-mabi, Nahano agashombiri. Si amahuuno gaꞌbandu ábatungiini, gali mu músimiisa.

Migani 21:27

Banangora-mabi, ituulo lyabo liri kyagaza, neꞌngingwe, ku kyanya liri mu tangwa neꞌshungi mbi!

Migani 28:9

Iri umundu angalahira mbu atagayuvwa imaaja, kiri neꞌkyanya ali mu tabaaza Rurema, ali mu múyagaza.

Hisaaya 58:3

Yabo bandu bagweti bagayidesa kwokuno: “Kundu tushuba mu yishalisa, si utatutwaziizi. Aaho! Kamaro kaki ko twalonga? Kundu tugweti tugayibiika haashi, si utatubwini.”» Kundu kwokwo, Nahano adetaga kwokuno: «Ikyanya mugweti mugayishalisa, si mugweti mugayihahalira mwenyene, munabe mugweti mugalyalyania abakozi biinyu.

Yeremiya 11:11

«Ku yukwo, nie Nahano nadetaga kwo ngola ngashereeza Abayuda. Mu kati kaabo, ndaanaye úgafuushuka. Na kundu bagandakira, halikago ndagabatwaza.

Yeremiya 11:14

«Kwokwo, e Yeremiya! Yabo bandu, utakizi bahuunira imwani, utanakizi balirira. Si kundu bangagoorwa, banandakire, halikago ndangabayuvwa.»

Yeremiya 15:1

Ha nyuma, Nahano anambwira: «Yabo Bayuda, ndangaki bakejeerera, kundu Musa na Samweri bangayijiri, banabahuunire imwani. Aahago! Bayami na njaaga mu masu! Ubabwire kwo bagendage.

Yeremiya 16:4

Baguma, ikiija kigabaminika. Ndaanaye úgabalirira, kandi iri kubaziika. Abandi bagayitwa mwiꞌzibo, kandi iri kwiꞌshali. Ibirunda byabo, bigaaba mijande-mijande nga nagiira. Bigayiji liibwa noꞌtunyuni, neꞌnyamiishwa.»

Yeremiya 21:6

Mu yako kaaya kiinyu, ngayita mwaꞌbandu, kiri neꞌbitugwa, ku njira yeꞌkiija.

Yeremiya 24:10

Na naani kwakundi, ngakizi balibuza naꞌmazibo, niꞌshali, neꞌkiija. Balya booshi, ngabazimiiza, batanaki yimbwe mu kihugo, kundu nâli mali gwanwa nabaheereza kyo, bo na bashokuluza baabo.”»

Yeremiya 32:24

«“Lolaga! Abababeeri keera bayiji sokanana inzitiro zaꞌkaaya, banaziyubaka kweꞌnyingo, gira bashonere kwo, banakagwate. Yoho wee! Kano kaaya, kagateerwa kwiꞌzibo, na kwiꞌshali, kiri na ku kiija. Ubuzinda, kanahaabwe Abababeeri, nga kwokulya ukagwanwa watanga ubuleevi.

Yeremiya 6:20

E bandu beꞌBuyuda, kituma kiki muki gweti mugandeetera umubadu ukulyoka i Sheeba? Na kituma kiki mukiri mu gendi nzeehera amalaasi i mahanga? Kundu mwangakizi nziriigiza amatuulo geꞌbitugwa ku katanda, haliko, ndagaki gayemeera! Mukuba, gataki nzimisiizi.»

Yeremiya 8:13

«Imimbu yinyu, ngamùsaagiza yo. Ku matavi geꞌmizabibu, ndaayo mugaki longa kwo. Neꞌbiti byeꞌmitiini, kwo na kwokwo. Kiri neꞌbyasi byabyo, bigayumaguka. Ngiisi byo nâli kizi mùheereza, ngabizimiiza lwoshi.» Kwokwo, kwo Nahano adesiri.

Yeremiya 9:16

Nahano woꞌbushobozi bwoshi, adetaga kwokuno: «Yaga magambo, mugirage mugayitoneese kwo! Munalaalike abakazi ábayiji ukulira ku mabiihe, banabe ngana bayiji umukolwa gwabo.

Hezekyeri 14:19

«Yikyo kihugo, hali ikyanya nangaleetaga mweꞌkiija. Na hiꞌgulu lyoꞌbute, ninaminike abandu booshi, kiri neꞌnyamiishwa.

Hezekyeri 14:21

Rurema Nahamwitu adetaga kwokuno: «Kalya kaaya keꞌYerusaleemu, ngakahana ku bihano bina bikayu: kwiꞌzibo, na kwiꞌshali, na ku nyamiishwa ndangi, na ku kiija. Kwokwo, lyo ndonga ukuminika abandu baamwo, kiri neꞌnyamiishwa.

Hezekyeri 8:18

Yago mabi gaabo, go gatumiri ngabahana ku buraakari bwani. Naani ndagaki bakejeerera, kandi iri kubalekeerera. Kundu bangandakira kwiꞌzu lihamu, ndagabatwaza.»

Hosheya 5:6

Bagweti bagakizi sholera ibitugwa byabo, banagendi bitanga ituulo imwa Nahano. Kundu kwokwo, batali mu múbona, bwo keera akabayiyogookola.

Hamoosi 5:21

Nahano adetaga kwokuno: «Iri ndi mu bona ngiisi kwo mugweti muganaaka-naaka ku siku ziinyu ngulu, ndi mu yami zishomba bweneene! Nyamiri nzinegwiri ngana.

Mika 3:4

Aahabi! Mugweti mugakizi takira Nahano, gira amùtabaale. Kundu kwokwo, atagamùyakula. Bwo mwâli kizi gira ibitalaalwe, akolaga agamùbisha amalanga gaage!

Zakariya 7:13

Anakyulaga, ti: «Ikyanya nꞌgabahamagalaga, batanandwaza, kyanatuma nabo, ikyanya bakandabaaza, ndanabayakula.

Malaki 1:10

«Nangaloziizi bweneene, kwo muguma winyu angayigiiri inyiivi zeꞌnyumba ya Rurema. Kwokwo, lyo yago matuulo mazira kamaro, mutalonge ubulyo bwoꞌkukizi gayakiriza umuliro ku katanda. Haliko mwehe, ndaki siimiri ukumùbona. Kiri naꞌmatuulo go mugweti mugandangira, nago, ndagagayakiira. Kwokwo, kwo nie Nahano woꞌbushobozi bwoshi, ndesiri.

Malaki 2:13

Halyagagi neꞌlindi igambo lyo mukoli gweti mugaagira, linali lyerino: Galya matuulo go mugweti mugatangira Nahano, ikyanya atali mu gayemeera, muli mu yami bululuka, iri munayijuza akatanda kaage kweꞌmigenge yinyu.

Bwigule 6:8

Nanalangiiza, nanabona ifwarasi yeꞌkivuuzo! Na úwâli gishoniri kwo, iziina lyage ye Narufu. Âli kulikiirwi na Nakuzimu. Yabo bombi, banahaabwa ubushobozi bwoꞌkuyita ikihande kiguma kya kana kyaꞌbandu booshi ba mu kihugo, kuba ku njira yeꞌngooti, kandi iri ku mwena, kandi iri ku kiija, kandi iri ku nyamiishwa.