Yeremiya 10:15 - Kifuliiru

¹⁵ Ndaako kamaro ko ihiiti. Si iri ya kuhonyoleza naaho. Ikyanya Nahano agagihana, igaahera lwoshi!

Yeremiya 10:15 ပူးပေါင်းရင်းမြစ်များ

Zaburi 115:9

E Bahisiraheeri, mukizi biika umulangaaliro imwa Nahano. Si ye mu mùtabaala, ye na siribo yinyu!

Hisaaya 41:24

Aahabi! Ku kasiisa, mulyagagi tufwa-busha! Ndaanahyo íhiteerwa ku shinda hyo mwangahasha. Ngiisi úgweti úgakizi mùyikumba, si akoli ba kyagaza naaho!

Hisaaya 41:29

Aahabi! Iyo migisi yoshi, si iri yeꞌbibeesha naaho! Imikolezi yayo iri ndaayo. Iryagagi mimaata naaho, nga mbuusi!»

Hisaaya 57:12

Yago mabi, kundu mugweti mugaatona kwo biri biija, haliko ndaabyo gagamùyungula.

Yeremiya 10:11

Yabo banamigisi, mugendi babwira kwokuno: «Iyo migisi, itali yo ikalema igulu neꞌkihugo. Si igamalaga lwoshi, itanaki boneke mu kihugo, kandi iri mwiꞌgulu.»

Yeremiya 10:8

Yabo banamigisi, booshi balyagagi bahwija, binali bizeeze. Ngiisi byo bali mu yigiriza, bishaaziri naaho mu migisi íri mu baajwa mu biti.

Yeremiya 14:22

Irya migisi yaꞌgandi mahanga, si itashobwiri ukuniesa invula! Ikyanyaanya kyonyene, kitangaginiesa. Si we Rurema Nahamwitu, we gweti úgakizi giniesa! Kwokwo, we tugweti tugabiika kwoꞌmulangaaliro.»

Yeremiya 18:15

Halikago abandu baani, boohe, keera bakanyibagira. Bagweti bagayokera imizimu umubadu. Injira nyiija yo bâli tuuziri mwo, keera bakagijanda, banakola mu vujuuka mu mishodoko.

Yeremiya 43:12

«“Imbeero zeꞌMiisiri zooshi, mwami Nebukandeneza agazisingoola. Neꞌmigisi yazo, agagitwala i Babeeri. Ubugale bwabo, agabukumbulula, nga kwoꞌmungere ali mu londoola inda ku mulondo. Neꞌkyanya agataaha, agagenda bwija, buzira kuhahazibwa.

Yeremiya 50:2

«Mukizi menyeesa ibinyamahanga indumwa, buzira kubibisha umwazi. Muyimusagye irembera, mu kubamenyeesa kwaꞌBababeeri bagwatwa imbira. Imigisi yabo igateezibwa ishoni, halinde inavungulwe. Iyo migisi yabo Beeri, na Merodaaki, igateteerwa, inahuumirwe bweneene.

Yeremiya 51:18

Ndaako kamaro ko ihiiti. Si iri ya kuhonyoleza naaho. Ikyanya Nahano agagihana, igaahera lwoshi.

Yeremiya 8:12

Ikyanya bali mu gira ibitalaalwe, ka biri mu bateera ishoni? Aahabi! Si boohe, ndaazo shoni bahiiti, kiri neꞌhiniini. Kiri noꞌkuteteerwa ndaakwo! Ikyanya ngaahana abandi, nabo ngabanyanyaga haashi. Ee! Bagaagwa mu yeyo nguuke.» Kwokwo, kwo Nahano adesiri!

Yeremiya 8:19

Yuvwagwi ngiisi kwaꞌbandu baani bakola mu lira, kiri na ábali mu mahanga. Bali mu buuza, ti: «Ka Nahano ataki tuuziri mu kaaya keꞌSayuni? Ee! Ye mwami wamwo! Ka atakiri mwo?» Nahano anashuvya: «Aahago! Kituma kiki bakandaakaza, mu kukizi yibaajira imigisi ya íbiri mu yikumbwa mu mahanga, inali ya busha-busha?»

Hosheya 9:7

E Bahisiraheeri! Isiku zo mugaahanwa kwo, keera zahikaga. Kikola kyanya kyoꞌkuyihoola ibyaha biinyu. Yizo siku, mwe Bahisiraheeri mukwiriiri muzimenye bwija! Bweꞌbyaha biinyu bikoli luguusiri, munakoli shombiini bweneene, kyo kitumiri mugweti mugaadeta kwokuno: «Si abaleevi bakoli sirehiri! Abakozi ba Rurema, bakola mu deta íbitali nga byo!»

Yona 2:8

E Nahano, iri nꞌgabonaga kwo ngola ngaafwa, nanakukengeera. Nanayami kutabaaza, kwo uli mu nyumba yawe ndaluule.

Zakariya 13:2

Nahano woꞌbushobozi bwoshi, adetaga kwokuno: «Ku kirya kyanya, ngashaaza imigisi mu Bahisiraheeri. Kiri naꞌmaziina gaayo, gagayibagirwa lwoshi-lwoshi. «Ngazimiiza abaleevi beꞌbibeesha, kiri neꞌmizimu íri mu bakoleesa.

Mikolezi 14:15

«E bashosi, lekagi maashi, mwe kongwa mwe! Si na nyiitu tuli bandu nga mwe! Tunali mu mùmenyeesa Imyazi Miija, gira mutwikire ku magambo mwene yaga ga busha-busha! Munabaagage bandu ba Rurema úli mugumaana. Si ye kabumba igulu, neꞌkihugo, neꞌnyaaja, na íbibiri mwo byoshi.

Bukengeeze 32:21

Ikyanya bakakolera imigisi yabo, itanali ye Rurema, lyo bakanvyula mwoꞌluugi. Bakandaakaza neꞌmigisi yabo ya busha-busha. Ku kasiisa, ngola ngagashaanira abandi bandu, halinde nabo bayuvwe uluugi. Emwe! Ngabayagaza, mu kugashaanira ugundi mulala, gunali muhwija.

1 Samweri 12:21

«Si imigisi, bwo iri mizira kamaro, yohe mukizi gitwikira kwo. Mukuba, itangamùgashaanira, itanganamùkiza. Si iri tufwa-busha naaho.

1 Samweri 5:4

Iri hakaba shesheezi kandi, banagwana kandi gulya mugisi Dagooni gukoli gwiri buubi imbere lyaꞌKajumba ka Nahano. Leero, itwe lyagwo, kiri naꞌmaboko gaagwo, byâli nongosiri, byanalambama ha kisimba-lyango. Hanasigala naaho ikimbiri-mbiri.