Yakobo 4:9 - Kifuliiru

⁹ Mujengeerwe, iri munalira ku kimombo! Amasheka giinyu, gahinduke malira. Noꞌmushambaalo gwinyu, guhinduke muhuni.

Yakobo 4:9 ပူးပေါင်းရင်းမြစ်များ

Nehemiya 8:9

Yago magambo geꞌmaaja, iri yabo bandu bakagayuvwa, banatulikira mu malira. Uyo guvuruneeri Nehemiya, noꞌmugingi Hizira, umunabumenyi ku byeꞌmaaja, kuguma na yabo Balaawi ábali kizi basobaanulira amandiko, banabwira abandu booshi, ti: «Luno lusiku, lukoli talwirwi imwa Rurema Nahamwitu. Aahago! Mutakizi ki jengeerwa, kandi iri kulira.»

Hayubu 30:31

Ululanga lwani, ngweti ngalulasa naaho kweꞌnyimbo zoꞌkuyiganyira. Neꞌfirimbi yani, ndi mu gilasa kweꞌnyimbo zoꞌkugongeera.»

Zaburi 119:136

Si abandu batali mu simbaha imaaja zaawe! Kyo kitumiri imigenge igweti iganvukumuka mu masu nga migezi.

Zaburi 119:67

Ikyanya utâli zaazi mbana, nâli kizi habuka. Haliko buno, ngweti ngakulikiriza Igambo lyawe.

Zaburi 119:71

Ikyanya nâli kizi libuuka, lyo nꞌgalonga akamaro. Mukuba, nꞌgalonga ukukizi yiga imaaja zaawe.

Migani 14:13

Umundu angasheka, mu mutima munabe muyijwiri umwizingeerwe. Ikyanya akasheko kagamalaga, hanasigale indaania naaho.

Mwigiriza 2:2

Na kundu nꞌgagiraga mbu nyishese, si nanayiji bona kwo nakwo buli buhwija. Ee! Yukwo kuyishambaaza, ndaako kamaro ákakuli mwo.

Yeremiya 31:13

Ku yikyo kyanya, abanyere bagakizi tamba ku busiime, kiri neꞌmisore naꞌbashaaja. Kundu bakiri mu jengeerwa, haliko ngaki bashambaaza. Ngakizi baholeeza, halinde umwizingeerwe gwabo gunahinduke bushambaale.

Yeremiya 31:9

Ikyanya bagagaluka, bagayija bakola mu lira, iri banandabaaza. Ngabaleeza mu njira ígolosiri, hoofi noꞌtudota, bataganakizi siitara. Ee ma! Yabo Bahisiraheeri, nyamiri ndi yishe, Hifurahimu ye fula yani.»

Kimombo 5:15

Imitima yitu itaki shambiiri. Naꞌmakina giitu, gakoli hindusiri kimombo.

Hezekyeri 16:63

Ngamùkoga amabi gooshi go mwâli kizi gira. Neꞌkyanya mugakizi gakengeera, munagwatwe neꞌshoni bweneene, munateteerwe. Mutaganaki shubi fyodoka ukudeta irindi igambo.» Kwokwo, kwo Rurema Nahamwitu adesiri.

Hezekyeri 7:16

Ngiisi ábakafuushukira mu migazi, ikyanya bagayiganyira hiꞌgulu lyeꞌbyaha byabo, abandu bagabayuvwa bali nga ngunde za mu kabanda.

Mataayo 21:41

Na wa nabo, ti: «Balya banakuhambwa, agabayogogoza, anabuli bayita! Neꞌyo ndalo yage, anagitiize abandi bahiizi, gira bakakizi múheereza ugwage mutuli ku kyanya kyagwo.»

Mataayo 5:4

Bahiriirwi, ábagweti bagajengeerwa! Boohe, Rurema agabaholeeza.

Luka 16:25

«Hiburahimu anamúshuvya: “E mwana wani, ukengeere kweꞌkyanya wâli ki tuuziri mu kihugo, kwo we wâli kizi longa ibiija. Noꞌyo Laazaro, ye wâli kizi longa ibibi. Haliko buno, yehe ye kola mu holeezibwa hano. Na wehe, we kolaga mu libuuka.

Luka 6:21

Muhiriirwi, mwe muli noꞌmwena buno! Mugaki yiguta. Muhiriirwi, mwe mugweti mugaalira buno! Mugaki sheka.

Luka 6:25

Yayewe imwinyu, mwe muyigusiri buno! Si mugaki shalika. Yayewe imwinyu, mwe mugweti mugaasheka buno! Si mugaki lira ku kimombo.