Yeremiya 1:9 - Kifuliiru

⁹ Ha nyuma, Nahano anagolola ukuboko kwage, anambuma ku kanwa, anambwira: «Lolaga! Amagambo gaani, ngola mu gabiika mu kanwa kaawe.

Yeremiya 1:9 ပူးပေါင်းရင်းမြစ်များ

Hisaaya 49:2

Nahano akambumba ngoꞌmwambi úgushongosiri, abuli guyomeka mu kyubati. Anatyaza amagambo gaani, gabe muugi nga ngooti, anambisha mu kimbehwa kyeꞌkigasha kyage.

Hisaaya 50:4

Nahano Rurema akanjoboleesa ukudeta ku njiri íkwaniini. Kwokwo, ikyanya abandu bali mu ba bakoli luhiri, ndi mu bakania indege. Ngiisi shesheezi, Nahano ali mu zindukiri nvyula, ananyereke ngiisi kwo aloziizi.

Hisaaya 51:16

Keera nakuheereza amagambo, gira ukizi gadeta. Ngamùbwikira naꞌmaboko gaani, mu kumùlanga. Nie kayajuula igulu. Nie kanabiika indaliro zeꞌkihugo. Keera nanabwira abandu beꞌSayuni kwokuno: “Mwehe, mwe bandu baani.”»

Hisaaya 59:21

Nahano ashubi detaga kwokuno: «Ikihango kyo ngweti nganywana na niinyu, kyo kyekino: Umutima gwani guli hiꞌgulu liinyu, na mbiisiri amagambo gaani mu tunwa twinyu. Yago magambo gatâye mùlyoke mwo. Gatanâye lyoke kiri na mu tunwa twa bijukulu biinyu, ukulyokera buno, halinde imyaka neꞌmyakuula!»

Yeremiya 15:19

Nahano naye, ti: «Iri wangangalukira, lyo ngashubi kugalulira mu mukolwa gwawe. Neꞌri wangaleka amadambwi-dambwi, unakizi deta íbitungiini, lyo ugagaluka, unashubi ba muleevi wani. Kwokwo, lyaꞌBayuda bagakugalukira, si utali we gakizi bagwana.

Yeremiya 34:6

Yago magambo gooshi, Yeremiya anagendi gaganuulira mwami Zedekiya yaho i Yerusaleemu.

Yeremiya 36:2

«Uyabiirage ikitaabo, unakiyandike mwo ngiisi byo nꞌgakubwira hiꞌgulu lyaꞌBahisiraheeri, naꞌBayuda, naꞌbandu beꞌbindi bihugo kwakundi. Utondeerere ku kyanya Yosiya âli twaziri, halinde zeene.

Yeremiya 5:14

Nahano Rurema woꞌbushobozi bwoshi, adetaga kwokuno: «Balya bandu, bali mu deta kwo ndagabahana. Ngahwe! Amagambo go nakutekerera, gagabababula nga muliro. Bagaaba nga shaali ízikola mu singooka.»

Hezekyeri 3:10

Nahano anashubi mbwiraga kwokuno: «E mwana woꞌmundu, ngiisi magambo go ngakubwira, ugasingule mu mutima gwawe, iri unakizi gayitoneesa kwo.

Danyeri 10:10

«Haaho, nanayuvwa ukuboko kugweti kugambuma kwo, kwanandengeza, halinde nanasikamya amadwi naꞌmaboko.

Danyeri 10:16

Ha nyuma, uyo úkashusha nga mundu, anambuma ku kanwa, nanatondeera ukushubi deta. «Nanabwira uyo úwâli yimaaziri imbere lyani kwokuno: “E nahamwitu! Yaga mabone go nabona, ganjengula bweneene! Na buno, ngoli luhiri.

Muharuuro 23:5

Nahano anamúbwira ngiisi byo agaadeta, ti: «E Balaamu, ugalukire imunda Balaaki, unamúbwire ngiisi kwo nakubwira.»

Mataayo 10:19

«Ikyanya mugatwalwa mu bakulu baabo, mutakizi gerania, mbu biki byo mugaadeta, kandi iri kuti kwo mugabideta. Ku kyekyo kihe, lyo mugahaabwa ngiisi go mugaadeta.

Mariko 7:33

Uyo mundu, Yesu anatee múshaaza mu yabo baabo. Ha nyuma, anamúbiika iminwe mu matwiri. Na kandi, anatwira amate, anamúhuma ku lulimi.

Luka 12:12

Ku kyekyo kihe, lyoꞌMutima Mweru gugamùyereka ngiisi byo mukwiriiri ukudeta.»

Luka 21:15

Nienyene, ngamùheereza ubwitegeereze, kiri naꞌmagambo go mugaadeta. Kwokwo, lyaꞌbagoma biinyu batalonge ukumùyagiisa, kandi iri ukumùshona kwo.

Bukengeeze 18:16

Kwokwo, kwo mukahuuna Nahano, ku lulya lusiku lwo mwâli kuumaniri i Horebu. Mukadeta kwokuno: “Tutaki loziizi ukushubi yiyuvwirwa izu lya Nahano, Rurema witu. Tutanaki loziizi ukushubi bona yikyo kihuume kyoꞌmuliro. Iri atangabishaaza, si tugaafwa.”

Bukengeeze 18:17

«Nahano anambwira: “Yibi byo badeta, biri ukuli.

Bukengeeze 18:18

Ngabayimangikira umuleevi úli nga we, anabe ali muguma wabo. Ngamúbiika mwaꞌmagambo gaani, halinde anakizi mùbwira byoshi byo ngamúkomeereza.