Yeremiya 10:12 - Kifuliiru

¹² Nahano ye kabumba ikihugo ku bushobozi bwage. Ye kanakisikamya ku bwitegeereze bwage. Anakoleesa ubwenge bwage mu kuyanuula igulu.

Yeremiya 10:12 ပူးပေါင်းရင်းမြစ်များ

Ndondeko 1:1

Ku ndondeko, Rurema akabumba igulu neꞌkihugo.

Ndondeko 2:5

mu kihugo, ndaayo mbuto íyâli zaazi mera, ndaanakyo kindu kiri neꞌkiguma íkyâli zaazi ba ho. Mukuba, Nahano Rurema atâli zaazi niesa invula. Hatanâli riiri umundu woꞌkulima idaho.

1 Kutondobola 16:26

Birya abandu beꞌmahanga bali mu yikumba, si iri migisi naaho! Haliko Nahano ye kabumba igulu,

Hayubu 26:7

Rurema ye kabiika ikyanyaanya, uluhande lweꞌmbembe, ananagania ikihugo áhatali kindu.

Hayubu 37:18

Ku yikyo kyanya, Rurema ali mu tabika ibyanyaanya binaleete ikyengenye nga kilolero kyeꞌmiringa. E Hayubu, ka wangagira kwokwo?

Hayubu 9:8

«Rurema yenyene ye katabika igulu, anakizi fina hiꞌgulu lyeꞌmidunda yeꞌnyaaja.

Zaburi 104:2

E Nahano, umulengeerwe gukusokaniini nga kyambalwa, unagweti ugayajuula igulu ngiꞌheema.

Zaburi 104:24

E Nahano, ngiisi byo uli mu gira, biri katundu. Ibiremwa byawe byoshi, ukabibumba ku bwitegeereze. Na buno, bikoli yijwiri mu kihugo.

Zaburi 119:90

Kiri noꞌbwemeera bwawe, bugenderiiri halinde mu bibusi byoshi. Buli ngeꞌkihugo. Mukuba, ukabumba ikihugo yaho keera, kinakiri ho.

Zaburi 24:2

Kino kihugo, akakitereka áhali amiiji mingi. Haaho, ho akakisikamya.

Zaburi 33:6

Nahano akabumba igulu, mu kudeta naaho. Kirya kyanya akalibumba, anabumba na íbiriri kwo byoshi.

Zaburi 65:7

Uyiheeziizi ubushobozi buhamu bweneene. Kiri neꞌmigazi, wanagibiika ahandu haayo.

Zaburi 78:69

Haaho, ho akayubakira inyumba yage. Yanâli shuumiri ngeꞌmigazi. Yanâli sikamiri, gira ikizi yama ho imyaka neꞌmyakuula, ngeꞌkihugo kyonyene.

Zaburi 93:1

Nahano ye mwami! Anayamiri ayambisirwi ubulangashane nga mirondo. Nahano anali ye mwene ubushobozi bweneene. Keera akasikamya ikihugo kyoshi, bitanâye zige kwo kishaganibwe.

Migani 3:19

Ku njira yoꞌbwitegeereze, Nahano akabumba indaliro zeꞌkihugo. Na bwo âli kizi sobanukirwa, lyo akalonga ukusikamya igulu.

Migani 30:4

Aaho! Nyandi úkazamuukira mwiꞌgulu anashubi yija hano mu kihugo? Nyandi úkafumbata imbuusi? Nyandi úkaboha amiiji mu mulondo? Nyandi úkabiika imbibi zeꞌkihugo? Uyo, iziina lyage ali nyandi? Na mugala wage, iziina lyage ye nyandi? Iri wangaba umúyiji, umúmbwire.

Hisaaya 37:16

«E Nahano woꞌbushobozi bwoshi, Rurema waꞌBahisiraheeri, we bwatiiri ku kitumbi kyeꞌkyami, ha kati ka bamakerubi. Wenyene naaho we twaziri amaami gooshi geꞌkihugo. Mukuba, we kalema ikihugo niꞌgulu.

Hisaaya 40:22

Rurema ayamiragi abwatiiri hala, hiꞌgulu lyeꞌkihugo. Ikyanya ali mu langiiza abandu, bali mu boneka ngaꞌmahaazi naaho! Ali mu tanuula igulu ngiꞌheema, gira akizi lituula mwo.

Hisaaya 42:5

Nahano Rurema ye kalema igulu, analiyajuula. Ye kanagangaaza ikihugo na íbikimeziri mwo, ye nali mu heereza abandu baamwo ubugumaana. Kiri neꞌbindi biremwa, Nahano ye mu bibiika mwoꞌmuuka, binabe bigumaana. Nahano adetaga kwokuno:

Hisaaya 44:24

Nahano, Lukiza wawe, akakubumba mu nda ya nyoko. Anadetaga kwokuno: «Ibindu byoshi, nie kabibumba. Ee! Nienyene nie katabika igulu, nanabumba neꞌkihugo.

Hisaaya 45:12

Kundu kwokwo, nie kalema ikihugo, na booshi ábakituuziri mwo. Kiri niꞌgulu, nie nꞌgalitabika naꞌmaboko gaani, nanaliyijuza indonde kandaharuurwa.

Hisaaya 45:18

Nahano Rurema, ye kabumba igulu, neꞌkihugo, anabisikamya. Na íbitumiri akagiraga kwokwo, kutali mbu kituule kimaata. Nanga, maashi! Si akabumba abandu kwo bakituule mwo, anadetaga kwokuno: «Nie Nahano, ndaanaye gundi.

Hisaaya 48:13

Indaliro zeꞌkihugo, nie kazibiika naꞌmaboko gaani nienyene. Kiri niꞌgulu, nie kalitabika. Ikyanya ndi mu bihamagala, binayami nyitaba.

Hisaaya 49:8

Nahano adetaga kwokuno: «Ku kyanya íkikwaniini, ngakuyuvwa. Na ku lusiku lwoꞌbukize, ngakutabaala. Ngakizi kulanga, unabe we ganywaniisa abandu baani ikihango. Unayubakulule ikihugo, halinde abandu banashubi tuula mwo.

Yeremiya 10:13

Ikyanya ali mu kyula, amiiji mwiꞌgulu gali mu yami yigusha haguma, Ali mu kuumania ibibungu hooshi mu kihugo. Ku kyanya kyeꞌnvula, analyamuze ikiryamu. Anahuuse neꞌmbuusi ukulyoka mu bihinda byage.

Yeremiya 10:16

Mukuba iyo migisi, Rurema wa Yakobo yehe atali nga yo. Si ye kalema ibindu byoshi, anatoola Abahisiraheeri kwo babe bo bandu baage. Iziina lyage, ye Nahano woꞌbushobozi bwoshi!

Yeremiya 14:22

Irya migisi yaꞌgandi mahanga, si itashobwiri ukuniesa invula! Ikyanyaanya kyonyene, kitangaginiesa. Si we Rurema Nahamwitu, we gweti úgakizi giniesa! Kwokwo, we tugweti tugabiika kwoꞌmulangaaliro.»

Yeremiya 27:5

Nie kalema ikihugo ku bushobozi bwani. Nanabumba mwaꞌbandu, kiri na íbiri bigumaana byoshi. Yikyo kihugo, nanganakiheereza ngiisi ye nziimiri.

Yeremiya 32:17

“E Nahano Rurema! Ikyanya ukalema igulu neꞌkihugo, kwâli riiri ku bushobozi bwawe bweꞌkitangaaza. Ndaanabyo íbikuyabiiri.

Zakariya 12:1

Nahano anadeta igindi ndumwa hiꞌgulu lyaꞌBahisiraheeri kwokuno: «Nie Nahano nꞌgatabika igulu, nꞌganabiika indaliro zeꞌkihugo. Na kwakundi, nie gweti ngakizi biika umundu mwoꞌbugumaana.

Yohana 1:3

Ibindu byoshi, uyo Igambo ye kabibumba. Ndaanakyo kindu íkiri ho, kyo atakabumba.

Bakolosaayi 1:16

Ku njira ya Kirisito, kweꞌbindu byoshi bikabumbwa, biba bya mwiꞌgulu, kandi iri bya mu kihugo. Ye kabumba íbiri mu boneka, kiri na íbitali mu boneka, gaba maami, kandi iri matwali, kandi iri bakulu, kandi iri banabushobozi. Ee! Byoshi íbiryagagi ho, Kirisito ye kabibumba. Binali ho hiꞌgulu lyage.