Yeremiya 10:16 - Kifuliiru

¹⁶ Mukuba iyo migisi, Rurema wa Yakobo yehe atali nga yo. Si ye kalema ibindu byoshi, anatoola Abahisiraheeri kwo babe bo bandu baage. Iziina lyage, ye Nahano woꞌbushobozi bwoshi!

Yeremiya 10:16 ပူးပေါင်းရင်းမြစ်များ

Zaburi 119:57

E Nahano, wehe we mutuli gwani. Keera nꞌgakulagaania kwo ngakusimbaha.

Zaburi 135:4

Nahano yenyene, ye katoola beene Yakobo, babe bandu baage. Ee! Akatoola Abahisiraheeri, babe beꞌmwage.

Zaburi 142:5

Ngweti ngalooza woꞌkuyiji ndabaala, haliko, ndaaye úndwaziizi. Ndaanaye úli mu mbahala, ndaanaho nangatibitira.

Zaburi 33:6

Nahano akabumba igulu, mu kudeta naaho. Kirya kyanya akalibumba, anabumba na íbiriri kwo byoshi.

Zaburi 73:26

Amagala gaani, noꞌmutima gwani, kundu biri mu yoloha, haliko, Rurema ye mu ngania. Ye misi yani, anali weꞌmwani, halinde imyaka neꞌmyakuula.

Zaburi 74:2

Aaho! Ukengeerage ngiisi kwo ukaguluula abandu baawe yaho keera. Si ukatukiza, bwo tuli mulala gwawe, tunali buhyane bwawe! Ukengeere naꞌkaaya kaawe Sayuni, halya wâli tuuziri mu kihugo.

Kulyoka 19:5

«“Na buno, iri mwangakizi nzimbaha lwoshi, munabe musimbahiri neꞌkihango kyani, lyo mugaaba bandu baani. Mukuba mu mahanga gooshi, mwe nꞌgatoola. Yago mahanga gooshi, kundu gali geꞌmwani,

Kulyoka 34:9

anadeta: «E Nahano, iri nangaba keera nalonga ulukogo imbere lyawe, nakuyinginga, uyije tugendanwe. Kundu yabo bandu balyagagi banduuvwa, haliko ukoge ubuligo bwabo, kiri neꞌbyaha byabo. Unatuyakiirage nga bandu baawe.»

Migani 16:4

Nahano ali mu koleesa ngiisi igambo, ukukulikirana neꞌshungi zaage. Kiri na banangora-mabi, ababikiiri ulusiku lwo agabahana kwo.

Hisaaya 19:25

Nahano woꞌbushobozi bwoshi, agabagashaanira kwokuno: «E Bamiisiri, mukolaga bandu baani. Na niinyu mwe Bahasuriya, nꞌgamùbumba nienyene. Kiri na niinyu, mwe Bahisiraheeri! Muli beꞌmwani. Kwokwo, mweshi mukoli gashaniirwi!»

Hisaaya 45:7

Nie kalema umulengeerwe neꞌkihulu. Nie mu gira umundu abe muhiirwa, kandi muhanya. Birya byoshi, nie mu bigira, bwo nie Nahano.

Hisaaya 47:4

Lukiza witu ali mu buuzibwa Nahano woꞌbushobozi bwoshi, anali ye Rurema Mutaluule waꞌBahisiraheeri.

Hisaaya 47:6

Balya bandu baani, nꞌgatee barakarira, nanabahana mu kuleka bagwatwe mu maboko gaawe. Naawe, utanabakejeerera. Kiri naꞌbashaaja mu kati kaabo, wanakizi babetuza imiteekerwa mizito-mizito.

Hisaaya 51:15

Nie Rurema Nahamwinyu. Ndi mu kunduza inyaaja, halinde imidunda yayo inakizi lunduma. Iziina lyani, nie Nahano woꞌbushobozi bwoshi.

Hisaaya 54:5

Si Rurema ye kakulema, ye nakolaga yibalo. Iziina lyage, ye Nahano woꞌbushobozi bwoshi! Yoyo Mutaluule waꞌBahisiraheeri, ye mu kuguluula. Ye nali mu buuzibwa Rurema waꞌMahanga gooshi.

Yeremiya 10:12

Nahano ye kabumba ikihugo ku bushobozi bwage. Ye kanakisikamya ku bwitegeereze bwage. Anakoleesa ubwenge bwage mu kuyanuula igulu.

Yeremiya 10:6

E Nahano, ndaaye úkuhisiri kwo. Mukuba, uli mukulu bweneene. Niꞌziina lyawe lyo liri mwoꞌbushobozi.

Yeremiya 31:35

Rurema, iziina lyage ye Nahano woꞌbushobozi bwoshi! Ye mu yasa izuuba ku bukiiri. Ye nali mu yasa umwezi neꞌndonde bushigi. Ali mu kizi yehuula imidunda, inakizi yipukula ku ngombe yeꞌnyaaja.

Yeremiya 32:18

Uli mu ba ukuuziri abandu bweneene, halinde ku bibusi bihumbi. Si ikyanya bali mu ba bakuhubiiri, uli mu haniiriza kiri naꞌbaana baabo. Ee! Uli Rurema mukulu, unali kikalage. Niꞌziina lyawe, we Nahano woꞌbushobozi bwoshi!

Yeremiya 33:2

«Niehe, iziina lyani nie Nahano. Nie kalema ikihugo. Ee! Nie kakibumba, nanakisikamya. Kwokwo, namùbwiraga:

Yeremiya 46:18

«Nie Nahano woꞌbushobozi bwoshi, nie na Mwami, nabiika indahiro: Nga kwo nyamiri ho, umugoma akola agayiji mùteera. Alyagagi mula ngoꞌmugazi Taboori, anali nga kwoꞌmugazi Karimeeri guli ku nyaaja.

Yeremiya 50:34

Kundu kwokwo, niehe, iziina lyani nie Nahano woꞌbushobozi bwoshi. Nie gaguluula abandu baani ku bushobozi bwani, halinde ndeete umutuula mu kihugo kyabo. Halikago, Abababeeri boohe, ndaagwo mutuula gwo bagalonga.»

Yeremiya 51:19

Haliko, Rurema wa Yakobo, yehe atali nga yo. Si ye kalema ibindu byoshi, anatoola Abahisiraheeri kwo babe bo bandu baage! Iziina lyage, ye Nahano woꞌbushobozi bwoshi.

Kimombo 3:24

Ndi mu yibwira kwokuno: «Ngiisi íbiri byeꞌmwa Nahano, ngaki bihyana. Kyo kitumiri ngakizi múbiika kwoꞌmulangaaliro.»

Hamoosi 4:13

Nahano ye kalema imigazi. Ye nali mu husiisa imbuusi. Ngiisi byo ali mu ba ashungisiri ukugira, ali mu gwanwa abimenyeesa abandu. Ali mu hindula izuuba lyoꞌmusasa, bube bushigi. Anali mu hinyata-hinyata ku marango. Iziina lyage, ye Nahano Rurema woꞌbushobozi bwoshi!

Zakariya 2:12

Nahano woꞌbushobozi bwoshi, akanduma mu kati koꞌbulangashane, kwo ndete hiꞌgulu lya yibyo binyamahanga, kundu bikamùshahula ibindu, ti: «Ku kasiisa, ngiisi úgamùhuma kwo, iri ahuma ku mboni yiꞌsu lyani.

Bukengeeze 32:9

Haliko, Abahisiraheeri bo bandu baage. Yabo beene Yakobo bali beꞌmwage.