Yeremiya 12:16 - Kifuliiru

¹⁶ Yaho keera, bikayigiriza abandu baani ukubiika indahiro kwiꞌziina lyoꞌmuzimu Baali. Haliko ikyanya ngabigalulira imwabo, lyo bigaagira umwete gwoꞌkuyiga bwija ngiisi kwaꞌbandu baani bali mu nyikumba, binakizi biika indahiro kwiꞌziina lyani, ti: “Nga kwo Nahano ayamiri ho.” Aaho! Iri byanganyemeera, nabyo bikabuli tuulanwa naꞌbandu baani, binagenduukirwe.

Yeremiya 12:16 ပူးပေါင်းရင်းမြစ်များ

Lwimbo Lwija 1:8

«Yewe! We nonosiri ngana-ngana, ukuhima abakazi booshi. Neꞌri utangamenya áhali iheema lyani, ugirage ukulikire umukulubuzo gweꞌbibuzi, unagendi ragirira ibyanahene byawe hoofi naꞌmaheema gaꞌbangere.

Hisaaya 2:3

Yugwo mugazi, abingi baabo bagakizi guyija kwo, iri banadeta: «Muyije tuzamuukire ku mugazi gwa Nahano, halinde mu nyumba ya Rurema wa Yakobo! Mango twahika, agatuyigiriza injira zaage, halinde tukizi zikulikira.» Iyo munda i Sayuni, yaꞌmigirizo hiꞌgulu lya Nahano gagakizi lyoka. Ee! Igambo lya Nahano, haaho i Yerusaleemu ho tugaliyigirizibwa.

Hisaaya 42:6

«Niehe, nie Nahano. Keera nanakubwira kwo ukizi kulikira íbikwaniini. Ngakugwatira ku kuboko, mu kukulanga. Ku njira yawe, nganywana ikihango naꞌbandu baꞌmahanga gooshi, iri na ngizi batanguulira.

Hisaaya 45:23

Keera nꞌgabiika umuhango, nanabiika indahiro kwiꞌziina lyani, kwo ngiisi mundu âye ki fukame imbere lyani, anadete kwo nie Rurema. Yiri igambo, nalideta ku njira íkwaniini, litanâye ki hinduke.

Hisaaya 49:6

Nahano akambwira kwokuno: «Uli noꞌmukolwa gwoꞌkungalulira Abahisiraheeri. Ee! Ngiisi ábasigala, we gabagalula. Kutanali kwokwo naaho. Ngakubiika ube mulengeerwe na mu binyamahanga, halinde balya booshi, ubayereke injira yo bangakizibwa mwo.»

Hisaaya 65:16

Ikyanya abandu bagalooza ukugashanirana, bagakizi koleesa iziina lya Rurema woꞌkuli. Neꞌkyanya bagakizi biika indahiro, bagakizi koleesa lyeryo iziina. Amalibu gaabo ga keera, gagaaba keera gayibagirwa. Nienyene ngagalyosa lwoshi-lwoshi.

Yeremiya 16:19

E Nahano! Wenyene we mu kizi nzikamya. We na luzitiro lwani. Ikyanya ndi mu longa amakuba, we ndi mu tibitira mwo. Abandu baꞌmahanga gooshi, bagakizi kuyijira, iri banadeta: «Bashokuluza biitu bâli kizi yikumba imigisi, kundu ndaako kamaro kooshi yâli bahitiiri.

Yeremiya 18:8

Kundu kwokwo, iri bangatwikira ku mabi gaabo, lyoki ndangaki baminika nga kwo nâli mali gwanwa nashungika.

Yeremiya 3:17

Ku yikyo kyanya, i Yerusaleemu igakizi detwa Kitumbi kya Nahano. Abandu booshi bagakuumana yo, gira bakizi ngingika. Batagaki ba mindagabika. Si amabi ágalyagagi mu mitima yabo, bagagatwikira kwo.

Yeremiya 4:2

Munambiikire indahiro kwiꞌziina lyani, ti: “Nga kwo Nahano ayamiri ho”. Neꞌri mwangadeta kwokwo mu kati koꞌkuli, lyeꞌgindi milala igakizi gashaanirwa. Inakizi mùhuuza hiꞌgulu lya byoshi byo muli mu gira.»

Yeremiya 5:2

Yabo bandu bali mu biika ndahiro, ti: «Nga kwo Nahano ayamiri ho.» Kundu kwokwo, iyo ndahiro yabo, iri mu ba ya bibeesha.

Yeremiya 5:7

Nahano adetaga kwokuno: «E batuulaga beꞌYerusaleemu, kituma kikagi nangaki mùkejeerera? Si kiri naꞌbaana biinyu keera bakanjanda! Banakola mu kizi biika indahiro kwiꞌziina lyeꞌmigisi, itanakwiriiri ukuyikumbwa. Kundu nâli kizi mùheereza ngiisi íbyâli kizi mùgoora, halikago mwanakizi yifunda mu bushule. Mwanâli kizi shiiba mu nyumba zaꞌbashule.

Yeremiya 6:16

Nahano adetaga kwokuno: «Muyimange mu mashangaaniza, muloleekeze bwija. Irya njira nyiija ya kare, mubuuze ngiisi ho iri. Ee! Irya njira nyiija, ibe yo mugakizi lenga mwo. Iri mwangagira kwokwo, lyo mugaluhuuka. Haliko, balya bandu banashuvya: “Iyo njira nyiija, twalahira, kwo tutagagikulikira.”

Sefaniya 1:5

Ngashereeza ngiisi ábagweti bagashonera ku nyumba, mbu bafukamire izuuba, noꞌmwezi, neꞌndonde. Si bali mu kizi biika indahiro kwiꞌziina lyani, banakizi biika igindi kwiꞌziina lyoꞌmuzimu Mirikomu!

Zakariya 1:6

«Ikyanya nꞌgagwanwa nakengula yabo bashokuluza biinyu ku bigaki yiji ba, byoshi byanakoleka, nga ngiisi kwo nꞌgababwira. Kyanatuma bagatwikira ku ngesho zaabo mbi, banadeta: “Ala twe! Ngiisi kwo Nahano akagwanwa atukengula, kwo byanakoleka. Keera akatuhana, ukukulikirana neꞌngesho ziitu mbi.”»

Zakariya 2:11

E bandu beꞌYerusaleemu, mwe mukahungira i Babeeri! Muvwarukage maashi, gira muyifuuse!»

Barumi 11:17

Abahisiraheeri bali ngeꞌkiti kyoꞌmuzehituuni íkiri mu ndalo, keera kyanakoonyolwa kwaꞌmatavi. Na mwehe, muli ngiꞌtavi lyoꞌmuzehituuni gwa mu kishuka, mwanayiji nanikwa ku kiti kya mu ndalo, ha kati kaꞌgandi matavi gaakyo. Na buno, mukola mu longa imisi ku malembo gaakyo.

Barumi 14:11

Biri nga kwo biyandisirwi mu Mandiko Meeru, kwokuno: «Nahano adetaga kwokuno: “Nga kwoku nyamiri ho, kwo na kwokwo ngiisi mundu agaki fukama imbere lyani, iri anadeta kwo nie Rurema.”»

1 Bakorindo 3:9

Kwokwo, tulyagagi bakozi ba Rurema, tunali mu kola twe naye. Na niinyu, mwe ndalo yage. Na kwakundi, mwe nyumba yage.

Yoshwa 23:7

«Abandu beꞌgindi milala ábaki sigiiri mu kihugo, mutakizi bakombeera. Naꞌmaziina geꞌmigisi yabo, mutakolwe mbu mukizi gakoleesa. Mutakizi gabiika kweꞌndahiro, mutanakizi giyikumba. Kiri noꞌkugadeta, mutakizi gadeta.

Ruuti 3:13

«Ku yukwo, buno bushigi bwoshi, ubeerage hano. Na kusheezi kare-kare, tugaalola iri angayemeera ukukuguluula. Neꞌri angayemeera, bwija. Halikago, iri angalahira, ku kasiisa nga kwo Nahano ayamiri ho, ngakukiza. Kwokwo, utee laala hano, halinde shesheezi.»