Yeremiya 11:3 - Kifuliiru

³ na kwo mbabwire kwokuno: «Nie Nahano Rurema waꞌBahisiraheeri, nadetaga kwo yiki kihango, ngiisi útagakisimbaha, agaaba adaasirwi.

Yeremiya 11:3 ပူးပေါင်းရင်းမြစ်များ

Yeremiya 17:5

Nahano ashubi detaga kwokuno: «Ngiisi úbiisiri umulangaaliro ku bandu, anabe ali mu yihega ku bushobozi bwabo, iri adaasirwi. Mukuba, agaaba akoli jaaziri Nahano mu mutima gwage.

Yeremiya 22:9

Abandi, ti: “Íbitumiri Rurema Nahamwabo akakahana kwokwo, mbu abatuulaga baamwo bakahongola ikihango kyo bâli mali nywana bo naye. Banakizi gendi yikumba imizimu, iri banagikolera.”»

Yeremiya 31:32

Kitaganaki ba nga kirya kyo nꞌgatangi nywana na bashokuluza baabo, ku kyanya nꞌgabarongoora noꞌkuboko kwani, mu kubalyosa i Miisiri. Mukuba kundu nâli bakuuziri, nga kwoꞌmushosi ali mu kunda mukaage, halikago kirya kihango, bakakihongola.» Kwokwo, kwo Nahano adesiri.

Yeremiya 48:10

Umundu, iri atangakoleesa ingooti yage mu kuminika Abamohabu, akwaniini adaakwe! Ee! Byo Nahano adesiri, ngiisi úgabiyolohera akwiriiri adaakwe.

Bukengeeze 27:26

«Umundu, iri angaba atali mu kulikiriza imaaja za Rurema, atanali mu zisimbaha, adaakwe. Abandu booshi banashuvye, ti: “Ee! Bikizi ba kwokwo.”»