Yeremiya 13:17 - Kifuliiru

¹⁷ Keera namùkengula. Haliko, iri mutangandwaza, munabe mukiri noꞌbwikangaate, iri ngakizi kungumira i mutima mu kumùlirira. Ikyanya mugatwalwa imbohe, mwe bandu ba Nahano, ngaliruuka ngana, imigenge yani inakereke.

Yeremiya 13:17 ပူးပေါင်းရင်းမြစ်များ

Zaburi 119:136

Si abandu batali mu simbaha imaaja zaawe! Kyo kitumiri imigenge igweti iganvukumuka mu masu nga migezi.

Zaburi 80:1

Izaburi ya Hasafu, imwoꞌmwimangizi waꞌbimbi. Luli mu yimbwa neꞌnanga.

Hisaaya 63:11

Iri hakatama, yabo Bahisiraheeri banakengeera ngiisi kwo Rurema akagira yaho keera, mu siku za Musa. Banakizi yibuuza: «E balya, si Nahano ye kajabula Abahisiraheeri inyaaja, kuguma neꞌbirongoozi byabo! Aaho! Buno, alyagagi hayi? Si ye wâli kizi biika Umutima gwage Mweru mu kati kaabyo!

Yeremiya 14:17

E Yeremiya, ugendi bwira Abayuda kwokuno: “Ku kasiisa, muli bandu baani, ninamùkuuziri. Kundu kwokwo, keera mukanyanyagwa haashi, munakola bu fwa. Ala nie! Ngakizi mùlirira ubwakya-ubwayira. Ee! Imigenge yani, itagakama.

Yeremiya 15:17

Ikyanya abandu bâli kizi yifunda mu bitalaalwe, ndâli kizi bayibiika kwo. Si nâli kizi bwatala nienyene, iri na mbona buligo hiꞌgulu lyeꞌbyaha byabo.

Yeremiya 17:16

E Nahano! Si we kambiika mbe mungere, ndanali mu kutibita. Lulya lusiku lweꞌkihano, ndaluyifwijiri mbu luhike. Aahago! Byoshi byo nâli kizi deta, wenyene ubiyiji-yiji.

Yeremiya 22:5

«“Halikago, nie Nahano nadeta kwokuno: iri mutangakizi ndwaza, nabiika indahiro kwiꞌziina lyani, kweꞌno nyumba yinyu yoꞌmulimbo, ngagihindula bibe biguuka.”

Yeremiya 23:1

Nahano adetaga kwokuno: «Yayewe imweꞌbirongoozi byaꞌbandu baani! Kundu balyagagi bangere baabo, haliko, bagweti bagabashereeza, iri banabashaabula.»

Yeremiya 23:2

Nahano Rurema waꞌBahisiraheeri ashubi detaga kwokuno: «E bimangizi, yabo bandu baani, mukaleka ukukizi balanga. Si mukabajajaaka, halinde banashaabuka. Bwo mwagiraga ibala mwene yiryo, ngamùhaniiriza.»

Yeremiya 9:1

«Yaba bandu baani, balyagagi bahuni, banali bashule. Aahago! Nangaloziizi ukubajanda, na nyigendere, ngendi tuula haꞌbageezi bali mu shumbika mwiꞌshamba.

Kimombo 1:16

Bwo keera nꞌgalonga yago malibu gooshi, ngweti ngaliruuka. Imigenge ikola mu mbunguluka mwo. Ndaaye úwangamboleeza, ndaanaye úwangambeereza ikise. Bwaꞌbagoma bakoli tuhimiri, abaana baani bataki hiiti umulangaaliro.»

Kimombo 1:2

Emwe! Yerusaleemu ali mu laala ubushigi bwoshi, agweti agabululuka, halinde amatama gaage gakola mu hinga kweꞌmigenge. Mu bakundwa baage, ndaaye úwangamúholeeza. Kiri naꞌbiira baage booshi, bakoli múheziizi ingoto, banakoli ba bagoma baage.

Kimombo 1:9

Kundu ibitalaalwe byage byâli kizi múkululira umwama, si atâli kizi gutwaza. Kyanatuma agayiyulubaza bweneene. Kwokwo, ikyanya akayihongoleka haashi, ndaaye úkayiji múholeeza. Akolaga mu yinginga Nahano, ti: «E Nahano, langiiza ngiisi kwo nalonga ubuhanya! Si abagoma keera bambima!»

Kimombo 2:18

Abandu beꞌSayuni banatabaaza Nahano! E luzitiro lweꞌSayuni! Leka imigenge ikizi kuhunguluka mwo nga lwiji. Ugire ukizi lira imbere lya Nahano ubushigi niꞌzuuba! Utakizi yoherera, si ukizi bululuka ngana-ngana!

Kimombo 3:48

Bwaꞌbandu baani keera bakaminikwa, imigenge ikola mu vubuka mu masu gaani.

Hezekyeri 24:16

«E mwana woꞌmundu, kundu uvunikiiri mukaawe, haliko buno, ngola ngakunyugutula ye. Na kundu agakinduka, utakolwe kwo waba noꞌmwizingeerwe mbu ulire, kandi iri utonia kiri noꞌmugenge.

Hezekyeri 34:31

«“Mwe bandu baani, munali bibuzi byani. Ngweti ngamùhahalira. Na ndi nie Rurema winyu Kwokwo, kwo nie Rurema Nahamwinyu ndesiri.”»

Hezekyeri 36:38

halinde binabe katundu. Bigaaba nga kwo byâli riiri ku kyanya bâli kizi bitwala i Yerusaleemu ku siku ngulu. Na kundu utwaya twinyu twâli riiri tumaata, haliko tugashubi yijula mwaꞌbandu bingi. Kwokwo, lyo bagaamenya ku kasiisa, kwo nie Nahano.»

Hezekyeri 9:4

anamúbwira kwokuno: «Ugende ugalenga-lenga mu kaaya keꞌYerusaleemu, unabiike akalangikizo ku malanga gaꞌbandu booshi ábali noꞌmwizingeerwe, banakola mu lira hiꞌgulu lyeꞌbyagaza byoshi íbiri mu koleka mwo.»

1 Samweri 15:11

«Nayishuhiza, bwo nꞌgayimika Sahuli kwo abe mwami. Lolaga, ngiisi kwo keera anjanda. Ngiisi byo ngweti ngamúbwira, atakiri mu bisimbaha.» Iri Samweri akayuvwa kwokwo, anashenguka bweneene, anatondeera ukuhuuna Nahano, bwanakya aki gweti agamútakira.

1 Samweri 15:35

Ukulyokera ku yulwo lusiku, Samweri atanaki shubi bonaana na Sahuli, halinde ku lusiku lwo Sahuli akashaaja kwo. Kundu kwokwo, Samweri âli yamiri agweti agalirira Sahuli bweneene. Nahano anayishuhiza bwo akayimika Sahuli, abe mwami waꞌBahisiraheeri.