Yakobo 4:14 - Kifuliiru

¹⁴ Si mutayiji íbigamùkoleka kwo, kiri na kusheezi! Uburambe bwinyu, bulyagagi buki? Si buli nga luuta! Luli mu boneka ku hyanya hiniini, lunayami nyerera!

Yakobo 4:14 ပူးပေါင်းရင်းမြစ်များ

2 Samweri 19:34

Kwokwo, mwami anamúbwira: «E Barizilaayi, tugendanwe i Yerusaleemu, gira ngizi kutabaala.»

Zaburi 102:3

Buno, ngola mu libuuka bweneene. Aaho! Utakizi mbindulira ingoto, si ukizi ndega amatwiri. Ikyanya ndi mu kutabaaza, ukizi vwaruka mu kunjuvya.

Zaburi 144:4

Si abandu balyagagi nga muuka naaho! Isiku zaabo ziri mu lenga duba, nga kimbehwa.

Zaburi 39:5

«E Nahano, ummenyeese ngiisi kwoꞌburambe bwani buli mu suula umulindi. Unanyereke ngiisi kwo bugaahera. Umbwire ulusiku lwo ngaafwa kwo.

Zaburi 78:39

Mukuba, âli kengiiri kwo bali ba kufwa naaho, banali nga mbuusi íri mu tee huusa, inayami nyerera.

Zaburi 89:47

E maashi Nahano, ugakizi yibisha, halinde mangoki? Si uburaakari bwawe, buki genderiiri ukukizi yaka!

Migani 27:1

Ibya kusheezi, utakizi biyihayira. Mukuba, ngiisi ulusiku, utayiji byo lugaleeta.

Hisaaya 2:22

Aahago! Kituma kiki muki gweti mugabiika umulangaaliro ku bandu? Si booshi bagaafwa! Aaho! Kuti kwo bangaki mùtabaala?

Hisaaya 38:12

Uburambe bwani bukolaga ngiꞌheema lyoꞌmungere, lyo bali mu kulula haashi, banalishaaze. Yoho wee! Si ngola mu malaga, ngoꞌmulondo gwoꞌmuhaazi ali mu bungiriza. Mu lusiku luguma naaho, lyo wayami mbisa ku mbeka yeꞌsiku zaani.

Yakobo 1:10

Haliko ngiisi mugale, ukuyiyuvwa kwage, kube bwo abiisirwi haashi. Mukuba, agaki lenga naaho, nga twaso twa mu kishuka.

1 Peturu 1:24

Mukuba biyandisirwi kwokuno: «Abandu booshi, bali nga byasi. Noꞌbulangashane bwabo, buli nga bwaꞌkaaso naaho. Ibyasi biri mu bogama, naꞌkaaso kanabugumuke.

1 Peturu 4:7

Ukuheza kwa byoshi, kukolaga hoofi. Ku yukwo, mukwiriiri mukizi ba masu. Munakizi yihangirira, halinde lyo mushobola ukukizi huuna Rurema.

1 Yohana 2:17

Ikihugo, neꞌbyaꞌbandu bali mu yifwija, byoshi bigalenga. Si iri umundu angagira byo Rurema aloziizi, yehe agaalama imyaka neꞌmyakuula.