Yakobo 5:11 - Kifuliiru

¹¹ Na hiꞌgulu lya yukwo kugooyera kwabo, kyo kitumiri tuli mu deta kwo bahiriirwi. Keera mukayuvwa na hiꞌgulu lyoꞌbwigenderezi bwa Hayubu. Mwayuvwa, na ngiisi kwo Nahano akayiji mútabaala. Mukuba, Nahano, ali mu yuvwa indengeerwa, anali mu nogerana.

Yakobo 5:11 ပူးပေါင်းရင်းမြစ်များ

1 Kutondobola 21:13

Dahudi, ti: «Ngoli shengusiri bweneene. Bwangabiiri bwija mbanwe na Nahano yenyene. Mukuba, yehe, ye riiri noꞌlukogo luhamu. Ndaloziizi ukubiikwa mu maboko gaꞌbandu.»

2 Kutondobola 30:9

«Abagoma bakatwala beene winyu naꞌbaana biinyu imbohe. Kundu kwokwo, iri mwangagalukira Nahano, yabo bagoma bagabakejeerera, banabaleke bataahe. Si Nahano, Rurema winyu yenyene, ali mu kejererana, anali woꞌlukogo! Kwokwo, iri mwagamúgalukira, atagaki mùhindulira ingoto.»

Nehemiya 9:17

Birya bitangaaza byo wâli kizi bagirira, banabiyibagira. Banalahiraga, mbu batagaki kutwaza. Banayumuusa imitima yabo, banahuna, halinde banatoola ikirongoozi kyoꞌkubagalula i Miisiri mu buja bwabo. Kundu kwokwo, utakabajanda. E Rurema, uli mu kizi kogana. Wehe, uyijwiri ulukogo, unali mwigenderezi. Uli mu kundana bweneene, utanali mu yagalwa duba.

Nehemiya 9:31

Kundu kwokwo, ukabayuvwirwa indengeerwa, utanabashereeza lwoshi-lwoshi, utanabajanda. Ee! Uli Rurema weꞌndengeerwa, unali mu kejererana.

Hayubu 1:1

Mu kihugo kyeꞌHuuzi, mwâli tuuziri mundu muguma, iziina lyage ye Hayubu. Uyo Hayubu, âli mundu woꞌkuli, úwâli tungiini imbere lya Rurema. Âli kizi múgingika, iri anayiyeka neꞌbyaha.

Hayubu 1:2

Âli hiiti abagala balinda, naꞌbanyere bashatu.

Hayubu 2:10

Hayubu, anamúshuvya, ti: «Nanga, maashi! Si ugweti ugaadeta nga mukazi muhwija! Tushuba mu yakiira amiija ukulyoka imwa Rurema. Aahago! Kituma kiki tutangaki yakiira amabi kwakundi?» Emwe! Uyo Hayubu, kundu akalonga yago makuba gooshi, haliko ndaalyo akadeta, mbu ahubire Rurema.

Hayubu 23:10

«Kundu kwokwo, Rurema ayiji-yiji ulugeezi lwani. Neꞌkyanya agangeza, agambona kwo ndi shululu, ngeꞌnooro muguuhya.

Zaburi 103:13

Nga kwo yishe waꞌbaana ali mu bayuvwirwa indengeerwa, kwo Nahano naye ali mu giyuvwirwa ngiisi ábamúsimbahiri.

Zaburi 103:8

Nahano, ye mwene indengeerwa, ye na mwene imigashani. Atali mu yagalwa duba-duba, si ayijwiri mwoꞌrukundo.

Zaburi 116:5

Rurema Nahamwitu, ali mu tubonera ulukogo. Ali mu kejererana, mu kati koꞌkuli.

Zaburi 119:132

Aahago! Ungebagane, maashi, unanyuvwirwe indengeerwa, nga kwo uyamiri uli mu girira ngiisi ábakuuziri iziina lyawe.

Zaburi 145:8

Nahano ali mu yuvwiranwa indengeerwa, anali mu kejererana. Ee! Ayijwiri mwoꞌrukundo, atanali mu yagalwa duba.

Zaburi 37:37

Mukizi yitoneesa ku bandu ábakwaniini, balya ábatahiiti ubuhube. Mukuba, ngiisi ábakuuziri umutuula, bagaalama.

Zaburi 51:1

Imwoꞌmwimangizi waꞌbimbi. Izaburi ya Dahudi.

Zaburi 78:38

Kundu Rurema âli barakariiri, si akakizi yihangirira ku bute bwage, atanaki baminika. Ee! Âli bakejeriiri, anakizi bakoga ibyaha.

Zaburi 86:15

Kundu kwokwo, e Nahano, uli mu kizi kejererana, unali woꞌlukogo. Utali mu yami yagalwa duba, si uyamiri uli mu kundana, unali woꞌkuli.

Zaburi 86:5

E Nahano, uli mwija, unali mu kogana. Ngiisi ábagweti bagakutabaaza, ubakuuziri bweneene.

Zaburi 94:12

E Nahano, ahiriirwi ngiisi ye ugweti ugayerekeza, unali mu múyigiriza imaaja zaawe.

Kulyoka 34:6

Lyeryo, analenga imbere lya Musa, anashubi deta: «Niehe, nie Nahano, na ndi nie Rurema. Nyijwiri ulukogo neꞌndengeerwa. Ndi mwigenderezi, na ndi mu kizi gira amiija, na ndi mwemeera.

Mwigiriza 7:8

Igambo, imbeka yalyo, yo ngulu ku ndondeko yalyo. Noꞌkuyigenderera, kwo kukulu ku kuyikangaata.

Hisaaya 63:7

Ngamenyeesa ngiisi kwo Nahano ali mu nogerana, ninamúyivuge ku byoshi byo âli kizi gira. Âli kizi tukolera bwija. Na buno, ngwiriiri ngizi múhuuza mu bandu. Mukuba, agweti agatuyuvwirwa indengeerwa bweneene, anali mu tukejeerera.

Hisaaya 63:9

Ku kyanya Abahisiraheeri bâli kizi longa amakayu, naye, bâli kizi galongera kuguma. Anabakiza, mu kubalungikira umuganda. Na bwo abakuuziri, kyanatuma agakizi bayuvwirwa indengeerwa, anabaguluula. Âli kizi batengetera, iri anababetula.

Kimombo 3:22

Urukundo lwa Nahano lutali mu heka. Na bwo atukuuziri bweneene, tutazi mirwa lwoshi-lwoshi.

Danyeri 9:9

«“E Rurema Nahamwitu! Kundu tukahunaga imbere lyawe, haliko utuyereke kandi kwo uli munandengeerwa, na kwo uli mu kizi kogana.

Yuheeri 2:13

Mutakizi ki daatula naaho ibyambalwa biinyu, mu kuyerekana kwo mukoli jengiirwi. Si mukizi hindula imitima yinyu.» Mugalukire Nahano, Rurema winyu. Mukuba, ali mu yuvwiranwa indengeerwa, anali mu kejererana. Atali mu yagalwa duba, si ayijwiri urukundo bweneene. Ayamiri ali ibiringiini ukuyishuhiza ku mabi.

Yona 4:2

Kyanatuma Yona agabwira Nahano: «Ikyanya ndâli zaazi shaaga i kaaya, si byebyo byo nâli toniri! Kyanatuma nꞌgaba naꞌkashuushi koꞌkutibitira i Tarasisi. Mukuba, nâli yiji-yiji kwo uli mu bonerana ulukogo, na kwo uli mwigenderezi. Utali mu yagalwa mulindi, si uli mu kundana ngana-ngana! Nâli yiji-yiji kwo ugayami shiginya, utanaki bahane.

Mika 7:18

Aahago! Hayi ho twangashubi bona ugundi Rurema úkushushiri! Si wehe naaho, we gweti úgakoga ibyaha byaꞌbandu! Ee! Abandu baawe ábasigiiri, utagweti ugakizi loleekeza ibyaha byabo. Utanayamiri ugarakarira abandu baawe halinde imyaka neꞌmyakuula. Haliko, usiimiri ukuyerekana urukundo úlutâye male.

Muharuuro 14:18

“Nahano atali mu raakara mulindi-mulindi. Si ali munandengeerwa nyingi. Ali mu koga ibyaha, kiri noꞌbuhuni. Kundu kwokwo, ngiisi ábali naꞌmahube, atali mu balekeerera. Si ikyanya abandu bagweti bagahuba, ali mu hana abaana baabo, kiri na bijukulu baabo, halinde ukuhisa ku kibusi kya kashatu, neꞌkya kana.”

Mataayo 10:22

Abandu booshi, banakizi mùshomba hiꞌgulu liꞌziina lyani. Kundu kwokwo, iri umundu angahebera halinde ukuheza, agakizibwa.

Luka 1:50

Ikyanya abandu bali mu ba bamúsimbahiri, ayamiri ali mu bakejeerera, halinde ibibusi byabo byoshi.

Luka 11:10

Umundu, iri angahuuna, agahaabwa. Neꞌri angashakula, agalonga. Neꞌri angayiguza, agayigulirwa.

Luka 6:36

Mukizi kejererana, nga kwo Yisho naye agweti agakejererana.

Barumi 2:4

Si Rurema, agweti agakugirira bwija mu kukizi kugooyera ku bwigenderezi bwoshi. Kundu kwokwo, utamútwaziizi! Aahago! Ka utayiji kwoꞌbwija bwage, bwo bwangatuma ugatwikira ku byaha byawe?

Bahefeso 1:6

Na bwo Rurema akatubonera ulukogo lwaꞌkahebuuza mu kati ka Kirisito, Umwana wage mukundwa, kyo kitumiri tugweti tugamúhuuza.

Bahefeso 2:4

Kundu kwokwo, Rurema ayijwiri ulukogo, anatukuuziri bweneene!

Baheburaniya 10:39

Kundu kwokwo twehe, tutalyagagi mu bandu boꞌkugaluka kifudeete, tunashereezibwe. Si tuli bandu boꞌkubiika Rurema kwoꞌbwemeere, tunakizibwe.

Baheburaniya 3:14

Mukuba, twehe, tukola neꞌngoome na Kirisito. Kundu kwokwo, tukwaniini tukizi kania umulangaaliro gwo tukalonga ku ndondeko. Tunakizi gufiitirwa kwo, halinde ukuheza.

Baheburaniya 3:6

Haliko Kirisito yehe, ye Mwana mwemeera, anayimangiiri inyumba ya Yishe. Na twehe twe tulyagagi iyo nyumba, iri twangaba tuli mu kania imitima yitu. Tukanie noꞌmulangaaliro gwitu gwo tukoli shambiiri mwo.

Yakobo 1:12

Umundu ahiriirwi, ikyanya ali mu yihangaana mu magezo! Mukuba, ikyanya agaaba keera agahima, Rurema agamúhemba ubulamu, lube lushembe lwage. Ngiisi ábamúkuuziri, kwokwo kwo âli mali gwanwa abalagaania.

Yakobo 1:2

E beene witu! Ikyanya mugakizi longa amagezo ga kwingi-kwingi, mukizi gabona kwo gali ga kushambaala mwo!

1 Peturu 1:13

Ku yukwo, mukizi yisaliza ku bwitonde, gira lyo mukizi ba ibiringiini. Munakizi ba masu, iri munabiika umulangaaliro gwinyu gwoshi ku migashani ya Yesu. Mukuba, ikyanya Yesu Kirisito agayerekanwa, lyo mwâye gashaanirwe.

1 Peturu 3:14

Na kundu mwangalibuzibwa hiꞌgulu lyaꞌmiija, muhiriirwi. «Mutakizi bayoboha, mutanakizi gerania.»

2 Peturu 2:9

Kwokwo, ikyanya abandu ba Nahano bali mu gezibwa, twabona kwo ayiji ngiisi kwo agabakiza. Naꞌbandu babi kwakundi, ayiji ngiisi kwo agakizi bahana, halinde ukuhisa ku lusiku lwo agabatwira kweꞌmaaja.