Yakobo 5:20 - Kifuliiru

²⁰ Haaho, mumenyage bwija kweꞌri umundu angaba keera alyosa umunabyaha mu mahube, ali mu ba akiza umutima gwoꞌyo wabo mu lufu. Neꞌbyaha byage kundu biri bingi, biri mukogwa.

Yakobo 5:20 ပူးပေါင်းရင်းမြစ်များ

Zaburi 32:1

Izaburi ya Dahudi. Ahiriirwi, ngiisi keera úkakogwa ibyaha byage, binabe bikoli tumbikiirwi.

Migani 10:12

Ubushombani buli mu vyula imilongwe. Si urukundo lwohe, luli mu bwikira amahube.

Migani 10:2

Umundu, kundu angagungana, ndaako kamaro ka ali mu longa. Haliko, ikyanya agira íbikwaniini, lyoki ali mu kizibwa mu lufu.

Migani 11:30

Ikyanya umundu akwaniini, ali mu tabaala abaabo, anabaleetere ubugumaana. Noꞌmwitegeereza ali mu yigiriza abandi ngiisi kwo bangatuula bwija.

Migani 11:4

Kundu umundu angaba ali noꞌbugale, si ku lusiku lwoꞌkufwa, butamúhitiiri kamaro. Haliko, umundu úkwaniini, yehe, ali mu kizibwa mu lufu.

Migani 17:9

Ngiisi úli mu bwikira amahube goꞌwabo, ali mu kundana. Si ngiisi úli mu kizi gadeta, yehe, ali mu vyula ubugoma.

Yohana 5:24

«Namùbwira ukuli, kweꞌri umundu angaba ali mu yuvwa amagambo gaani, anayemeerage na Rurema, ulya úkanduma, iri agaalama imyaka neꞌmyakuula! Atanâye ki twirwe ulubaaja kwo ahanwe. Ali mu ba akoli lyosiri mu lufu, anabe akola mugumaana.

Barumi 11:14

Kwokwo, lyo ndonga ukuvyula uluugi mu beene witu Bayahudi, halinde baguma baabo bakalonge ukukizibwa.

1 Bakorindo 1:21

Ee! Rurema akagwanwa ashungika ku bwitegeereze bwage kwaꞌbandu batangamúmenya mu kukoleesa amenge gaabo. Anasiima kwo agakizi kiza ngiisi ábagabiika Yesu kwoꞌbwemeere. Asiima ukukoleesa amagambo go tuli mu yigiriza, kundu gali mu gayirizibwa, mbu ga buhwija.

1 Bakorindo 9:22

Na kwakundi, ikyanya nâli tuuziri mu bali mu bukaholwe, nanakizi yigira nga naani bundi mwo, gira lyo nabo, balonga ukuyemeera Kirisito. Nâli kizi koleesa injira zooshi mu bandu booshi mu kukizi yigira nga ngiisi kwo bali, halinde lyo baguma baabo, ndonge ukubakiza.

1 Timoteyo 4:16

Ukizi loleekeza ngiisi kwo utuuziri. Neꞌkyanya uli mu yigiriza amagambo, nago ugaloleekeze bwija. Mukuba, ikyanya ugakizi yihangaana kwokwo, lyo ugayikiza. Unakize na ábali mu kuyuvwa kwakundi.

Firimooni 1:19

NIEHE PAHULU, NIE NAYANDIKA YIBI NOꞌKUBOKO KWANI NIENYENE, KWO NIE GAGUYISHULA. Kuguma na yibyo, nakukengeeza kwo ukiri noꞌmwenda gwani, nagwo gwangatumiri wenyene ushuba ugayitanga imwani.

Yakobo 1:15

gali mu ba nga keera gaheeka inda mu kati kaage, ganayiji múbuta mweꞌbyaha. Neꞌkyanya ibyaha biri mu ba keera byamúkulaga mwo, binamúyite.

Yakobo 1:21

Ngiisi bikoleere íbimùli mwo, mubishaazagye, kuguma na ngiisi mabi, kwo gakoli luguusiri. Mukuba, Rurema keera akabiika igambo lyage mu mitima yinyu. Kwokwo, muliyakiire mu kati koꞌbutuudu. Mukuba, yiryo igambo lyage, lyo lishobwiri ukumùkiza.

Yakobo 5:15

Neꞌkyanya bagamúhuunira, banabe babiisiri Rurema kwoꞌbwemeere, lyoꞌyo mulwazi agaakira. Ee! Nahano agamúyinamula. Na ngiisi byaha byo akagira, binakogwe.

Yakobo 5:19

E beene witu, iri muguma winyu angahabuka mu kusiga ukuli, uwabo akwiriiri anashubi múgalula.

1 Peturu 4:8

Neꞌngingwe ya byoshi, mukizi kundana bweneene ku mitima yinyu yoshi. Mukuba, ikyanya abandu bali mu kundana, lyo bali mu bwikira amahube mingi.

Bwigule 20:6

Yabo ábakazuuka mu buzuulwe bwa mbere, bo bahiriirwi! Banali bataluule. Ulufu lwa kabiri, lutagaaba noꞌbushobozi hiꞌgulu lyabo. Boohe, bagaaba bagingi ba Rurema na ba Kirisito. Baganatwala kuguma bo naye, halinde ukuhisa kwiꞌyo myaka kihumbi.