Yeremiya 13:20 - Kifuliiru

²⁰ «E bandu beꞌYerusaleemu, mulegamire, mulangiize bwija. Si abagoma biinyu bakola mu yija, ukulyoka uluhande lweꞌmbembe. Balya bandu bo Rurema akamùsikiiriza mbu mukizi balanga, mwanakizi yiyuvwa hiꞌgulu lyabo, buno balyagagi hayi?

Yeremiya 13:20 ပူးပေါင်းရင်းမြစ်များ

Migani 14:28

Mwami ahundwa naꞌbandu. Si iri angabula abandu, iri ubwami bwage bufwiri.

Yeremiya 1:14

Nahano, ti: «Yeyo munda imbembe, yo igalyokaga gobwe-gobwe, inashabukire ku bandu booshi ba mu kino kihugo.

Yeremiya 1:15

Abandu ba mu yago maami gooshi geꞌmbembe, ngola ngababerangira. Abaami baabo bagayiji tereka ibitumbi byabo byoꞌbwami hoofi neꞌnyiivi zaꞌkaaya keꞌYerusaleemu. Yako kaaya, banakasokanane. Kiri noꞌtundi twaya twoshi tweꞌBuyuda, banatuteere. Kwokwo kwo nie Nahano ndesiri.

Yeremiya 10:22

Yuvwagwi! Umwazi gwayija! Abasirikaani ukulyoka imbembe, bayiji teera utwaya tweꞌBuyuda. Yutwo twaya, bagatusiga ishamba limaata, linabe igomberano lyeꞌmirunga!»

Yeremiya 13:17

Keera namùkengula. Haliko, iri mutangandwaza, munabe mukiri noꞌbwikangaate, iri ngakizi kungumira i mutima mu kumùlirira. Ikyanya mugatwalwa imbohe, mwe bandu ba Nahano, ngaliruuka ngana, imigenge yani inakereke.

Yeremiya 23:2

Nahano Rurema waꞌBahisiraheeri ashubi detaga kwokuno: «E bimangizi, yabo bandu baani, mukaleka ukukizi balanga. Si mukabajajaaka, halinde banashaabuka. Bwo mwagiraga ibala mwene yiryo, ngamùhaniiriza.»

Yeremiya 25:37

Yizo ndangiriro, kundu zishuba mwoꞌmutuula, haliko, Nahano keera azihindula, libe ishamba limaata. Akoli rakiiri bweneene!

Yeremiya 6:22

Nahano adetaga kwokuno: «Langiizi! Abasirikaani bakola mu lyoka imbande zeꞌmbembe. Bali mulala úguhimbiri, banalyosiri mu mbeka zeꞌkihugo.

Habakuki 1:6

Ngola ngashimya Abababeeri, kwo bali bandu bazira kimino, banateeziri ikyoba. Bagweti bagalenga-lenga mu mahanga gooshi, iri banagaaza ibihugo bya beene.