Yakobo 5:13 - Kifuliiru

¹³ Mu kati kiinyu, ka muli umundu úgweti úgalibuuka? Uyo, akwiriiri atabaaze Rurema! Ka muli na úshambiiri? Uyo naye, ayimbe inyimbo zoꞌbwivuge.

Yakobo 5:13 ပူးပေါင်းရင်းမြစ်များ

1 Kutondobola 16:9

Mukizi múyimbira! Mukizi múyimbira inyimbo zoꞌbwivuge. Ibitangaaza byage, mukizi bimenyeesania.

Hayubu 33:26

Uyo mundu, ikyanya agahuuna Rurema, agaaba akoli yemeriirwi. Rurema anamúyakiire mu kati koꞌbushambaale, anamúgalulire nga ngiisi kwo âli riiri ubwa mbere.

Zaburi 105:2

Mukizi múyimbira. Mukizi múyimbira inyimbo zoꞌbwivuge. Ibitangaaza byage, mukizi bimenyeesania.

Zaburi 118:5

Ikyanya nâli kola mu makuba, nꞌgatakira Nahano, ananyuvwa, ananjwekuula.

Zaburi 18:6

Imigozi yage yâli koli ngoniri. Naꞌmalamba gaage gâli kola ha mbere lyani.

Zaburi 50:15

Ku kyanya uli mu makuba, undabaaze. Ngakukiza! Naawe unakizi ngingika.»

Zaburi 91:15

Ikyanya agandabaaza, ngamúyitaba. Neꞌkyanya kyaꞌmakuba, tugayamanwa. Ngamúguluula, ninamúgingike.

Zaburi 95:2

Kwokwo, tukizi yija imbere lyage, tugweti tugatanga kongwa, iri tunamúyimbira inyimbo zoꞌbwivuge.

Hisaaya 65:14

Yabo bakozi baani, bagakizi yimba ku bushambaale. Si mwehe, imitima yinyu inabe ishengusiri, munakizi liruuka.

Danyeri 5:4

Ikyanya bâli kiri mu nywa, banakizi yivuga imigisi yabo íkatulwa mu nooro, na mu harija, na mu biti, na mu mabuye.

Hosheya 6:1

Haaho mugaadeta kwokuno: «E maashi, mugirage tugalukire Nahano! Kundu akatujanganula-janganula, haliko ye ganashubi tukiza. Na kundu akatubeza zirya nguma, haliko ye ganashubi tulunga zo.

Yona 2:2

Uyo Yona, iri akaba akiryagagi mu nda yoꞌyo bitaatalwe woꞌlufwi, anatondeera ukuhuuna Rurema Nahamwabo, ti:

Yona 2:7

Nâli mali manukaga, halinde iꞌdako ku ndaliro zeꞌmigazi. Nâli shwesirwi mu kihugo kya abafwiri. Inyiivi zâli mali mbamikirwa, gira mbeere yo imyaka neꞌmyakuula. E Rurema Nahamwitu! Kundu nâli kola mu miiji mingi, halikago, wananyulubula, wanandyosa yo, ngiri mugumaana.

Mika 4:5

Ibinyamahanga, kundu bagweti bagakulikira imizimu yabo, haliko twehe tugakizi kulikira Rurema Nahamwitu, halinde imyaka neꞌmyakuula!

Mataayo 26:30

Haaho, banayimba ulwimbo lwoꞌkuyivuga Rurema. Neꞌri bakalyoka yaho, banagenda ku Mugazi gweꞌMizehituuni.

Luka 22:44

Yesu, âli koli shengusiri bweneene! Kyanatuma agakaviiriza ukuhuuna Rurema. Ingeeshe yage, yanashusha nga muko, yanakizi toonyera haashi.]

Luka 23:42

Uyo mwitani, anashubi deta: «E Yesu, ikyanya ugayingira mu bwami bwawe, ukangengeere, maashi!»

1 Bakorindo 14:15

Kwokwo, ngirage kuti? Ngakizi huuna Rurema ku mutima gwani. Na mbuune na ku bwenge bwani kwakundi. Na ku luhande lwoꞌkuyimba, ngakizi yimba ku mutima gwani. Ngakizi yimba na ku bwenge bwani kwakundi.

1 Bakorindo 14:26

E beene witu! Kwokwo, tudetage kuti? Ikyanya muli mu kuumana, muguma winyu angaba ali noꞌlwimbo lwoꞌkuyimba. Ugundi anabe niꞌgambo lyoꞌkuyigiriza. Ugundi anamenyeese íbishubi bishamiri. Ugundi anadete ku zindi-zindi ndeto. Ugundi anazisobaanure. Yibyo byoshi, mukizi bigira ku njira yo byangayubaka mwiꞌshengero.

Bahefeso 5:19

Mukizi yimbirana inyimbo zeꞌZaburi, neꞌzindi nyimbo zoꞌkuyikumba Nahano, íziri mu leetwa noꞌMutima Mweru. Mukizi yimba imbere lya Nahano ku mitima íshenguusiri!

Baheburaniya 5:7

Ikyanya Yesu âli ki riiri hano mu kihugo, âli kizi huuna Rurema kwiꞌzu lihamu. Âli kizi lira, iri anamútakira ku migenge mingi. Mukuba, Rurema, ye wâli shobwiri ukumúkiza mu lufu. Na bwo Yesu âli kizi músimbaha ku butuudu bwoshi, kyanatuma Rurema agayuvwa amahuuno gaage.

Yakobo 5:10

E beene witu, mulolere umugani ku baleevi, ngiisi kwo bâli kizi deta kwiꞌziina lya Nahano. Kundu bakalonga amalibu, haliko bâli kizi gagooyera mwo.

Bwigule 14:3

Yabo bandu bihumbi igana na makumi gana na bina, bâli yimaaziri imbere lyeꞌkitumbi kyoꞌbwami, neꞌmbere lya birya bingisho-ngisho bina íbiri bigumaana, neꞌmbere lya balya bashaaja. Yabo booshi, bâli gweti bagayimba ulwimbo luhyahya. Ndaanaye úwâli shobwiri ukuluyiga, bátali baabalya bandu bihumbi igana na makumi gana na bina naaho, kwo bakaguluulwa mu kihugo.

Bwigule 7:10

Bâli gweti bagaadeta kwiꞌzu lihamu kwokuno: «Rurema witu, úbwatiiri ku kitumbi kyage kyoꞌbwami, ye mwene ubukize! NeꞌKyanabuzi, nakyo kyo kyene bwo!»